മഞ്ഞൾ ചേർത്ത പാൽ കുടിക്കണം, ഗുണങ്ങൾ നിരവധിയാണ്

മഞ്ഞൾ പാൽ വീക്കം തടയുന്ന ആന്റി ഇൻഫ്ലമേറ്ററി ഗുണങ്ങളാൽ നിറഞ്ഞിരിക്കുന്നു. മഞ്ഞൾ ഒരു പ്രകൃതിദത്ത ആന്റിസെപ്റ്റിക്, ആൻറി ബാക്ടീരിയൽ ഘടകമാണ്. അതുകൊണ്ടാണ് ഇത് പാലിനൊപ്പം കഴിക്കുന്നത് നല്ലതാണ്. ഈ ആരോഗ്യ പാനീയത്തിന്റെ ആരോഗ്യപരവും സൗന്ദര്യപരവുമായ ഗുണങ്ങൾ എന്തൊക്കെയെന്ന് നമുക്ക് നോക്കാം.



ജലദോഷവും ചുമയും കുറയ്ക്കാൻ



പണ്ടുകാലം മുതൽ മഞ്ഞൾ പാൽ ഒരു ഒറ്റാമൂലിയായി ഉപയോഗിച്ചു വരുന്നു. തൊണ്ടവേദന, മൂക്കൊലിപ്പ്, ചുമ അല്ലെങ്കിൽ കഫക്കെട്ട് പോലെയുള്ള ബാക്ടീരിയ, വൈറൽ അണുബാധകൾ മൂലമുണ്ടാവുന്ന രോഗങ്ങൾ അകറ്റുവാൻ ഒരു ഗ്ലാസ് മഞ്ഞൾ പാൽ കുടിക്കുന്നത് വളരെ ഉത്തമമാണ്. ഏതെങ്കിലും ശ്വാസകോശ സംബന്ധമായ അണുബാധയുടെ ആദ്യ ലക്ഷണങ്ങൾ ഉണ്ടാവുമ്പോൾ തന്നെ ഇത് കഴിക്കുക, അത് നിങ്ങളുടെ ശരീരത്തിന് തൽക്ഷണ ആശ്വാസം പ്രദാനം ചെയ്യും. ആസ്ത്മ, ബ്രോങ്കൈറ്റിസ് എന്നിവയുടെ പ്രശ്‌നങ്ങളും ഈ പാനീയം ചികിത്സിക്കുന്നു.

സന്ധിവേദനയും വാതവും ഭേദമാക്കാൻ



സന്ധിവാതം, വീക്കം, സന്ധി വേദന എന്നിവയുടെ പ്രയാസകരമായ സാഹചര്യങ്ങളിൽ മഞ്ഞൾ പാൽ ഒരു ഫലപ്രദമായ ഒറ്റാമൂലിയായി കണക്കാക്കപ്പെടുന്നു. ആർത്രൈറ്റിസ് മൂലമുള്ള നീർക്കെട്ടും വേദനയും ചികിത്സിക്കാൻ മരുന്നുകൾക്ക് പകരമായി ഇത് ഉപയോഗിക്കാം. ഇത് സന്ധികളെയും പേശികളെയും വഴക്കമുള്ളതാക്കാൻ സഹായിക്കുന്നു, അതിനാൽ വേദന കുറയ്ക്കുന്നു. പുറം, മുട്ട് വേദനകൾ അനുഭവിക്കുന്നവർക്ക് അത്ഭുതകരമായ ഈ പാനീയം പ്രയോജനകരമാണ്.

കരൾ ശുദ്ധീകരിക്കുന്നു



ഈ ആരോഗ്യകരമായ പാനീയം ശരീരത്തിലെ ദുഷിപ്പുകളെ കുറയ്ക്കുന്നതിലൂടെ കരളിന്റെ പ്രവർത്തനം വർദ്ധിപ്പിക്കുന്നു. കരളിനെ പിന്തുണയ്ക്കുകയും ആരോഗ്യകരമായ ജീവിതശൈലിക്ക് ലിംഫാറ്റിക് സംവിധാനത്തെ ശുദ്ധീകരിക്കുകയും ചെയ്യുന്ന ഒരു അറിയപ്പെടുന്ന രക്തശുദ്ധീകരണ ഘടകമാണിത്.

അസ്ഥികളുടെ ആരോഗ്യത്തിന്



മഞ്ഞൾ പാൽ കാൽസ്യത്തിന്റെ മികച്ച ഉറവിടമാണ്. ഇത് നിങ്ങളുടെ അസ്ഥികളുടെ ആരോഗ്യം നിയന്ത്രിക്കുകയും നിങ്ങളുടെ അസ്ഥി പിണ്ഡം നിലനിർത്തുകയും ചെയ്യുന്നു. പോഷകങ്ങളുടെ അതുല്യമായ സന്തുലിതാവസ്ഥ നിറഞ്ഞ ഇത് എല്ലിനെ ആരോഗ്യകരവും ശക്തവുമാക്കുന്നു. കൂടാതെ, ഈ ഔഷധ ചേരുവയും പാലും ഒരുമിച്ച് ചേർക്കുന്നത് അസ്ഥിയുടെ തേയ്മാനവും ഓസ്റ്റിയോപൊറോസിസും ഉണ്ടാവാനുള്ള സാധ്യത കുറയ്ക്കുന്നു.

പ്രകൃതിദത്ത ഡിറ്റോക്സ് പാനീയം



ആയുർവേദ വചനങ്ങൾ അനുസരിച്ച്, ഈ മഞ്ഞൾ പാനീയം നമ്മുടെ ശരീരത്തിലെ രക്തചംക്രമണം വർദ്ധിപ്പിക്കുന്നു. മഞ്ഞളിൽ ഭക്ഷണ നാരുകളും കാൽസ്യം, സിങ്ക്, മഗ്നീഷ്യം തുടങ്ങിയ പോഷകങ്ങളും ധാരാളമായി അടങ്ങിയിട്ടുണ്ട്, ഇത് മികച്ച ദഹനത്തിന് സഹായിക്കുന്നു. ഇത് എല്ലാ വിഷവസ്തുക്കളുടെയും നീക്കം ചെയ്ത് രക്തക്കുഴലുകളും ടിഷ്യുകളും വൃത്തിയാക്കുന്നു.

പ്രോട്ടീൻ പൗഡർ പാലിൽ മിക്സ് ചെയ്ത് കുടിക്കാമോ?

ആർത്തവ വേദനയും ഗർഭധാരണവും



മഞ്ഞൾ പാൽ ആന്റിസ്പാസ്മോഡിക് ആയി പ്രവർത്തിക്കുകയും ആർത്തവ വേദന കുറയ്ക്കുകയും ചെയ്യുന്നു. സ്വർണ്ണ വർണമുള്ള മഞ്ഞൾ പാൽ സ്ത്രീകളുടെ പ്രത്യുത്പാദന ആരോഗ്യത്തെയും പരിപാലിക്കുന്നു. എളുപ്പത്തിലുള്ള പ്രസവത്തിന് ഗർഭകാലത്തെ ആദ്യ മൂന്ന് മാസത്തിൽ ഗർഭിണികൾക്ക് മഞ്ഞൾ പാൽ കുടിക്കാൻ വിദഗ്ദ്ധർ ശുപാർശ ചെയ്യുന്നു. ഗർഭം ധരിക്കാൻ ബുദ്ധിമുട്ടുള്ള സ്ത്രീകൾക്കും ഇത് നല്ലതാണത്രേ.

പ്രതിരോധശേഷി വർദ്ധിപ്പിക്കുന്നു



പ്രതിരോധശേഷി വർദ്ധിപ്പിക്കുന്നതിനും അണുബാധകളെ ചെറുക്കുന്നതിനും ഈ അത്ഭുത പാനീയം ഗുണം ചെയ്യും. കാലാവസ്ഥ മാറാൻ തുടങ്ങുമ്പോൾ, രോഗങ്ങളിൽ നിന്നും അണുബാധകളിൽ നിന്നും സംരക്ഷിക്കുന്നതിനുള്ള ഒരു മാന്ത്രിക പാനീയമായി മഞ്ഞൾ പാൽ പ്രവർത്തിക്കുന്നു.

വേദനസംഹാരി



തലവേദന, ശരീരവേദന, മറ്റ് വേദനകൾ എന്നിവയ്ക്ക് ഫലപ്രദമായതിനാൽ മഞ്ഞളിനെ ‘പ്രകൃതിദത്ത ആസ്പിരിൻ’ എന്നും വിളിക്കുന്നു. ഉറങ്ങുന്നതിന് തൊട്ടുമുമ്പ് ഒരു ഗ്ലാസ് ചൂടുള്ള മഞ്ഞൾ പാൽ കുടിക്കുന്നത് വീക്കം, നീർക്കെട്ട്, വേദന എന്നിവ കുറയ്ക്കാൻ സഹായിക്കുന്നു.

മുറിവുകളും ചർമ്മരോഗങ്ങളും ഭേദമാക്കാൻ



വൈവിധ്യമാർന്ന ഗുണങ്ങളുള്ള മഞ്ഞൾ ചർമ്മരോഗങ്ങൾ ഉൾപ്പെടെ തടഞ്ഞ് നമ്മുടെ മൊത്തത്തിലുള്ള ക്ഷേമത്തിന് നല്ലതാണ്. മഞ്ഞളിന്റെ ആന്റി ഇൻഫ്ലമേറ്ററി ഗുണങ്ങൾ ചർമ്മത്തിന്റെ ചുവന്ന പാടുകൾ, കരപ്പൻ, സോറിയാസിസ്, പാടുകൾ, മുറിവുകൾ, വടുക്കൾ മുതലായവയ്ക്ക് ഒരു അത്ഭുത പ്രതിവിധിയായി പ്രവർത്തിക്കുന്നു.

നല്ല ഉറക്കത്തിനും സമ്മർദ്ദം കുറയ്ക്കാനും



ഇത് നിങ്ങളുടെ മനസ്സിനെ ശാന്തമാക്കുകയും നിങ്ങൾക്ക് ആശ്വാസം നൽകുകയും ചെയ്യുന്നു. ഒരു ഗ്ലാസ് ചൂടുള്ള മഞ്ഞൾ പാൽ കുടിച്ചതിനു ശേഷം നിങ്ങൾക്ക് കൂടുതൽ സന്തോഷത്തോടെയും സമാധാനത്തോടെയും ഉറങ്ങാൻ കഴിയും.

മഞ്ഞൾ പാൽ നൽകുന്ന ചില സൗന്ദര്യ ഗുണങ്ങൾ ഇവയാണ്:

തിളങ്ങുന്ന ചർമ്മം



മഞ്ഞൾ പാലിലെ ആന്റി മൈക്രോബയൽ ഗുണങ്ങൾ നിങ്ങളുടെ ചർമ്മത്തെ മൃദുവും മനോഹരവും തിളക്കവുമുള്ളതാക്കുന്നു. പ്രായമാകൽ പ്രക്രിയ കൈകാര്യം ചെയ്യുന്നതിലൂടെ മഞ്ഞൾ നിങ്ങളുടെ മുഖത്തിന് യുവത്വം നൽകുന്നു.

നല്ല ചർമ്മം



പാലിന്റെയും മഞ്ഞളിന്റെയും ആന്റി ഓക്‌സിഡന്റ് ഗുണങ്ങൾ മൃതകോശങ്ങളോടും ഫ്രീ റാഡിക്കലുകളോടും പോരാടുകയും നമ്മുടെ ചർമ്മത്തെ സംരക്ഷിക്കുകയും ചെയ്യുന്നു. ഇത് സെബേഷ്യസ് ഗ്രന്ഥികളിൽ നിന്നുള്ള അമിതമായ എണ്ണ സ്രവത്തെ നിയന്ത്രിക്കുകയും അങ്ങനെ ചർമ്മത്തിന് നല്ല നിറം നൽകുകയും ചെയ്യുന്നു. കൃത്യമായി ഉപയോഗിക്കുമ്പോൾ അത് ചർമ്മത്തിന് കുറ്റമറ്റതും തെളിഞ്ഞതുമായ നിറം നൽകുന്നു.

വയറ്റിലെ അസ്വസ്ഥതകൾക്ക് പരിഹാരം ഈ തുളസി കഷായം

ഭാരം കുറയ്ക്കാൻ



ഒരു ഗ്ലാസ് മഞ്ഞൾ പാൽ സ്ഥിരമായി എല്ലാ ദിവസവും കുടിക്കുന്ന ശരീരത്തിലെ അധിക ഭാരം കുറയ്ക്കാനും സഹായിക്കും. അതെ, ആരോഗ്യകരമായ ഈ എനർജി ഡ്രിങ്ക് അമിതവണ്ണത്തെ പ്രതിരോധിക്കുകയും നിങ്ങളുടെ ശരീരത്തിലെ അമിതമായ കൊഴുപ്പ് നീക്കം ചെയ്യുകയും ചെയ്യുന്നു. മഞ്ഞളിൽ അടങ്ങിയ കുർക്കുമിൻ എന്ന ഘടകം നിങ്ങളുടെ ശരീരത്തിൽ കൊഴുപ്പ് അടിഞ്ഞുകൂടുന്നത് നിയന്ത്രിക്കുന്നു.

ശ്വാസകോശ സംബന്ധമായ പ്രശ്നങ്ങളും ചർമ്മരോഗങ്ങളും സുഖപ്പെടുത്തുന്നത് മുതൽ വേദനയും സമ്മർദ്ദവും ഒഴിവാക്കുന്നത് വരെ പല വിധത്തിലുള്ള ഗുണങ്ങളുള്ള ഈ മഞ്ഞൾ പാൽ ഇനി മുതൽ സ്ഥിരമായി കുടിക്കുവാൻ ശ്രമിക്കൂ; പ്രകൃതിദത്തവും പോഷക സമ്പുഷ്ടവുമായ ഭക്ഷണശീലം ഒന്നിലധികം വഴികളിൽ നിങ്ങളെ സഹായിക്കും.