നവംബര്‍ ഒന്നിനു മുമ്പ് സൗദിയിലെ 70 ശതമാനം ആളുകള്‍ക്കും രണ്ട് ഡോസ് വാക്‌സിനും ലഭിക്കുന്നതിലൂടെ സാമൂഹിക പ്രതിരോധം കൈവരിക്കാനായാല്‍ അതുമുതല്‍ ഇവര്‍ക്കും നേരിട്ടുള്ള ക്ലാസ്സുകള്‍ ആരംഭിക്കാനാണ് തീരുമാനം.
ചെറിയ ക്ലാസ്സുകളിലെ കുട്ടികള്‍ക്ക് ഓണ്‍ലൈന്‍ രീതി തുടരും
ഇന്റര്‍മീഡിയറ്റ്, സെക്കന്ററി തലത്തിലെ വിദ്യാര്‍ഥികള്‍ക്കും യൂനിവേഴ്‌സിറ്റി വിദ്യാര്‍ഥികള്‍ക്കും ടെക്കിനിക്കല്‍ സ്ഥാപനങ്ങളില്‍ പഠിക്കുന്നവര്‍ക്കും ആഗസ്ത് 29 മുതല്‍ തന്നെ നേരിട്ടുള്ള ഓഫ്‌ലൈന്‍ ക്ലാസ്സുകള്‍ ആരംഭിക്കാനാണ് തീരുമാനം. അതേസമയം, പ്രൈമറി ക്ലാസ്സുകള്‍ക്കും കിന്റര്‍ഗാര്‍ട്ടനുകള്‍ പോലുള്ളവയ്ക്കും നവംബര്‍ ഒന്നു മുതലാണ് നേരിട്ടുള്ള ക്ലാസ്സുകള്‍ തുടങ്ങുക. അതുവരെ നിലവിലെ രീതിയില്‍ ഓണ്‍ലൈന്‍ ക്ലാസ്സുകള്‍ തുടരും. നവംബര്‍ ഒന്നിനു മുമ്പ് സൗദിയിലെ 70 ശതമാനം ആളുകള്‍ക്കും രണ്ട് ഡോസ് വാക്‌സിനും ലഭിക്കുന്നതിലൂടെ സാമൂഹിക പ്രതിരോധം കൈവരിക്കാനായാല്‍ അതുമുതല്‍ ഇവര്‍ക്കും നേരിട്ടുള്ള ക്ലാസ്സുകള്‍ ആരംഭിക്കാനാണ് തീരുമാനം.
പ്രവേശനം രണ്ട് ഡോസ് വാക്‌സിന്‍ എടുത്തവര്‍ക്ക് മാത്രം
അതേസമയം, മുതര്‍ന്ന കുട്ടികളില്‍ രണ്ട് ഡോസ് വാക്‌സിന്‍ സ്വീകരിച്ചവര്‍ക്ക് മാത്രമായിരിക്കും നേരിട്ടുള്ള ക്ലാസ്സുകളില്‍ പ്രവേശനമെന്ന് മന്ത്രി അറിയിച്ചു. വാക്‌സിന്‍ എടുക്കാത്തവരോ ഒരു ഡോസ് മാത്രം എടുത്തവരോ ഓണ്‍ലൈന്‍ പഠനരീതി തുടരാനാണ് നിര്‍ദ്ദേശം. നിലവില്‍ ഒരു ഡോസ് എടുത്തവര്‍ക്ക് രണ്ടാം ഡോസ് എടുക്കുന്ന മുറയ്ക്ക് ക്ലാസ്സില്‍ നേരിട്ടെത്താം. കുട്ടികളുടെയും അവരുടെ കുടുംബാംഗങ്ങളുടെ ആരോഗ്യ സുരക്ഷ മുന്‍നിര്‍ത്തിയാണ് ഈ തീരുമാനമെന്ന് മന്ത്രി പറഞ്ഞു. ഇങ്ങനെ ക്ലാസ്സില്‍ ഹാജരാവാത്ത വിദ്യാര്‍ഥികള്‍ക്കായി അന്നന്നത്തെ ക്ലാസ്സുകള്‍ മദ്‌റസത്തീ പ്ലാറ്റ്‌ഫോമില്‍ അപ്‌ലോഡ് ചെയ്യും. വൈകിട്ട് 3.30 നുതല്‍ ഏഴ് മണി വരെയായിരിക്കും ഓണ്‍ലൈന്‍ ക്ലാസ്സിന്റെ സമയം.
ഒരാള്‍ക്ക് കൊവിഡ് ബാധയുണ്ടായാല്‍ ക്ലാസ്സ് അടച്ചിടും
കുട്ടികള്‍ മാസ്‌ക്ക് ധരിക്കല്‍, സാമൂഹിക അകലം പാലിക്കല്‍, സാനിറ്റൈസറിന്റെ ഉപയോദം തുടങ്ങിയ കൊവിഡ് പെരുമാറ്റച്ചട്ടങ്ങള്‍ പൂര്‍ണമായി പാലിക്കണം. ക്ലാസ്സിലെ കുട്ടികള്‍ തമ്മിലും രണ്ട് ക്ലാസ്സുകല്‍ തമ്മിലും ഇടകലരാതെ ശ്രദ്ധിക്കണം. ക്ലാസ്സിലെ ഒരു വിദ്യാര്‍ഥിക്ക് കൊവിഡ് ബാധ കണ്ടെത്തിയാല്‍ ആ ക്ലാസ്സ് 10 ദിവസത്തേക്ക് അടച്ചിട്ട് ഓണ്‍ലൈന്‍ പ്ലാറ്റ്‌ഫോമിലേക്ക് പഠനം മാറുമെന്നും മന്ത്രി പറഞ്ഞു. സ്‌കൂളിലെ ഒന്നിലേറെ ക്ലാസ്സുകളില്‍ ഇതേ രീതിയില്‍ കേസുകള്‍ റിപ്പോര്‍ട്ട് ചെയ്യപ്പെടുന്ന പക്ഷം സ്‌കൂള്‍ പൂര്‍ണമായി അടച്ചിടാനാണ് തീരുമാനം.
സ്‌കൂളുകള്‍ക്കായി ചെലവഴിച്ചത് ഒരു ബില്യന്‍ റിയാല്‍
കൊവിഡ് പ്രതിരോധത്തിനായുള്ള പ്രത്യേക സജ്ജീകരണങ്ങള്‍ ഒരുക്കുന്നതിനും പുതിയ കെട്ടിടങ്ങള്‍ നിര്‍മിക്കുന്നതിനും ഒക്കെയായി ഇത്തവണ ഒരു ബില്യന്‍ റിയാലാണ് വിദ്യാഭ്യാസ മന്ത്രാലയം ഇതിനകം ചെലവഴിച്ചത്. നേരത്തേ വാടക കെട്ടിടങ്ങളില്‍ പ്രവര്‍ത്തിച്ചിരുന്ന 671 വിദ്യാലയങ്ങള്‍ കഴിഞ്ഞ രണ്ടു വര്‍ഷത്തിനുള്ളില്‍ പുതിയ കെട്ടിടങ്ങളിലേക്ക് മാറിയതായും മന്ത്രി അറിയിച്ചു. രാജ്യത്തെ 50 കമ്മ്യൂണിറ്റി കോളേജുകള്‍ അപ്ലൈഡ് കോളേജുകളായി ഉയര്‍ത്തിയതായും അദ്ദേഹം പറഞ്ഞു. മൂന്ന് സെമസ്റ്റര്‍ ഉള്‍ക്കൊള്ളുന്ന പുതിയ പാഠ്യപദ്ധതി ഈ വര്‍ഷം മുതല്‍ നടപ്പിലാക്കും.
93% വിദ്യാര്‍ഥികള്‍ക്ക് ഒരു ഡോസ് വാക്‌സിന്‍ നല്‍കി
അതേസമയം, രാജ്യത്തെ അര്‍ഹരായ 93 ശതമാനം സ്‌കൂള്‍ വിദ്യാര്‍ഥികള്‍ക്കും ഒരു ഡോസ് വാക്‌സിന്‍ ഇതിനകം വിതരണം ചെയ്തതായും മന്ത്രി അറിയിച്ചു. 37 ശതമാനം വിദ്യാര്‍ഥികള്‍ക്ക് രണ്ടു ഡോസും നല്‍കി. യൂനിവേഴ്‌സിറ്റി വിദ്യാര്‍ഥികളില്‍ 85 ശതമാനത്തിന് ആദ്യഡോസും 59 ശതമാനത്തിന് രണ്ടാം ഡോസും ലഭിച്ചു. 3.31 ലക്ഷം അധ്യാപകര്‍ക്കാണ് പുതിയ അധ്യയന വര്‍ഷത്തിന് മുന്നോടിയായി പരിശീലനം നല്‍കിയതെന്നും മന്ത്രി അറിയിച്ചു.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : announcing the opening of the school in saudi arabia from august 29
Malayalam News from malayalam.samayam.com, TIL Network
