പ്രധാനമന്ത്രിക്ക് ക്ഷേത്രം: മോദിയുടെ പ്രതിമ രാത്രിയിലെത്തി നീക്കി, നിർമ്മിച്ചയാളെ തള്ളി ബിജെപി

പൂനെ: പ്രധാനമന്ത്രിക്കായി പണിത ക്ഷേത്രത്തിൽ നിന്നും നരേന്ദ്ര മോദിയുടെ പ്രതിമ നീക്കി. വിവാദം ശക്തമായതോടെ പൂനെയിലെ അന്ധ് മേഖലയിൽ നിർമ്മിച്ച പ്രത്യേക ക്ഷേത്രത്തിൽ നിന്നാണ് പ്രതിമ അധികൃതർ എടുത്തുമാറ്റിയത്. പ്രധാനമന്ത്രിയുടെ ഓഫീസിൽ നിന്ന് നൽകിയ നിർദേശത്തെ തുടർന്നാണ് പ്രതിമ നീക്കിയതെന്നാണ് റിപ്പോർട്ട്.



തന്ത്രം മെനഞ്ഞ് സോണിയ; 18 ബിജെപി വിരുദ്ധ പാര്‍ട്ടികൾ ഒരേ വേദിയിൽ; ഇന്ന് നിര്‍ണായക യോഗം

ബിജെപി പ്രവർത്തകനും കടുത്ത മോദി ആരാധകനുമായ മയൂർ മുണ്ഡെയാണ് സ്വന്തം ഭൂമിയിൽ ക്ഷേത്രം നിർമ്മിച്ചത്. ഇയാളെ തള്ളി ബിജെപി പ്രാദേശിക നേതൃത്വം രംഗത്തുവന്നു.. പാർട്ടി അറിയാതെയാണ് ഇയാൾ ക്ഷേത്രം നിർമ്മിച്ചതെന്ന് ബിജെപി വിശദീകരണം നൽകി. ബുധനാഴ്ച രാത്രി മോദിയുടെ അർധകായ പ്രതിമ നീക്കം ചെയ്ത ശേഷം ക്ഷേത്രം ടാർപോളിൻ കൊണ്ട് മൂടി.

അയോധ്യയിൽ രാമക്ഷേത്രം നിർമ്മിച്ചതടക്കമുള്ള മികച്ച ധാരാളം പ്രവർത്തികൾ മോദിയുടെ ഭാഗത്ത് നിന്നുമുണ്ടായി. അദ്ദേഹത്തിൻ്റെ ഈ പ്രവർത്തനങ്ങൾക്കുള്ള ആദരമായിട്ടാണ് ക്ഷേത്രം പണിതതെന്നാണ് റിയൽ എസ്റ്റേറ്റ് ഏജൻ്റ് കൂടിയായ മയൂർ അവകാശപ്പെട്ടത്. 1,60,000 രൂപ ചെലവിട്ടാണ് ക്ഷേത്രം പണിതത്. ജയ്പൂരില്‍ നിന്ന് എത്തിച്ച ചുവന്ന മാര്‍ബിള്‍ ഉപയോഗിച്ചാണ് ക്ഷേത്രത്തിന്റെ നിർമ്മാണം പൂര്‍ത്തിയാക്കിയത്.

അഫ്ഗാനിസ്ഥാനിലെ സ്ഥിതി ആശങ്കപ്പെടുത്തുന്നത്; യുഎൻ രക്ഷാ സമിതിയിൽ ജയശങ്കർ

“അയോധ്യയിൽ രാമക്ഷേത്രം നിർമ്മിക്കാൻ തീരുമാനിച്ചതിനൊപ്പം ജമ്മു കശ്‌മീരിന് പ്രത്യേക പദവി നൽകിയിരുന്ന ആർട്ടിക്കിൾ 370 റദ്ദാക്കിയതിനൊപ്പം മുത്തലാഖ് വിഷയം വിജയകരമായി കൈകാര്യം ചെയ്തു. അയോധ്യയിൽ ക്ഷേത്രം നിർമ്മിക്കാൻ മുന്നിൽ നിന്ന ഒരു വ്യക്തിക്ക് ഒരു ക്ഷേത്രം വേണമെന്ന് തോന്നിയതോടെയാണ് മോദിക്കായി ക്ഷേത്രം പണിയാൻ തീരുമാനിച്ചത്” – എന്നും മയൂർ മുണ്ഡെ ദിവസങ്ങൾക്ക് മുൻപ് വ്യക്തമാക്കിയിരുന്നു.