രാഹുൽ ഗാന്ധിയുടെ പോസ്റ്റ് ‘മുക്കി’ ഫേസ്ബുക്കും ഇൻസ്റ്റഗ്രാമും; ട്വിറ്റർ സ്വീകരിച്ച നടപടിക്ക് സമാനമായ നീക്കം

ന്യൂഡൽഹി: ഡൽഹിയിൽ ബലാത്സംഗത്തിനിരയായി കൊല്ലപ്പെട്ട ഒമ്പത് വയസുകാരിയുടെ മാതാപിതാക്കൾക്കൊപ്പമുള്ള ചിത്രങ്ങൾ പങ്കുവച്ച കോൺഗ്രസ് നേതാവ് രാഹുൽ ഗാന്ധിയുടെ പോസ്റ്റ് നീക്കം ചെയ്ത് ഫേസ്ബുക്കും ഇൻസ്റ്റഗ്രാമും. കൊല്ലപ്പെട്ട പെൺകുട്ടിയുടെ വിവരങ്ങൾ പുറത്തുവിട്ടുവെന്ന കാരണം ചൂണ്ടിക്കാട്ടിയാണ് നടപടി.



പ്രധാനമന്ത്രിക്ക് ക്ഷേത്രം: മോദിയുടെ പ്രതിമ രാത്രിയിലെത്തി നീക്കി, നിർമ്മിച്ചയാളെ തള്ളി ബിജെപി

ചട്ടം തെറ്റിക്കുന്ന തരത്തിൽ സമൂഹമാധ്യമത്തിൽ ഇടപെടൽ നടത്തിയതിനെ തുടർന്നാണ് പോസ്റ്റ് നീക്കം ചെയ്യേണ്ടിവന്നതെന്ന് ഫേസ്ബുക്കും ഇൻസ്റ്റഗ്രാമും രാഹുലിനെ അറിയിച്ചു. സമൂഹമാധ്യമങ്ങളുടെ നയങ്ങൾക്ക് വിരുദ്ധമാണ് പോസ്റ്റ് എന്നും അധികൃതർ അറിയിച്ചു. ബാലാവകാശ കമ്മീഷൻ ഫേസ്ബുക്കിന് നോട്ടീസ് നൽകിയതിന് പിന്നാലെയായിരുന്നു നടപടി.

ഇതേ കാരണത്താൽ രാഹുലിൻ്റെ ട്വിറ്റർ അക്കൗണ്ട് ബ്ലോക്ക് ചെയ്തിരുന്നു. ഏഴ് ദിവസത്തിന് ശേഷമാണ് ബ്ലോക്ക് നീക്കം ചെയ്തത്. ദേശീയ ബാലാവകാശ കമ്മീഷൻ്റെ പരാതിയുടെ അടിസ്ഥാനത്തിലാണ് നടപടി എന്നായിരുന്നു ട്വിറ്ററിൻ്റെ പ്രതികരണം. ബലാത്സംഗത്തിനിരയായ ഇരയുടെ മാതാപിതാക്കളുടെ ചിത്രങ്ങൾ പങ്കുവയ്ക്കുന്നത് ചട്ടവിരുദ്ധമാണെന്ന് ട്വിറ്റർ വ്യക്തമാക്കിയിരുന്നു. മറ്റൊരാളുടെ പ്രൊഫൈലാണെന്ന് തെറ്റിദ്ധരിപ്പിക്കുന്നുവെന്ന് ചൂണ്ടിക്കാട്ടിയാണ് മറ്റ് കോൺഗ്രസ് നേതാക്കളുടെ അക്കൗണ്ട് മരവിപ്പിച്ചത്.

‘അഫ്ഗാനിലേക്ക് പോകൂ’; ഇന്ധനവില വര്‍ധനവില്‍ പ്രതികരണം ചോദിച്ച മാധ്യമപ്രവർത്തകനോട് ബിജെപി നേതാവ്

രാഹുലിൻ്റെ ട്വീറ്റ് പങ്കുവച്ചതിനെ തുടർന്ന് നിരവധി കോൺഗ്രസ് നേതാക്കളുടെ അക്കൗണ്ടും ട്വിറ്റർ ബ്ലോക്ക് ചെയ്തിരുന്നു. “ട്വിറ്റർ ഇന്ത്യയുടെ രാഷ്ട്രീയ പ്രക്രിയകളിൽ ഇടപെടുകയാണെന്നാണ് സംഭവത്തോടെ രാഹുൽ പ്രതികരിച്ചത്. നമ്മുടെ രാഷ്ട്രീയം നിശ്ചയിക്കാൻ കമ്പനികളോ അനുവദിക്കണോ എന്നും അദ്ദേഹം ചോദിച്ചിരുന്നു. വിവാദം ശക്തമായതോടെ ദേശീയ ബാലാവകാശ കമ്മീഷൻ്റെ പരാതിയുടെ അടിസ്ഥാനത്തിലാണ് നടപടി എന്നായിരുന്നു ട്വിറ്ററിൻ്റെ പ്രതികരണം.