ഹൈലൈറ്റ്:
- ട്രക്കിന്‍റെ ടയര്‍ പൊട്ടിത്തെറിക്കുന്ന പോലെ ശബ്ദം
- ടെറസിലെത്തിയപ്പോൾ ചിന്നിച്ചിതറിയ മൃതദേഹങ്ങൾ
- പിന്നീടാണ് അപകട വിവരം അറിഞ്ഞതെന്ന് യുവാവ്
ന്യൂഡല്‍ഹി: താലിബാൻ അഫ്ഗാനിസ്ഥാന്‍റെ നിയന്ത്രണം ഏറ്റെടുത്തതിന് പിന്നാലെ രാജ്യം വിടാൻ വിമാനത്താവളത്തിലേക്ക് ഒഴുകിയെത്തിയ ആളുകളുടെ ദൃശ്യങ്ങൾ പുറത്ത് വന്നിരുന്നു. അതിന് പിന്നാലെ തന്നെ വിമാനത്തിന്‍റെ ടയറിൽ തൂങ്ങി യാത്ര ചെയ്യുന്നതിനിടെ താഴെ വീഴുന്നവരോടെ ദൃശ്യങ്ങൾ പുറത്ത് വന്നത് ലോകം ഞെട്ടലോടെയാണ് കണ്ടത്. ഇപ്പോഴിതാ വിമാനത്തിൽ നിന്ന് താഴെ വീണയാളുകളുടെ മൃതദേഹം കണ്ട കാഴ്ച വിവരിച്ചിരിക്കുകയാണ് വാലി സലേഖ് എന്നയാൾ.
തിങ്കളാഴ്ച വീട്ടിനുള്ളിൽ ഇരിക്കവെയാണ് ഭയാനകമായ ശബ്ദം കേട്ടതെന്നാണ് വാലി സലേഖ് പറയുന്നത്. ട്രക്കിന്‍റെ ടയര്‍ പൊട്ടിത്തെറിക്കുന്ന പോലെയായിരുന്നു ശബ്ദം. വീടിന്‍റെ ടെറസിലേക്ക് എത്തിയപ്പോൾ രണ്ട് മൃതദേഹമാണ് കണ്ടതെന്നും അദ്ദേഹം പറഞ്ഞതായി ഇംഗ്ലീഷ് വാർത്താ ചാനലായ എൻഡിടിവിയാണ് റിപ്പോർട്ട് ചെയ്തത്. കാഴ്ച കണ്ട സലേഖിന്‍റെ ഭാര്യ ബോധരഹിതയാവുകയും ചെയ്തു.
രേഖകള്‍ പരിശോധിച്ചു, കാറുകള്‍ മോഷ്ടിച്ചു; ഇന്ത്യൻ കോൺസുലേറ്റിൽ താലിബാൻ
“ശരീരങ്ങളുടെ വയറും തലയും പിളർന്ന നിലയിലായിരുന്നു. ഞാൻ ഒരു ഷാളും സ്കാർഫും എടുത്ത് മൃതദേഹങ്ങൾ മറച്ചു. ബന്ധുക്കൾക്കൊപ്പം ചേർന്ന് അവരെ പള്ളിയിലേക്ക് കൊണ്ടുപോയി,” അദ്ദേഹം പറഞ്ഞു. വിമാനത്തില്‍ രക്ഷപ്പെടാന്‍ ശ്രമിച്ച രണ്ടുപേര്‍ വീണതായി ടിവിയില്‍ കണ്ടെന്ന് അയല്‍വാസിയാണ് വന്നു പറഞ്ഞതെന്നും അദ്ദേഹം കൂട്ടിച്ചേർത്തു.
‘അഫ്ഗാനിലേക്ക് പോകൂ’; ഇന്ധനവില വര്‍ധനവില്‍ പ്രതികരണം ചോദിച്ച മാധ്യമപ്രവർത്തകനോട് ബിജെപി നേതാവ്
ഒരാളുടെ മൃതദേഹത്തിൽ നിന്ന് ജനന സര്‍ട്ടിഫിക്കറ്റ് ലഭിച്ചു. അതിൽ നിന്ന് മരിച്ചത് സഫിയുല്ല ഹൊതാക് ആണെന്ന് വ്യക്തമായി. ഇദ്ദേഹം ഡോക്ടറായിരുന്നു. രണ്ടാമത്തെയാൾ ഫിദ മുഹമ്മദാണ്. രണ്ട് പേര്‍ക്കും 30ല്‍ താഴെയായിരുന്നു പ്രായമെന്നും വാലി സലേഖ് പറയുന്നു.
കേരളത്തിന്‍റെ കലാരൂപങ്ങൾ ജനങ്ങളിലേയ്ക്ക് എത്തിക്കാൻ ടൂറിസം വകുപ്പ്
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : it was like a truck tyre exploding says afghan man on incident that two fell from plane
Malayalam News from malayalam.samayam.com, TIL Network
