‘മൂന്ന് പെൺമക്കൾ’; ആൺകുഞ്ഞിന് ജന്മം നൽകാത്തതിന്‍റെ പേരിൽ ഭർത്താവ് ഭാര്യയുടെ ദേഹത്ത് തിളച്ച വെള്ളമൊഴിച്ചു

ഉത്തർപ്രദേശ്: ആൺകുഞ്ഞിന് ജന്മം നൽകാത്തതിന്‍റെ പേരിൽ ഭർത്താവ് ഭാര്യയുടെ ദേഹത്ത് തിളച്ച വെള്ളമൊഴിച്ചു. ഉത്തർപ്രദേശിലെ ഷാജഹാൻപൂരിലാണ് ക്രൂരസംഭവം നടന്നതെന്ന് പോലീസാണ് അറിയിച്ചത്. ഓഗസ്റ്റ് 13നാണ് സംഭവം നടന്നതെന്നാണ് റിപ്പോർട്ട്.



2013ലാണ് ദമ്പതികളുടെ വിവാഹം കഴിഞ്ഞത്. ഇവർക്ക് മൂന്ന് പെൺമക്കളുണ്ട്. ഏറ്റവും ചെറിയ കുട്ടി പിറന്നത് കഴിഞ്ഞവർഷമായിരുന്നു. വീട്ടിൽ നിന്ന് 50,000 രൂപ വാങ്ങാൻ ആവശ്യപ്പെട്ടും സത്യപാൽ ഭാര്യയ്ക്ക് മേൽ സമ്മർദ്ദം ചെലുത്തിയിരുന്നു.

Also Read : കട കുത്തിത്തുറന്ന കള്ളന്മാരെ നേരിട്ടു; പോലീസുകാരൻ്റെ തോക്കുമായി മോഷ്ടാക്കൾ കടന്നു



ആൺകുട്ടിയ്ക്ക് ജന്മം നൽകാത്തതിന്‍റെ പേരിൽ സത്യപാൽ ഭാര്യ സഞ്ജുവിനെ (32) ക്രൂരമായി ഉപദ്രവിച്ചിരുന്നെന്നാണ് റിപ്പോർട്ട്. ഇവർക്ക് ഭക്ഷണവും നൽകിയിരുന്നില്ലെന്നാണ് പോലീസ് സൂപ്രണ്ട് സഞ്ജീവ് ബാജ്പേയിയെ ഉദ്ധരിച്ച് പിടിഐ റിപ്പോർട്ട് ചെയ്യുന്നത്. മകളെ ഭർത്താവ് ഉപദ്രവിച്ചെന്ന് കാട്ടി ബുധനാഴ്ചയാണ് സഞ്ജുവിന്‍റെ അച്ഛൻ പോലീസിൽ പരാതി നൽകുന്നത്.

Also Read : വിവാഹം കഴിപ്പിച്ച് കിടപ്പറ ദൃശ്യം പകര്‍ത്തി ഭീഷണി; വ്യവസായിയെ ഹണിട്രാപ്പിൽ കുടുക്കിയ സ്ത്രീകള്‍ അടങ്ങുന്ന നാലംഗ സംഘം അറസ്റ്റിൽ



“ഓഗസ്റ്റ് 13നാണ് സത്യപാൽ സഞ്ജുവിന്‍റെ ദേഹത്ത് തിളച്ചവെള്ളമൊഴിച്ചത്. തുടർന്ന് യുവതിയെ ആശുപത്രിയിൽ പ്രവേശിപ്പിച്ചിരിക്കുകയാണ്” പോലീസ് ഉദ്യോഗസ്ഥൻ പറഞ്ഞു. പ്രതി നിലവിൽ ഒളിവിലാണെന്നും റിപ്പോർട്ട് ചൂണ്ടിക്കാട്ടുന്നു.