2024ലെ പൊതുതെരഞ്ഞെടുപ്പ്: ഒറ്റക്കെട്ടായി പ്രവർത്തിക്കണം, മറ്റ് വഴികളില്ലെന്ന് സോണിയ ഗാന്ധി

ന്യൂഡൽഹി: 2024ലെ പൊതുതെരഞ്ഞെടുപ്പ് മുന്നിൽ കണ്ട് പ്രതിപക്ഷ പാർട്ടികൾ ഒറ്റക്കെട്ടായി പ്രവർത്തിക്കണമെന്ന് കോൺഗ്രസ് അധ്യക്ഷ സോണിയ ഗാന്ധി. ഒരേ മനസോടെ പ്രവർത്തിക്കുന്നതിനൊപ്പം തെരഞ്ഞെടുപ്പിൽ കൃത്യമായ അസൂത്രണം ഉണ്ടാകണം. ഇതല്ലാതെ മറ്റൊരു വഴിയും പ്രതിപക്ഷത്തിന് മുന്നിലില്ലെന്നും സോണിയ പറഞ്ഞു.



രാഹുൽ ഗാന്ധിയുടെ പോസ്റ്റ് ‘മുക്കി’ ഫേസ്ബുക്കും ഇൻസ്റ്റഗ്രാമും; ട്വിറ്റർ സ്വീകരിച്ച നടപടിക്ക് സമാനമായ നീക്കം

ഓരോ ആഗ്രഹങ്ങളും നിർബന്ധങ്ങളും നമുക്ക് എല്ലാവർക്കുമുണ്ട്. എന്നാൽ അവയെല്ലാം മറികടന്ന് രാജ്യത്തിൻ്റെ താത്പര്യത്തിനൊപ്പം നിൽക്കേണ്ട സമയമാണിത്. 2024ലെ പൊതു തെരഞ്ഞെടുപ്പാകണം നമ്മുടെ ലക്ഷ്യം. മുന്നിലുള്ളത് ഒരു വെല്ലുവിളിയാണ്. ഒരുമിച്ച് പ്രവർത്തിക്കുന്നതിന് ഒരു ബദലുമില്ല. തയ്യാറെടുപ്പുകൾ ഇപ്പോൾ തന്നെ ആരംഭിക്കണമെന്നും പ്രതിപക്ഷ പാർട്ടികളുമായി നടത്തിയ വെർച്വൽ യോഗത്തിൽ സോണിയ ഗാന്ധി വ്യക്തമാക്കി.

പ്രതിപക്ഷ നേതാക്കൾ യോജിച്ച് പാർലമെൻ്റിന് പുറത്ത് പ്രക്ഷോഭങ്ങൾ സംഘടിപ്പിക്കണം. പാർട്ടിയുടെ താല്പര്യത്തിന് അതീതമായി രാജ്യത്തിൻ്റെ താല്പര്യത്തിന് പ്രാധാന്യം നൽകിയുള്ള നീക്കങ്ങളാണ് നടത്തേണ്ടത്. നരേന്ദ്ര മോദി സർക്കാരിനെതിരെ പ്രതിപക്ഷം ഒറ്റക്കെട്ടായി മുന്നോട്ട് പോകുമെന്നാണ് ഉറച്ച പ്രതീക്ഷയെന്നും സോണിയ ഗാന്ധി യോഗത്തിൽ വ്യക്തമാക്കി.

ഭീകരത കൊണ്ട് കെട്ടിപ്പടുക്കുന്ന സാമ്രാജ്യം നിലനിൽക്കില്ല: പ്രധാനമന്ത്രി മോദി

സ്വാതന്ത്ര പ്രസ്ഥാനത്തിൻ്റെ മൂല്യങ്ങളും ഭരണഘടനയുടെ തത്വങ്ങളിലും വ്യവസ്ഥകളിലും വിശ്വസിക്കുന്ന ഒരു സർക്കാരിനെ രാജ്യത്തിന് നൽകാനുള്ള ലക്ഷ്യത്തോടെയുള്ള ഏകമനസോടെയുള്ള ആസൂത്രണമാണ് ഉണ്ടാകേണ്ടതെന്നും പ്രതിപക്ഷ പാർട്ടികളോട് സോണിയ ഗാന്ധി പറഞ്ഞു. പശ്ചിമ ബംഗാൾ മുഖ്യമന്ത്രി മമതാ ബാനർജി, എൻ സി പി നേതാവ് ശരത് പവാർ, തമിഴ്നാട് മുഖ്യമന്ത്രി എം കെ സ്റ്റാലിൻ, മഹാരാഷ്ട്ര മുഖ്യമന്ത്രി ഉദ്ധവ് താക്കറെ, സിപിഎം ജനറൽ സെക്രട്ടറി സീതാറാം യെച്ചൂരി, ഡി.രാജ തുടങ്ങി നേതാക്കൾ യോഗത്തിൽ പങ്കെടുക്കുന്നുണ്ട്.