ഉത്തർപ്രദേശ് മുൻ മുഖ്യമന്ത്രി കല്യാൺ സിങ് അന്തരിച്ചു

ലഖ്നൗ: ഉത്തർപ്രദേശ് മുൻ മുഖ്യമന്ത്രിയും ബിജെപി നേതാവുമായ കല്യാൺ സിങ് (89) അന്തരിച്ചു. രക്തത്തിലെ അണുബാധയെത്തുടർന്നും ഓർമ്മക്കുറവിനെത്തുടർന്നും ജുലൈ നാലിനാണ് അദ്ദേഹത്തെ ആശുപത്രിയിൽ പ്രവേശിപ്പിച്ചത്. സഞ്ജയ് ഗാന്ധി പോസ്റ്റ് ഗ്രാജുവേറ്റ് ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസിൽ വെച്ചാണ് അന്ത്യം. രണ്ട് തവണ ഉത്തർപ്രദേശ് മുഖ്യമന്ത്രിയായിരുന്നു അദ്ദേഹം.



തടഞ്ഞുവച്ച ഇന്ത്യക്കാരെ താലിബാൻ വിട്ടയച്ചു; രേഖകൾ പരിശോധിച്ചു, കൂട്ടിക്കൊണ്ട് പോയത് ട്രക്കുകളിൽ കയറ്റി

കല്യാൺ സിങ്ങിന്റെ ആരോഗ്യം മോശമായതിനെത്തുടർന്ന് യുപി മുഖ്യമന്ത്രി യോഗി ആദിത്യനാഥ് അദ്ദേഹത്തെ കഴിഞ്ഞ ദിവസം ആശുപത്രിയിൽ സന്ദർശിച്ചിരുന്നു.

1991 ലാണ് കല്യാൺ സിങ് ആദ്യമായി ഉത്തർപ്രദേശ് മുഖ്യമന്ത്രി സ്ഥാനത്തെത്തുന്നത്. 1992 ൽ ബാബരി മസ്ജിദ് തകർക്കപ്പെടുമ്പോൾ കല്യാൺ സിങ്ങായിരുന്നു യുപി മുഖ്യമന്ത്രി. പിന്നാലെ രാജിവെക്കേണ്ടി വന്നു. 1997 ൽ വീണ്ടും മുഖ്യമന്ത്രി പദത്തിലെത്തി. 2014-ൽ രാജസ്ഥാൻ ഗവർണറായിരുന്നു.

സ്കൂളുകളും കോളേജുകളും തുറക്കാനൊരുങ്ങി തമിഴ്നാട്; 9 ന് മുകളിലേക്കുള്ള ക്ലാസുകൾ ഒന്നിനു തുടങ്ങും

1999 ൽ ബിജെപി വിട്ടു. 2004 ൽ വീണ്ടും ബിജെപിയിലേക്ക്. ആ വർഷം ബിജെപി ടിക്കറ്റിൽ ബുലന്ദേശ്വറിൽ നിന്നും ലോക്സഭയിലേക്ക് മത്സരിച്ച് ജയിച്ചു. 2009 ൽ ലോക്സഭാ തെരഞ്ഞെടുപ്പിനു മുന്നോടിയായി വീണ്ടും പാർട്ടിവിട്ടു. 2019 ൽ തിരികെ പാർട്ടിയിലെത്തി.