ഹൈലൈറ്റ്:
- നാലു മാസത്തോളമായി അച്ഛൻ പീഡിപ്പിക്കുന്നുവെന്ന് കുട്ടി
- 38കാരൻ അറസ്റ്റിൽ
- പരാതി നല്‍കിയ ഭാര്യയെ പ്രതി ഉപദ്രവിച്ചു
പത്താം ക്ലാസ് വിദ്യാര്‍ഥിനിയായ കുട്ടി വയറുവേദനയാണെന്നു ചേച്ചിയോടു പരാതി പറഞ്ഞതോടെയാണ് വിവരം പുറത്തറിഞ്ഞത്. വയറുവേദന അനുഭവപ്പെടുന്നെന്ന കുട്ടിയുടെ പരാതിയെത്തുട്ര‍ന്ന് കുട്ടിയെ ആശുപത്രിയിലെത്തിക്കുകയായിരുന്നു. എന്നാൽ വൈദ്യപരിശോധനയിൽ കുട്ടിയ്ക്ക് നാലുമാസം ഗര്‍ഭമുണ്ടെന്നു കണ്ടെത്തുകയായിരുന്നു. തുടര്‍ന്നാണ് അച്ഛൻ ബലാത്സംഗം ചെയ്തെന്ന വിവരം അമ്മയോടും ചേച്ചിയോടും കുട്ടി വെളിപ്പെടുത്തിയത്.
വീട്ടിൽ മറ്റാരുമില്ലാതിരുന്നപ്പോഴാണ് അച്ഛൻ മകളെ ദുരുപയോഗം ചെയ്തതെന്നാണ് കേസുമായി ബന്ധപ്പെട്ട രേഖകള്‍ ഉദ്ധരിച്ചുള്ള ടൈംസ് ഓഫ് ഇന്ത്യ റിപ്പോര്‍ട്ട്. ഈ വര്‍ഷം ഏപ്രിലിലായിരുന്നു ആദ്യമായി കുട്ടി പീഡിപ്പിക്കപ്പെട്ടത്. തുടര്‍ന്ന് കഴിഞ്ഞ നാലു മാസത്തിനിടെ പലപ്പോഴായി കുട്ടി പീഡിപ്പിക്കപ്പെട്ടു. വഴങ്ങയില്ലെങ്കിൽ അമ്മയെയും ചേച്ചിയെയും കൊലപ്പെടുത്തുമെന്ന് അച്ഛൻ ഭീഷണിപ്പെടുത്തിയിരുന്നെന്നും കുട്ടി വെളിപ്പെടുത്തി.
Also Read: കേരളത്തിലെ കച്ചവടം പൂട്ടിച്ചത് മാധ്യമങ്ങൾ; ഖനനത്തിനു പോയത് സാമ്പത്തിക പ്രതിസന്ധി കൊണ്ടെന്ന് അൻവർ
കുട്ടി നടന്ന കാര്യങ്ങള്‍ വിവരിച്ചതിനു പിന്നാലെ പ്രതിയ്ക്കെതിരെ പരാതിയുമായി കുട്ടിയുടെ അമ്മ പോലീസിനെ സമീപിക്കുകയായിരുന്നു. പോലീസിൽ പരാതി നല്‍കിയ കുട്ടിയുടെ അമ്മയെ പ്രതി ഉപദ്രവിച്ചതായും റിപ്പോര്‍ട്ടുണ്ട്. ഇതിനു പിന്നാലെ പോലീസ് ഇവരുടെ വീടിനു സമീപത്തു നിന്ന് പ്രതിയെ അറസ്റ്റ് ചെയ്യുകയായിരുന്നു.
ഡൽഹിയിൽ ദളിത് വിഭാഗത്തിൽപ്പെട്ട ഒൻപതുവയസുകാരിയെ പീഡിപ്പിച്ചു കൊലപ്പെടുത്തുകയും മൃതദേഹം ശ്മശാനത്തിൽ വെച്ചു കത്തിച്ചു കളയുകയും ചെയ്ത കേസിൻ്റെ ഞെട്ടൽ മാറുന്നതിനു മുൻപാണ് പുതിയ സംഭവം. ഡൽഹിയിലെ നൻഗലിലുള്ള ശ്മശാനത്തിലെ നാലു ജീവനക്കാരെ പോലീസ് അറസ്റ്റ് ചെയ്യുകയും ചെയ്തിരുന്നു.
വര്‍ഷങ്ങൾക്കു മുമ്പേ കൊവിഡിനെ കുറിച്ച് ഒരു കഥ
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : up police arrests 38 year old man who allegedly molested and impregnated minor daughter
Malayalam News from malayalam.samayam.com, TIL Network
