‘ഭഗത് സിങ്ങിനെ അപമാനിച്ച സ്പീക്കർക്കെതിരെ കേസെടുക്കണം’; എംബി രാജേഷിനെതിരെ സി കൃഷ്ണകുമാർ

കൊച്ചി: വാരിയം കുന്നത്ത് കുഞ്ഞഹമ്മദ് ഹാജിയുടെ സ്ഥാനം ഭഗത് സിങ്ങിന് തുല്യമാണെന്ന സ്പീക്കർ എംബി രാജേഷിന്‍റെ പ്രസ്താവനയ്ക്കെതിരെ ബിജെപി സംസ്ഥാന ജനറൽ സെക്രട്ടറി സി കൃഷ്ണകുമാർ. ‘കേരളം കണ്ട ഏറ്റവും വലിയ മതവെറിയനെ ഭഗത് സിങ്ങിനോട് ഉപമിച്ച കേരള സ്പീക്കർ നാടിന് അപമാന’മാണെന്ന് കൃഷ്ണകുമാർ പറഞ്ഞു. ഭഗത് സിങ്ങിനെ അപമാനിച്ച സ്പീക്കർക്കെതിരെ കേസെടുക്കണമെന്നും ബിജെപി നേതാവ് ആവശ്യപ്പെട്ടു.



ഇന്ത്യൻ സ്വാതന്ത്ര്യസമര ചരിത്രത്തിലെ ധീരവിപ്ലവകാരി രക്തസാക്ഷി ഭഗത് സിങ്ങിനെ അപമാനിച്ച നിയമസഭാ സ്പീക്കർ ശ്രീ എം.ബി രാജേഷിനെതിരെ രാജ്യദ്രോഹത്തിനെതിരെ കേസെടുക്കാൻ സർക്കാർ തയ്യാറാവണം. ഭഗത് സിങ്ങിനെ മലബാറിലെ ഹിന്ദുക്കളെ കൂട്ടക്കൊല നടത്തിയ അക്രമിയായ വാരിയംകുന്നനുമായി താരതമ്യം ചെയ്യവെ രാജേഷ് സ്വാതന്ത്ര്യസമരത്തെയാണ് അവഹേളിച്ചിരിക്കുന്നതെന്നും കൃഷ്ണകുമാർ പറഞ്ഞു.

‘വാരിയംകുന്നൻ്റെ സ്ഥാനം ഭഗത് സിങ്ങിനൊപ്പം’; സ്പീക്കർ എം ബി രാജേഷ്

മുസ്ലിം മതമൗലികവാദികളെ പ്രീതിപ്പെടുത്താൻ കലാപകാരിയെ സ്വാതന്ത്ര്യസമരനായകനാക്കാനുള്ള സ്പീക്കറുടെ പ്രസ്താവന സിപിഎം അംഗീകരിക്കുന്നുണ്ടോയെന്ന് വിജയരാഘവൻ വ്യക്തമാക്കണമെന്നും ബിജെപി നേതാവ് ആവശ്യപ്പെട്ടു. കേരളത്തിൽ നടന്ന ആദ്യത്തെ സംഘടിതമായ ഭീകരാക്രമണമാണ് മലബാർ ലഹള. താലിബാൻ നടത്തുന്ന തരത്തിലുള്ള സമാന അതിക്രമങ്ങളാണ് വാരിയൻ കുന്നനും സംഘവും 1921ൽ നടത്തിയതെന്നും കൃഷ്ണകുമാർ പറയുന്നു. കലാപകാരികൾ സ്ഥാപിച്ച ഇസ്ലാമിക് സ്റ്റേറ്റ് അംഗീകരിക്കാൻ സിപിഎം തയ്യാറുണ്ടോ എന്ന് വ്യക്തമാക്കാൻ സിപിഎം തയ്യാറാവണമെന്നും അദ്ദേഹം ആവശ്യപ്പെട്ടു.

വാരിയം കുന്നത്ത് കുഞ്ഞഹമ്മദ് ഹാജിയുടെ സ്ഥാനം ഭഗത് സിങ്ങിന് തുല്യമാണെന്നായിരുന്നു സ്പീക്കർ എംബി രാജേഷ് പറഞ്ഞിരുന്നത്. മതനിരപേക്ഷ ഉയർത്തിപ്പിടിച്ച അദ്ദേഹം സ്വന്തം നാട്ടിൽ രക്തസാക്ഷിത്വം ചോദിച്ചു വാങ്ങുകയായിരുന്നു. ഭഗത് സിങ്ങിന് തുല്യമാണ് കുഞ്ഞഹമ്മദ് ഹാജിയുള്ളതെന്നായിരുന്നു സ്പീക്കർ പറഞ്ഞത്.

ഏത് മാപ്പാണ് വേണ്ടത്? നിലമ്പൂരിന്‍റെയോ, സിയേറ ലിയോണിന്‍റെയോ? മറുപടി ഇങ്ങനെ തന്നെയാകുമെന്ന് പിവി അൻവർ

മലബാർ കലാപത്തിന്‍റെ നൂറാം വാർഷികത്തോടനുബന്ധിച്ച് സംസ്ഥാന ലൈബ്രറി കൗൺസിൽ സംഘടിപ്പിച്ച അനുസ്‌മരണ പരിപാടി ഉദ്ഘാടനം ചെയ്യവെയായിരുന്നു സ്പീക്കർ എംബി രാജേഷ് വാരിയം കുന്നത്ത് കുഞ്ഞഹമ്മദ് ഹാജിയുടെ സ്ഥാനം ഭഗത് സിങ്ങിന് തുല്യമാണെന്ന് പറഞ്ഞത്. പുതിയ തലമുറയെ ചരിത്രം വസ്തുനിഷ്ഠമായി പഠിപ്പിക്കുന്നതിന് ചരിത്ര വായനകൾ അനിവാര്യമാണെന്നും സ്പീക്കർ പറഞ്ഞിരുന്നു.