ഹൈലൈറ്റ്:
- ആസ്ട്രസെനക്കയുടെ പുതിയ ബാച്ച് ഇന്നലെ രാത്രി ഖത്തറില്‍ എത്തിയത്
- രാജ്യത്തെ സ്വദേശികള്‍ക്കും വിദേശികള്‍ക്കും സൗജന്യമായി വാക്സിന് വിതരണം ചെയ്യും
ദോഹ: കൊവിഡ് പ്രതിരോധ വാക്‌സിനായ ആസ്ട്രസെനക്കയുടെ 48,000 ഡോസുകള്‍ കൂടി ഖത്തറിലെത്തി. ആഗോള തലത്തില്‍ കൊവിഡ് വാക്‌സിനുകളുടെ നീതിപൂര്‍വമായ വിതരണം ഉറപ്പുവരുത്തുന്നതിനായി പ്രവര്‍ത്തിക്കുന്ന കൊവാക്സുമായുള്ള കരാറിന്റെ അടിസ്ഥാനത്തിലാണ് ആസ്ട്രസെനക്കയുടെ പുതിയ ബാച്ച് ഇന്നലെ രാത്രി ഖത്തറില്‍ എത്തിയത്. ഇന്ത്യയില്‍ നിന്ന് കോവിഷീല്‍ഡ് വാക്സിന്റെ ഒരു ഡോസ് എടുത്ത് ഖത്തറിലെത്തിയവര്‍ക്ക് ആശ്വാസകരമായ വാര്‍ത്തയാണിത്. ഇവര്‍ക്ക് രണ്ടാം ഡോസായി ഖത്തറില്‍ ആസ്ട്രസെനക്കയാണ് നല്‍കിയിരുന്നത്. കോവിഷീല്‍ഡിന്റെ അതേ കമ്പനിയുടേതാണ് ആസ്ട്രസെനക്കയും എന്നതിനാലാണിത്.
Also Read: ഒമാനിലേക്ക് വരുന്നവർക്ക് രണ്ട് ഡോസ് വാക്സിൻ നിർബന്ധം
വാക്സിന്റെ വികസനം, ഉല്‍പ്പാദനം, തുല്യമായ വിതരണം എന്നിവ ഉറപ്പ് വരുത്തുന്നതിന് ലോകാരോഗ്യ സംഘടനയുടെ കീഴില്‍ പ്രവര്‍ത്തിക്കുന്ന കൂട്ടായ്മയാണ് കൊവാക്സ്. വിവിധ സര്‍ക്കാരുകളുമായും വാക്സിന് നിര്‍മാതാക്കളുമായും സഹകരിച്ച് പ്രവര്‍ത്തിക്കുന്ന ഈ സംരഭത്തിന് കീഴില്‍ ഇതുവരെ 170 രാജ്യങ്ങളിലായി ഒരു ബില്ല്യന്‍ ഡോസ് ആസ്ട്രസെനക്ക വാക്സിനാണ് വിതരണം ചെയ്തത്. കൊവാക്സ് സംരഭത്തിലേക്ക് ഖത്തര്‍ രണ്ടു കോടി ഡോളര്‍ സംഭാവന ചെയ്തിരുന്നു.
രാജ്യത്തെ സ്വദേശികള്‍ക്കും വിദേശികള്‍ക്കും സൗജന്യമായി വാക്സിന് വിതരണം ചെയ്യുന്ന ഖത്തറിന്റെ ദേശീയ വാക്സിനേഷന്‍ ക്യാംപിയന്‍ ശക്തിപ്പെടുത്തുന്നതിന് അസ്ട്രസെനക്ക വാക്സിന്റെ പുതിയ ബാച്ച് എത്തിയത് സഹായകമാവുമെന്ന് നാഷനല്‍ ഹെല്‍ത്ത് സ്ട്രാറ്റജിക് ഗ്രൂപ്പ് അധ്യക്ഷന്‍ ഡോ. അബ്ദുല്ലത്തീഫ് അല്‍ ഖാല്‍ അഭിപ്രായപ്പെട്ടു.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : qatar receives 48 000 doses of covid19 vaccine astrazeneca in fight against pandemic
Malayalam News from malayalam.samayam.com, TIL Network
