ഹൈലൈറ്റ്:
- അഞ്ച് ദിവസമാണ് പത്രിക സമര്‍പ്പിക്കാന്‍ അനുവദിച്ചിട്ടുള്ളത്
- പ്രചാരണത്തില്‍ സ്ഥാനാര്‍ഥികള്‍ തിരഞ്ഞെടുപ്പ് ചട്ടങ്ങള്‍ പാലിക്കണമെന്ന് കമ്മിറ്റി
45 അഗം ശൂറ കൗണ്‍സിലില്‍ 30 പേരെയാണ് പൗരന്മാര്‍ വോട്ടെടുപ്പിലൂടെ തിരഞ്ഞെടുക്കുക. 15 പേരെ അമീര്‍ നാമനിര്‍ദേശം ചെയ്യും. പൊതുവായ സര്‍ക്കാര്‍ നയങ്ങള്‍, ബജറ്റ് എന്നിവ അംഗീകരിക്കുന്നതിന് അധികാരപ്പെട്ട ബോഡിയാണ് ശൂറ കൗണ്‍സില്‍. പ്രതിരോധം, സുരക്ഷ, സാമ്പത്തികം, നിക്ഷേപം എന്നിവ ഒഴിച്ചുള്ള മേഖലകളില്‍ ഉദ്യോഗസ്ഥരെ നിയന്ത്രിക്കാനും ശൂറ കൗണ്‍സിലിന് സാധിക്കും.
അതിനിടെ, ശൂറാ കൗണ്‍സിലിലേക്ക് മല്‍സരിക്കുന്ന സ്ഥാനാര്‍ഥികളുടെ നാമനിര്‍ദേശ പത്രികാ സമര്‍പ്പണം ഇന്ന് ആരംഭിച്ചു. അഞ്ച് ദിവസമാണ് പത്രിക സമര്‍പ്പിക്കാന്‍ അനുവദിച്ചിട്ടുള്ളത്. വ്യാഴാഴ്ച്ചയാണ് അവസാന ദിവസം. സെപ്തംബര്‍ 15ന് അന്തിമ പട്ടിക പ്രഖ്യാപിക്കും. തുടര്‍ന്ന് പ്രചാരണം ആരംഭിക്കും. വോട്ടിംഗ് നടക്കുന്ന ഒക്ടോബര്‍ രണ്ടിന് 24 മണിക്കൂര്‍ മുമ്പ് പ്രചാരണം അവസാനിപ്പിക്കണം.
പ്രചാരണത്തില്‍ സ്ഥാനാര്‍ഥികള്‍ തിരഞ്ഞെടുപ്പ് ചട്ടങ്ങള്‍ പാലിക്കണമെന്ന് കമ്മിറ്റി അറിയിച്ചു. ഇതുപ്രകാരം സ്ഥാനാര്‍ഥികള്‍ തിരഞ്ഞെടുപ്പ് യോഗങ്ങള്‍ സംഘടിപ്പിക്കാനോ പ്രഭാഷണങ്ങള്‍ നടത്താനോ പാടില്ല. വിദ്യാഭ്യാസ സ്ഥാപനങ്ങളിലും സര്‍ക്കാര്‍ കെട്ടിടങ്ങളിലും സ്ഥാനാര്‍ഥികളുടെ പരസ്യങ്ങള്‍ പതിക്കുന്നതും ചട്ട ലംഘനമാണ്. 20 ലക്ഷം റിയാലാണ് ഒരു സ്ഥാനാര്‍ഥിക്ക് തിരഞ്ഞെടുപ്പ് പ്രചാരണത്തിന് പരമാവധി ചെലവഴിക്കാനാവുക. ഇതില്‍ 35 ശതമാനം വരെ സംഭാവനയായി സ്വീകരിക്കാം. തിരഞ്ഞെടുപ്പ് ചെലവുകള്‍ കൈകാര്യം ചെയ്യുന്നതിനായി പ്രത്യേക ബാങ്ക് അക്കൗണ്ട് തുറക്കണമെന്നും നിര്‍ദ്ദേശമുണ്ട്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : qatar unveils date for historic shura council election
Malayalam News from malayalam.samayam.com, TIL Network
