‘അമ്മയ്ക്ക് കൂടുതൽ സ്നേഹം സഹോദരന്‍റെ മകനെ’; യുവതി രണ്ടു വയസുകാരനെ കൊന്ന് മൃതദേഹം അഴുക്കുചാലില്‍ തള്ളി

ന്യൂഡല്‍ഹി: രണ്ട് വയസ്സുകാരനെ തട്ടിക്കൊണ്ടുപോയി കൊലപ്പെടുത്തിയ കേസില്‍ 24കാരിയും ഭർത്താവും അറസ്റ്റിൽ. ഡൽഹിയിലെ പഞ്ചാബി ബാഗ് മേഖലയിലാണ് സംഭവം. സഹോദരന്‍റെ മകനായ രണ്ടുവയസുകാരനെയാണ് യുവതി തട്ടിക്കൊണ്ടുപോയി കൊലപ്പെടുത്തിയത്. കുട്ടിയുടെ മൃതദേഹം അഴുക്കുചാലിൽ തള്ളുകയായിരുന്നെന്നാണ് പോലീസ് പറയുന്നത്. യുവതിയുടെർ ഭർത്താവ് ഇവരെ കൃത്യത്തിന് സഹായിച്ചതായും റിപ്പോർട്ടിലുണ്ട്.



രണ്ടുവയസുകാരനെ കൊലപ്പെടുത്തിയ കേസിൽ യമുന എന്ന യുവതിയും ഭര്‍ത്താവ് രാജേഷുമാണ് പിടിയിലായത്. രഘുബിര്‍ നഗറിലെ ചേരിയിൽ താമസിക്കുന്ന ഇവർ തെരുവില്‍ ഭിക്ഷ യാചിച്ചാണ് ജീവിച്ചിരുന്നത്. ഇരുവരെയും ശനിയാഴ്ചയാണ് അറസ്റ്റ് ചെയ്തതെന്ന് പോലീസിനെ ഉദ്ധരിച്ച് ഇംഗ്ലീഷ് വാർത്താ ചാനലായ എൻഡിടിവി റിപ്പോർട്ട് ചെയ്തു.

Also Read : അൻവറിന്‍റേത് ഫ്യൂഡൽ മനോഭാവമെന്ന് പികെ ഫിറോസ്; അതേ ഡോണാണ്, ചെയ്ത്‌ കാട്ടാവുന്നത്‌ കാട്ടിക്കോയെന്ന് അൻവറിന്‍റെ മറുപടി



അമ്മയ്ക്ക് തന്നെക്കാൾ സ്നേഹം സഹോദരന്‍റെ മകനോടാണെന്ന ചിന്തയാണ് യമുനയെ കൊലപാതകത്തിന് പ്രേരിപ്പിച്ചതെന്നാണ് പോലീസ് പറയുന്നത്. ഭർത്താവിന്‍റെ സഹായത്തോടെ കുട്ടിയെ തട്ടിക്കൊണ്ടുപോയ യമുന കഴുത്തുഞെരിച്ചാണ് രണ്ടുവയസുകാരനെ കൊന്നത്. കുട്ടി മരിച്ചെന്ന് ഉറപ്പാക്കാന്‍ മൃതദേഹം പഞ്ചാബി ബാഗ് മേഖലയിലെ അഴുക്കുചാലില്‍ തള്ളുകയായിരുന്നെന്നും പോലീസ് പറയുന്നു.

താമസം മാറുന്നതിൽ തർക്കം; പോലീസ് ഉദ്യോഗസ്ഥയെ ഭർത്താവ് ശ്വാസം മുട്ടിച്ച് കൊലപ്പെടുത്തി

ഏറെ പ്രയാസപ്പെട്ടാണ് അഴുക്കുചാലിൽ നിന്ന് കുട്ടിയുടെ മൃതദേഹം പുറത്തെടുത്തത്. കേസ് അന്വേഷിച്ച പോലീസ് സംഭവസ്ഥലത്തിന്‍റെ അഞ്ച് കിലോമീറ്റർ ചുറ്റളവിലെ സിസിടിവി ദൃശ്യങ്ങൾ പരിശോധിച്ചിരുന്നു. ഇതിലാണ് പ്രതികളെക്കുറിച്ചുള്ള സൂചന ലഭിച്ചത്. കേസിൽ അന്വേഷണം പുരോഗമിക്കുകയാണെന്ന് പോലീസ് പറഞ്ഞു.