മരങ്ങളില്‍ രാഖി കെട്ടി ബിഹാര്‍ മുഖ്യമന്ത്രി; ലക്ഷ്യം പരിസ്ഥിതി സംരക്ഷണ ബോധവത്കരണം

പറ്റ്‌ന: പരിസ്ഥിതി സംരക്ഷണ ബോധവത്കരണത്തിന്‍റെ ഭാഗമായി മരങ്ങളിൽ രാഖി കെട്ടി ബിഹാർ മുഖ്യമന്ത്രി നിതീഷ് കുമാർ. രക്ഷാബന്ധനോടനുബന്ധിച്ച് ബിഹാർ മുഖ്യമന്ത്രിയുടെ നേതൃത്വത്തിൽ ഞായറാഴ്ചയാണ് മരങ്ങളിൽ രാഖി കെട്ടിയുള്ള പരിപാടി സംഘടിപ്പിച്ചത്.



എൻഡിഎയുടെ ഭാഗമായ ബിഹാർ സർക്കാർ 2012 മുതൽ രക്ഷാബന്ധന്‍ ദിവസം വൃക്ഷസംരക്ഷണ ദിനമായി ആചരിക്കുന്നുണ്ട്. ‘വൃക്ഷ് രക്ഷാ ദിവസ്’ എന്ന പേരിലാണ് പരിപാടി. പരിസ്ഥിതിയെ സംരക്ഷിക്കാൻ വൃക്ഷത്തൈകൾ നട്ടുപിടിപ്പിച്ച് അവയെ സംരക്ഷിക്കണമെന്നും നിതീഷ് കുമാർ ജനങ്ങളോട് അഭ്യർത്ഥിച്ചു.

Also Read : അൻവറിന്‍റേത് ഫ്യൂഡൽ മനോഭാവമെന്ന് പികെ ഫിറോസ്; അതേ ഡോണാണ്, ചെയ്ത്‌ കാട്ടാവുന്നത്‌ കാട്ടിക്കോയെന്ന് അൻവറിന്‍റെ മറുപടി



“2012 മുതൽ രക്ഷാബന്ധൻ ദിനം വൃക്ഷ സംരക്ഷണ ദിനമായി ഞങ്ങൾ ആചരിക്കുന്നുണ്ട്. മനുഷ്യരെ സംരക്ഷിക്കുന്ന പോലെ മരങ്ങളെയും സംരക്ഷിക്കണം” ബിഹാർ മുഖ്യമന്ത്രി പറഞ്ഞതായി ഇംഗ്ലീഷ് വാർത്താ ചാനലായ എൻഡിടിവി റിപ്പോർട്ട് ചെയ്തു.

Also Read : രാജ്യം വിടാൻ ശ്രമിക്കുന്നതിനിടെ ഒരാഴ്ചയ്ക്കിടെ കാബൂള്‍ വിമാനത്താവളത്തില്‍ മരിച്ചത് 20 പേര്‍: നാറ്റോ



“പരിസ്ഥിതിയെ സംരക്ഷിക്കാന്‍ നമ്മള്‍ മരങ്ങള്‍ നട്ടുപിടിപ്പിക്കുകയും അവയെ സംരക്ഷിക്കുകയും വേണം. ജൽ ജീവൻ ഹരിയാലി മിഷനിലൂടെ സംസ്ഥാന സർക്കാർ വൃക്ഷതൈകൾ നടുന്നതിൽ ശ്രദ്ധകേന്ദ്രീകരിച്ചിരിക്കുകയാണ്. പരിസ്ഥിതി സംരക്ഷണത്തെക്കുറിച്ച് ഭാവി തലമുറയ്ക്ക് ഇപ്പോൾ നല്ല ധാരണയുണ്ട്” നിതീഷ് കുമാർ പറഞ്ഞു.