സാങ്കേതിക തകരാർ; എയർ ഇന്ത്യയുടെ കൊച്ചി- ലണ്ടൻ വിമാനം റദ്ദാക്കി

കൊച്ചി: സാങ്കേതിക തകരാറിനെത്തുടർന്ന് എയർ ഇന്ത്യയുടെ കൊച്ചി – ലണ്ടൻ പ്രത്യേക വിമാനം റദ്ദാക്കി. ഞായറാഴ്ച ഉച്ചയ്ക്ക് 1.20ന് നെടുമ്പാശ്ശേരി വിമാനത്താവളത്തിൽ നിന്ന് പുറപ്പെടേണ്ട വിമാനമാണ് റദ്ദാക്കിയതെന്ന് വിവിധ മാധ്യമങ്ങൾ റിപ്പോർട്ട് ചെയ്തു.



വിമാനത്തിൽ യാത്ര ചെയ്യേണ്ടിയിരുന്ന 182 യാത്രക്കാരെ സമീപത്തെ ഹോട്ടലുകളിലേക്ക് മാറ്റിയതായി മലയാള മനോരമ റിപ്പോർട്ട് ചെയ്തു. കുട്ടികളുൾപ്പെടെയുള്ളവരായിരുന്നു സംഘത്തിലുണ്ടായിരുന്നത്.

അഫ്ഗാൻ ദൗത്യം: രജിസ്റ്റർ ചെയ്ത മലയാളികളെല്ലാം തിരിച്ചെത്തിയെന്ന് കേന്ദ്രം; സ്ഥിരീകരിക്കാൻ കഴിയില്ലെന്ന് നോർക്ക

സാങ്കേതിക തകരാർ പരിഹരിച്ച ശേഷം തിങ്കളാഴ്ച രാവിലെയോടെ വിമാനം യാത്ര പുറപ്പെടും. മുംബൈയിൽ നിന്നുള്ള വിദഗ്ധ സംഘമെത്തിയാണ് തകരാർ പരിഹരിക്കുക. കഴിഞ്ഞ ബുധനാഴ്ച (18-08-2021)യായിരുന്നു നെടുമ്പാശ്ശേരിയിൽ നിന്ന് ലണ്ടനിലേക്ക് നേരിട്ട് വിമാന സർവീസ് ആരംഭിച്ചത്. ആഴ്ചയിൽ മൂന്ന് ദിവസമാണ് നിലവിൽ സർവീസ്.

Also Read : അൻവറിന്‍റേത് ഫ്യൂഡൽ മനോഭാവമെന്ന് പികെ ഫിറോസ്; അതേ ഡോണാണ്, ചെയ്ത്‌ കാട്ടാവുന്നത്‌ കാട്ടിക്കോയെന്ന് അൻവറിന്‍റെ മറുപടി



അതേസമയം ഉച്ചയ്ക്ക് പുറപ്പെടേണ്ടിയിരുന്ന വിമാനം റദ്ദാക്കിയതുമായി ബന്ധപ്പെട്ട് വൈകുന്നേരം അഞ്ചര വരെ യാതൊരു അറിയിപ്പും ലഭിച്ചില്ലെന്നാണ് യാത്രക്കാർ പറയുന്നത്. ഭക്ഷണം ഉൾപ്പെടെ കഴിക്കാതെ വിമാനത്താവളത്തിൽ കാത്തിരുന്നതെന്നും ഇവർ പറയുന്നു.