തലമുടിക്ക് കാപ്പി
തലമുടിക്ക് കാപ്പി വളരെയധികം ഗുണം ചെയ്യുമെന്ന കാര്യം തെളിയിക്കപ്പെട്ടിട്ടുള്ള ഒന്നാണ്. ഇത് സ്ത്രീകളിലും പുരുഷന്മാരിലും ഒരുപോലെ കണ്ടുവരുന്ന മുടി കൊഴിച്ചിൽ ലക്ഷണങ്ങളെ കുറയ്ക്കാൻ സഹായിക്കുന്നു. ഫോളിക്കിളുകൾ കേടു വരുത്താനുള്ള പ്രധാന കാരണമായ ഡിഎച്ച്ടി യുടെ ഫലങ്ങളെ പ്രതിരോധിച്ചു കൊണ്ട് ഇത് മുടിയെ ആരോഗ്യ പൂർവ്വം സംരക്ഷിക്കുകയും മുടിയുടെ വളർച്ചയെ പ്രോത്സാഹിപ്പിക്കുകയും ചെയ്യുന്നു. വരണ്ടതും കേടായതുമായ മുടിയിഴകളെ ചികിത്സിക്കാൻ കോഫി ഉപയോഗപ്രദമാണ്. തലയോട്ടിയിലെ രക്തചംക്രമണം മെച്ചപ്പെടുത്താൻ കാപ്പി സഹായിക്കുന്നു. ഇത് തലയോട്ടിയിൽ നേരിട്ട് പുരട്ടുന്നത് വഴി രക്തചംക്രമണം വർദ്ധിപ്പിക്കുകയും മുടിയുടെ വളർച്ചയെ പ്രോത്സാഹിപ്പിക്കുകയും ചെയ്യും.
1
നര മാറ്റാനും മുടി കൊഴിച്ചിൽ തടഞ്ഞ് മുടി വളരാനും സവാളയുടെ നീര് അത്യുത്തമമാണെന്ന് ഗവേഷകർ പറയുന്നു.സവാളയിൽ ധാരാളമായി സൾഫർ അടങ്ങിയിട്ടുണ്ട്. ഇത് തലയിലെ രക്തയോട്ടം വർദ്ധിപ്പിക്കാൻ സഹായിക്കും. തന്മൂലം മുടിയുടെ വളർച്ച കൂടുതൽ വേഗത്തിലാകുകയും ചെയ്യും. കൂടാതെ ശിരോ ചർമ്മത്തിൽ ഉണ്ടാകുന്ന താരൻ പോലുള്ളവയെ തടയുകയും മുടി കൊഴിച്ചിൽ നിയന്ത്രിക്കപ്പെടുകയും ചെയ്യും. സവാളയില്‍ മുടി വളരാന്‍ സഹായിക്കുന്ന സള്‍ഫര്‍, വൈറ്റമിന്‍ സി, ആന്റി ഓക്‌സിഡന്റുകള്‍, മിനറലുകള്‍ തുടങ്ങിയ പല ഘടകങ്ങളും അടങ്ങിയിട്ടുണ്ട്. സള്‍ഫര്‍ മുടി കൊഴിച്ചില്‍ തടയാന്‍ ഏറെ നല്ലതാണ്. മാത്രമല്ല ഇതിന് ആന്റി ഫംഗല്‍, ആന്റി ബാക്ടീരിയല്‍ ഗുണങ്ങളുമുണ്ട്. സൾഫർ തലയിലെ രക്തയോട്ടം വർദ്ധിപ്പിക്കാൻ സഹായിക്കും. തന്മൂലം മുടിയുടെ വളർച്ച കൂടുതൽ വേഗത്തിലാകുകയും ചെയ്യും. കൂടാതെ ശിരോ ചർമ്മത്തിൽ ഉണ്ടാകുന്ന താരൻ പോലുള്ളവയെ തടയുകയും മുടി കൊഴിച്ചിൽ നിയന്ത്രിക്കപ്പെടുകയും ചെയ്യും.
ഗ്രാമ്പൂ
ഇത്തരത്തില്‍ മുടി വളരാനായി ഉപയോഗിയ്ക്കാവുന്ന പ്രധാനപ്പെട്ട ഒരു ചേരുവയാണ് ഗ്രാമ്പൂ അഥവാ കരയാമ്പൂ. പലര്‍ക്കും ഇതുപയോഗിച്ചുള്ള വിദ്യകള്‍ അറിയില്ലായിരിക്കും. ആരോഗ്യവശങ്ങള്‍ മാത്രമാണ് പലപ്പോഴും ഗ്രാമ്പൂവിനെ കുറിച്ച് അറിയാവുന്നത്. എന്നാല്‍ ഇത് മുടി സംരക്ഷണത്തിനും മികച്ചതാണ്. മുടി നല്ലതു പോലെ വളര്‍ത്താന്‍ സഹായിക്കുന്ന ആന്റിഓക്‌സിഡന്റുകള്‍ അടങ്ങിയ ഒന്നാണ് ഗ്രാമ്പൂ അഥവാ കരയാമ്പൂ. ഈ പ്രത്യേക ചേരുവയ്ക്കായി രണ്ടു കൂട്ടുകള്‍ ഉപയോഗിയ്ക്കാം. ആദ്യത്തേതിന് ഗ്രാമ്പൂ, കാപ്പിപ്പൊടി എന്നിവയാണ് വേണ്ടത്.
മുടിയുടെ പല പ്രശ്‌നങ്ങള്‍ക്കും
ഒരു പാത്രത്തില്‍ അല്‍പം വെള്ളമെടുത്ത് ഇതില്‍ അല്‍പം ഗ്രാമ്പൂ ഇടുക. ഇതിലേയ്ക്ക് കാപ്പിപ്പൊടിയും ഇടുക. ഇത് മുടിയ്ക്ക് ഹെന്ന പോലുള്ള മിശ്രിതമാക്കാന്‍ പാകത്തിന് എടുക്കണം. ഇത് തിളച്ച് വറ്റി പേസ്റ്റാകുമ്പോള്‍ വാങ്ങി വയ്ക്കാം. ഇത് തണുക്കുമ്പോള്‍ മുടിയില്‍ പുരട്ടാം. പിന്നീട് 1 മണിക്കൂര്‍ ശേഷം കഴുകാം. ഇതു പോലെ തന്നെ സവാള ഉപയോഗിയ്ക്കാനും സാധിയ്ക്കും. സവാള നീര് എടുക്കുക. ഗ്രാമ്പൂ വെള്ളത്തിലിട്ട് തിളപ്പിയ്ക്കുക. ഇത് രണ്ടും കലര്‍ത്തി സ്പ്രേ ബോട്ടിലില്‍ ആക്കി മുടിയില്‍ സ്പ്രേ ചെയ്യാം. മുടി വളരാന്‍ ഇതേറെ നല്ലതാണ്. മുടിയുടെ പല പ്രശ്‌നങ്ങള്‍ക്കും പരിഹാരവും.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : cloves hair pack for hair growth
Malayalam News from malayalam.samayam.com, TIL Network
