അജ്മാനില്‍ താഴ്ന്ന വരുമാനക്കാര്‍ക്ക് സൗജന്യമായി ഇന്ധനം നല്‍കാന്‍ പദ്ധതി

Sumayya P | Lipi | Updated: Aug 24, 2021, 9:26 AM

കഴിഞ്ഞ കുറച്ചു ദിവസങ്ങളായി അജ്മാനിലെ 100 വീടുകളിലാണ് അല്‍ ഇഹ്സാന്‍ വളണ്ടിയര്‍മാര്‍ സൗജന്യമായി ഇന്ധനം എത്തിച്ചു. യുഎഇയുടെ മറ്റ് ഭാഗങ്ങളിലും ഇത്തരം സേവനങ്ങള്‍ വ്യാപിപ്പിക്കാന്‍ ആലോചിക്കുന്നുണ്ട്.

ദുബായ്: അജ്മാനിലെ താഴ്ന്ന വരുമാനക്കാരായ കുടുംബങ്ങള്‍ക്ക് സൗജന്യമായി വാഹന ഇന്ധനം എത്തിച്ചു നല്‍കുന്ന പദ്ധതിക്ക് തുടക്കമായി. ആവശ്യക്കാര്‍ക്ക് താമസ സ്ഥലങ്ങളില്‍ ഇന്ധനവും വാഹന സേവനങ്ങളും എത്തിച്ചു കൊടുക്കുന്ന കമ്പനിയായ കാഫുവും അല്‍ ഇഹ്സാന്‍ ചാരിറ്റി അസോസിയേഷനും സംയുക്തമായാണ് പദ്ധതി നടപ്പാക്കുന്നത്.കഴിഞ്ഞ രണ്ട് ദിവസങ്ങളിലായി എട്ട് ഇന്ധന ട്രക്കുകളില്‍ അജ്മാനിലെ 100 വീടുകളിലാണ് അല്‍ ഇഹ്സാന്‍ വളണ്ടിയര്‍മാര്‍ ഈ രീതിയില്‍ സൗജന്യമായി ഇന്ധനം എത്തിച്ചത്. കാഫുവിന്റെ കമ്മ്യൂണിറ്റി സേവന പദ്ധതികളുടെ ഭാഗമായാണ് ഇത് നടപ്പിലാക്കുന്നത്. അത്യാവശ്യക്കാരായ കുടുംബങ്ങളെയും വ്യക്തികളെയും സഹായിക്കാന്‍ അല്‍ ഇഹ്സാന്‍ ചാരിറ്റിയുമായി കൈകോര്‍ക്കാന്‍ സാധിച്ചതില്‍ സന്തോഷമുണ്ടെന്ന് കാഫു സിഇഒ റാഷിദ് അബ്ദുല്ല അഹ്മദ് അല്‍ഗുറൈര്‍ പറഞ്ഞു. സമൂഹത്തിന്റെ ജീവിതം എളുപ്പമാക്കുന്നതിനും അവരില്‍ സഹകരണ മനോഭാവം വളര്‍ത്തുന്നതിനും ഈ പദ്ധതി ഉപകരിക്കുമെന്നാണ് കരുതപ്പെടുന്നതെന്നും അദ്ദേഹം അഭിപ്രായപ്പെട്ടു.

Also Read: വാക്‌സിന്‍ എടുത്ത ഇന്ത്യക്കാര്‍ക്ക് ഒമാനിലേക്ക് യാത്രാനുമതി; അറിയേണ്ടതെല്ലാം

യുഎഇയുടെ മറ്റ് ഭാഗങ്ങളിലും ഇത്തരം സേവനങ്ങള്‍ വ്യാപിപ്പിക്കാന്‍ ആലോചിക്കുന്നതായി അല്‍ ഇഹ്‌സാന്‍ ചാരിറ്റി അസോസിയേഷന്‍ സിഇഒ ഡോ. അബ്ദുല്‍ അസീസ് ബിന്‍ അലി ബിന്‍ റാഷിദ് അല്‍ നുഐമി അറിയിച്ചു. ദുബായ് ഹെല്‍ത്ത് അതോറിറ്റിയുമായി കൈകോര്‍ത്ത് മുന്‍നിര ആരോഗ്യപ്രവര്‍ത്തകര്‍ക്ക് സൗജന്യമായി ഇന്ധനം ലഭ്യമാക്കും. പ്രാദേശിക സംഘടനളോടൊപ്പം ചേര്‍ന്ന് താഴ്ന്ന വരുമാനക്കാരായ പ്രവാസി തൊഴിലാളികള്‍ക്കും ഇത്തരത്തില്‍ ഇന്ധനം നല്‍കുമെന്നും കാഫു അറിയിച്ചു.

സംസ്ഥാനത്ത് കൊവിഡ് കേസുകൾ നാല്പതിനായിരം കടക്കുമോ ?

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക

ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ

Web Title : over 100 families in ajman get free fuel

Malayalam News from malayalam.samayam.com, TIL Network