അഫ്ഗാനിലെ പോപ്പ് സംഗീതജ്ഞയായ ആര്യാന താലിബാൻ അധികാരത്തിൽ എത്തിയതോടെ രാജ്യവിടുകയായിരുന്നു
താലിബാൻ ഫണ്ടിങ് നടത്തുകയും പ്രതിസന്ധി ഘട്ടത്തിൽ അഫ്ഗാനിലെ ജനങ്ങളെ സഹായിക്കാൻ അന്താരാശ്ച്ര സമൂഹത്തോട് അഭ്യര്‍ത്ഥിക്കുകയും ചെയ്തുവെന്നാണ് അവരുടെ ആരോപണം. ഇന്ത്യയാണ് തങ്ങളുടെ രാജ്യത്തിന്റെ ഉറ്റസുഹൃത്തെന്നും അഫ്ഗാനിലെ ജനാധിപത്യം പുന:സ്ഥാപിക്കാൻ ഇന്ത്യക്കാവുമെന്നും ആര്യാന വ്യക്തമാക്കുന്നു.
സ്ത്രീകളെ ഓര്‍ത്ത് ആശങ്കപ്പെടുന്നു
അഫ്ഗാനിസ്ഥാനിൽ വീടുകളില്‍ കുടുങ്ങിക്കിടക്കുന്ന സ്ത്രീകളെ ഓര്‍ത്ത് താൻ ആശങ്കപ്പെടുന്നുവെന്ന് പോപ് താരം പറയുന്നു. ഇനി അവരുടെ അടിസ്ഥാനപരമായ ആവശ്യങ്ങള്‍ക്ക് പോലും വിലങ്ങുകള്‍ വീഴും. അവര്‍ക്ക് റോഡിലൂടെ പോകുന്നത് അടക്കമുള്ള കാര്യങ്ങള്‍ നൽകുന്നില്ല. അവര്‍ക്ക് എപ്പോഴും ഒരു ആൺതുണയുണ്ടായിരിക്കണം. സ്കൂളുകളില്‍ പോകുവാൻ സാധിക്കില്ല എന്നും അവര്‍ പറയുന്നു. അഫ്ഗാനിസ്ഥാൻ താലിബാന്റെ കൈകളിലാണെങ്കിൽ സ്ത്രീകൾക്ക് ഭാവിയുണ്ടാകില്ലെന്നും ആര്യാന സയീദ് വ്യക്തമാക്കി.
20 വര്‍ഷം മുന്‍പേക്ക് എത്തി
താൻ രാജ്യത്തിന് പുറത്ത് വന്നതിൽ അതിയായ സന്തോഷമുണ്ട്. എന്താണ് എന്റെ ഹൃദയം ഇപ്പോഴും അഫ്ഗാനിസ്ഥാനിൽ അവശേഷിക്കുന്ന ദശലക്ഷക്കണക്കിന് ആളുകളോട് ഓപ്പമാണ്. പ്രത്യേകിച്ച് സ്ത്രീകള്‍ക്കൊപ്പം. 20 വർഷം മുമ്പ് അവർ കടന്നുപോയത് അവിശ്വസനീയമായിരുന്നു, ഇപ്പോൾ തങ്ങൾ ഉണ്ടായിരുന്ന അതേ അവസ്ഥയിലേക്ക് ഞങ്ങൾ തിരിച്ചെത്തി അവര്‍ എഎൻഐയോട് പറഞ്ഞു.
കുറ്റക്കാര്‍ പാകിസ്ഥാന്‍
പാകിസ്ഥാന്റെ നിര്‍ദ്ദേശമനുസരിച്ചാണ് താലിബാൻ പ്രവര്‍ത്തിക്കുന്നത് എന്ന് അവര്‍ കുറ്റപ്പെടുത്തി. താലിബാന്റെ അടിത്തറ പാകിസ്ഥാനിലാണ്. അവര്‍ പ്രത്യേക പരിശീലനവും നൽകുന്നുണ്ട്. അന്താരാഷ്ട്ര സമൂഹം അവരുടെ ഫണ്ടുകൾ വെട്ടിക്കുറയ്ക്കുകയും പാകിസ്താന് ഫണ്ട് നൽകാതിരിക്കുകയും ചെയ്യണമെന്നും അവര്‍ പറയുന്നു. അതിലൂടെ താലിബാൻ ഫണ്ട് നൽകാൻ അവർക്ക് മതിയായ പണമില്ലെന്നും അവര്‍ പറയുന്നു.
കുറ്റപ്പെടുത്തുക പാകിസ്ഥാനെ മാത്രം
അഫ്ഗാനിലെ ദുരവസ്ഥയ്‌ക്ക് കുറ്റപ്പെടുത്തുന്നത് പാകിസ്ഥാനെ മാത്രമാണ്. പാകിസ്ഥൻ താലിബാനെ സഹായിക്കുന്നതിന്റെ വീഡിയോകളാണ് എത്രയോ നാളുകളായി പുറത്തുവരുന്നത്. അന്താരാഷ്‌ട്രതലത്തിൽ എല്ലാ രാജ്യങ്ങൾക്കും അറിയാവുന്ന കാര്യമാണിത്. ഏത് ആക്രമണം അഫ്ഗാനിലുണ്ടാകുമ്പോഴും അതിൽ ഒരു പാക് ബന്ധം നിരന്തരം പുറത്തുവന്നിരുന്നുവെന്ന് ആര്യാന സയീദ് പറഞ്ഞു.
ഉറ്റ സുഹൃത്ത് ഇന്ത്യ
തങ്ങളുടെ രാജ്യത്തിന്റെ ഉറ്റ സുഹൃത്ത് ഇന്ത്യമാത്രമാണ്. അഫ്ഗാന് വേണ്ട എല്ലാ സഹായങ്ങളും ഇന്ത്യയാണ് നൽകുന്നത്. സൈനികരുടെ പരിശീലനം, യുവാക്കളുടെ ഉപരിപഠനം, അഫ്ഗാനിലെ നിർമ്മാണ പ്രവർത്തനം എല്ലാം ഇന്ത്യ ഏകോപിപ്പിക്കുകയാണ്. ഇന്ത്യ നൽകുന്ന എല്ലാ സേവനങ്ങളുടേയും വില ഇന്ന് തിരിച്ചറിയുന്നു. ഇന്ത്യൻ ഭരണകൂടത്തിന് എല്ലാ നന്ദിയും അറിയിക്കുകയാണെന്നും ആര്യാന പറഞ്ഞു.
എഎൻഐയുമായി നടത്തിയ അഭിമുഖം
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : afghanistan pop star aryana sayeed alleged pakistan instructing taliban training their fighters
Malayalam News from malayalam.samayam.com, TIL Network
