70 ശതമാനത്തിലേറെ പേരും വാക്‌സിനേഷന്‍ ലഭിച്ചു
ദുബായിലെ അധ്യാപകരും വിദ്യാര്‍ഥികളും വലിയ തോതില്‍ വാക്‌സിന്‍ സ്വീകരിച്ചുകഴിഞ്ഞ പശ്ചാത്തലത്തിലാണ് തീരുമാനം. ദുബായിലെ സ്വകാര്യ മേഖലയിലെ അധ്യാപകരില്‍ 96 ശതമാനം പേരും 12നും 17നും ഇടയില്‍ പ്രായമുള്ള വിദ്യാര്‍ഥികളില്‍ 70 ശതമാനത്തിലേറെ പേരും വാക്‌സിനേഷന്‍ ലഭിച്ചുകഴിഞ്ഞതായി മീഡിയ ഓഫീസ് അറിയിച്ചു.
മെഡിക്കല്‍ സര്‍ട്ടിഫിക്കറ്റ് ഹാജരാക്കണം
ഒക്ടോബര്‍ മൂന്ന് മുതല്‍ നേരിട്ടുള്ള ക്ലാസ്സുകളിലേക്ക് കുട്ടികളെ തിരിച്ചെത്തിക്കുന്നതിന് സ്‌കൂളുകളും രക്ഷിതാക്കളും സംവിധാനം ഏര്‍പ്പെടുത്തണം. അക്കാദമിക വര്‍ഷത്തിന്റെ തുടക്കം മുതല്‍ സെപ്തംബര്‍ 30 വരെ ഏത് രീതി സ്വീകരിക്കണമെന്ന് തീരുമാനിക്കാന്‍ രക്ഷിതാക്കള്‍ക്ക് അവസരമുണ്ടായിരിക്കും. എന്നാല്‍ അതിന് ശേഷം നേരിട്ടുള്ള ക്ലാസ്സുകള്‍ മാത്രമേ ഉണ്ടായിരിക്കുകയുള്ളൂ എന്നും അധികൃതര്‍ വ്യക്തമാക്കി. ഇതിന് ശേഷവും ഓണ്‍ലന്‍ പഠനം തുടരാന്‍ ആഗ്രഹിക്കുന്ന വിദ്യാര്‍ഥികള്‍ നേരിട്ടുള്ള ക്ലാസ്സില്‍ ഹാജരാകാതിരിക്കുന്നതിന് ദുബായ് ഹെല്‍ത്ത് അതോറിറ്റി നല്‍കിയ മെഡിക്കല്‍ സര്‍ട്ടിഫിക്കറ്റ് ഹാജരാക്കണം.
മാസ്‌ക് ധാരണം, സാനിറ്റൈസര്‍ ഉപയോഗം
കൊവിഡ് പോസിറ്റീവ് കേസുകള്‍ റിപ്പോര്‍ട്ട് ചെയ്യുന്ന മുറയ്ക്ക് ക്ലാസ്സുകള്‍ മാത്രമായോ സ്‌കൂള്‍ ഒന്നാകെയോ ഓണ്‍ലൈന്‍ പ്ലാറ്റ്‌ഫോമിലേക്ക് മാറുമെന്നും അധികൃതര്‍ വ്യക്തമാക്കി. അതേസമയം, ദുബായില്‍ നേരിട്ടുള്ള ക്ലാസ്സുകളില്‍ പങ്കെടുക്കാന്‍ കുട്ടികള്‍ വാക്‌സിന്‍ എടുത്തിരിക്കണം എന്നോ പിസിആര്‍ നെഗറ്റീവ് സര്‍ട്ടിഫിക്കറ്റ് ഹാജരാക്കണമോ നിബന്ധനയില്ല. എന്നാല്‍ മാസ്‌ക് ധാരണം, സാനിറ്റൈസര്‍ ഉപയോഗം, ചുരുങ്ങിയത് ഒരു മീറ്റര്‍ അകലം പാലിക്കല്‍ തുടങ്ങിയ കാര്യങ്ങള്‍ പാലിക്കണം. വാക്‌സിന്‍ എടുക്കാത്ത അധ്യാപകര്‍ ഉള്‍പ്പെടെയുള്ള ജീവനക്കാര്‍ ഓരോ ആഴ്ചയിലും പിസിആര്‍ നെഗറ്റീവ് സര്‍ട്ടിഫിക്കറ്റ് ഹാജരാക്കണമെന്ന് വ്യവസ്ഥയുണ്ട്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : dubai private schools to return to full in person learning from october 3
Malayalam News from malayalam.samayam.com, TIL Network
