ഒന്നാം ജന്മദിനാഘോഷം; രക്ഷിതാക്കൾ വീട് അലങ്കരിക്കുന്നതിനിടെ കുഞ്ഞ് 12ാം നിലയിൽ നിന്ന് താഴെ വീണ് മരിച്ചു

ഗ്രേറ്റർ നോയിഡ: മകന്‍റെ ഒന്നാം ജന്മദിനം ആഘോഷിക്കാൻ ഒരുങ്ങിയ വീട് ഒരുനിമിഷം കൊണ്ട് മരണവീടായി മാറി. ഡൽഹിയലെ ഗ്രേറ്റർ നോയിഡയിലാണ് ദാരുണ സംഭവം. ഒന്നാം പിറന്നാൾ ആഘോഷിക്കുകയായിരുന്നു റിവാൻ എന്ന കുട്ടിയാണ് ഫ്ലാറ്റിന്‍റെ 12ാം നിലയിൽ നിന്ന് വീണ് മരിച്ചത്.



ഗ്രേറ്റര്‍ നോയിഡയിലെ കാസ ഗ്രീന്‍സ് ഹൗസിങ് കോളനിയിലാണ് ദാരുണ സംഭവം ഉണ്ടായതെന്ന് ഇംഗ്ലീഷ് വാർത്താ ചാനലായ എൻഡിടിവിയാണ് റിപ്പോർട്ട് ചെയ്തത്. മകന്‍റെ ജന്മദിനം ആഷിക്കുന്നതിനായി സത്യേന്ദ്ര കസാനയും കുടുംബാംഗങ്ങളും വീട് അലങ്കരിക്കുകയായിരുന്നു. ബന്ധുക്കളും മറ്റ് അതിഥികളുമെല്ലാം കുട്ടിയുടെ ജന്മദിനം ആഘോഷിക്കാൻ വീട്ടിൽ എത്തുകയും ചെയ്തിരുന്നു. ഈ സമയത്താണ് അപകടം നടന്നത്.

Also Read : പാമ്പുകൾക്ക് രാഖി കെട്ടിക്കൊടുക്കാൻ ശ്രമിച്ച യുവാവ് പാമ്പു കടിയേറ്റ് മരിച്ചു: വീഡിയോ



രക്ഷിതാക്കൾ വീട് അലങ്കരിക്കുന്ന സമയത്ത് ഫ്ലാറ്റിന്‍റെ വാതിലിന് മുന്നിലുള്ള സ്ഥലത്ത് കളിച്ചുകൊണ്ടിരിക്കുകയായിരുന്നു കുഞ്ഞ് റിവാൻ. ഇതിനിടെ കോണിപ്പടിയുടെ ഗ്രില്ലിനിടയിലൂടെ താഴേക്ക് വീഴുകയായിരുന്നു.

Also Read : കൊന്നുതള്ളിയത് 30 പോലീസുകാരെ; തലയ്ക്ക് ഒരു കോടി രൂപ, മാവോയിസ്റ്റ് രമേശ് ഗഞ്ജു പിടിയിൽ



12ാം നിലയിൽ നിന്ന് താഴെ വീണ കുട്ടിയെ ഉടൻ തന്നെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. കുട്ടിയെ പരിശോധിച്ച ഡോക്ടർമാർ മരണം സ്ഥിരീകരിക്കുകയായിരുന്നു.