ബന്ധുവീട്ടിൽ എത്തിയ നാല് വയസുകാരിയെ ലൈംഗികമായി പീഡിപ്പിച്ചു; 16 വയസുകാരൻ അറസ്റ്റിൽ

ജയ്പൂർ: ബന്ധുവായ നാല് വയസുകാരിയെ ലൈംഗികമായി പീഡിപ്പിച്ച 16 വയസുകാരൻ അറസ്റ്റിൽ. ജയ്പൂരിലെ വിദ്യാനഗറിലാണ് സംഭവം. കുട്ടിയുടെ അമ്മയുടെ പരാതിയിൽ കേസെടുത്ത പോലീസ് ആൺകുട്ടിയെ അറസ്റ്റ് ചെയ്ത് കോടതിയിൽ ഹാജരാക്കി.



റോഡ് സൈഡിൽ അര്‍ദ്ധനഗ്നമായ നിലയിൽ സ്ത്രീയുടെ മൃതദേഹം; കൊലപാതകമെന്ന് പോലീസ്

ജൂലൈയിലാണ് പെൺകുട്ടി ലൈംഗികമായി പീഡിപ്പിക്കപ്പെട്ടതെന്നാണ് റിപ്പോർട്ട്. ഡൽഹി സ്വദേശിയായ യുവതിയും കുട്ടിയും കഴിഞ്ഞ മാസമാണ് ജയ്പൂരിലെ ബന്ധുവീട്ടിൽ എത്തിയത്. പെൺകുട്ടിയെ പതിനാറുകാരനെ ഏൽപ്പിച്ച് സാധനങ്ങൾ വാങ്ങാൻ യുവതി പുറത്തേക്ക് പോയ സമയത്താണ് ലൈംഗിക പീഡനം നടന്നത്. വീട്ടിൽ ആരുമില്ലാത്ത സമയത്തായിരുന്നു കുട്ടിക്ക് പീഡനം നേരിടേണ്ടിവന്നത്.

വീട്ടിൽ മടങ്ങിയെത്തിയ യുവതി കുട്ടിയുടെ പെരുമാറ്റത്തിൽ സംശയം തോന്നി വിവരങ്ങൾ അന്വേഷിച്ചു. കളിക്കുന്നതിനിടെ കുട്ടി വീണെന്നും അതാണ് അസ്വസ്ഥതയ്ക്ക് കാരണം എന്നുമാണ് ആൺകുട്ടി മറുപടി നൽകിയത്. ബന്ധുവീട്ടിൽ നിന്നും ഡൽഹിയിലെ സ്വന്തം വീട്ടിൽ എത്തിയപ്പോഴാണ് ആൺകുട്ടിയിൽ നിന്നും ലൈംഗിക പീഡനം നടന്നുവെന്ന് വ്യക്തമാക്കുന്ന തരത്തിൽ പെൺകുട്ടി അമ്മയോട് വിവരങ്ങൾ പറഞ്ഞത്. കുട്ടിയിൽ നിന്നും കൂടുതൽ വിവരങ്ങൾ ചോദിച്ചറിഞ്ഞതിന് പിന്നാലെ കുടുംബം പോലീസിൽ പരാതി നൽകുകയായിരുന്നു.

ലൈംഗിക പീഡനം രൂക്ഷം; ഭർതൃപിതാവിനെ യുവതി എലി വിഷം നൽകി കൊലപ്പെടുത്തി

പരാതിയിൽ അന്വേഷണം ആരംഭിച്ച പോലീസ് പതിനാറുകാരനെ അറസ്റ്റ് ചെയ്തു. കോടതിയിൽ ഹാജരാക്കിയ ശേഷം ഇയാളെ ജുവനൈല്‍ ഹോമിലേക്ക് മാറ്റിയതായി വിദ്യാധർ നഗർ പോലീസ് സ്റ്റേഷൻ ഹൌസ് ഓഫീസര്‍ വീരേന്ദ്ര കുമാർ വ്യക്തമാക്കി. വിശദമായ പരിശോധനയിൽ പതിനാറുകാരൻ അശ്ലീല വീഡിയോകൾക്ക് അടിമയാണെന്ന് കണ്ടെത്തിയതായി പോലീസ് പറഞ്ഞു.