സംഭവദിവസം രാത്രി കുട്ടി വീടിൻ്റെ വരാന്തയിൽ ഉറങ്ങിക്കിടക്കുകയായിരുന്നുവെന്നും പ്രതികള്‍ കുട്ടിയുടെ വായിൽ തുണി തിരുകിയ ശേഷം സമീപത്തെ കടയിലെത്തിച്ച് പീഡിപ്പിച്ചെന്നുമാണ് കേസ്.
പ്രതീകാത്മക ചിത്രം Photo: TNN
ഹൈലൈറ്റ്:
- പരാതിയുമായി കുട്ടിയുടെ അച്ഛൻ
- അഞ്ച് പേര്‍ക്കെതിരെ കേസ്
- വര്‍ഗീയ സംഘര്‍ഷമുണ്ടാകാതിരിക്കാൻ പോലീസ് ജാഗ്രതയിൽ
അഞ്ചംഗ സംഘമാണ് കുട്ടിയെ തട്ടിക്കൊണ്ടു പോയതെന്നാണ് പോലീസ് പറയുന്നത്. സംഭവദിവസം പെൺകുട്ടി വീടിൻറെ വരാന്തയിൽ ഉറങ്ങിക്കിടക്കുകയായിരുന്നുവെന്നും മറ്റുള്ളവര്‍ മുകള്‍നിലയിലായിരുന്നുവെന്നും കുട്ടിയുടെ അച്ഛൻ പോലീസിനോടു പറഞ്ഞു. പെൺകുട്ടി കരഞ്ഞു നിലവിളിക്കാതിരിക്കാനായി പ്രതികള്‍ കുട്ടിയുടെ വായിൽ തുണി തിരുകിക്കയറ്റിയതായും അദ്ദേഹം അറിയിച്ചു.
പരിസരത്തുള്ള ഒരു കടയിലെത്തിച്ചാണ് കുട്ടിയെ പീഡിപ്പിച്ചതെന്നാണ് അച്ഛൻ പറയുന്നത്. പ്രതികളിൽ ഒരാളാണ് ഈ ടക നടത്തുന്നത്. തുടര്‍ന്ന് അബോധാവസ്ഥയിലായ കുട്ടിയെ പ്രതികള്‍ വീടിനു സമീപം ഉപേക്ഷിക്കുകയായിരുന്നു. തുടര്‍ന്ന് ബോധം വീണ്ടെടുത്തു വീട്ടിൽ തിരിച്ചെത്തിയ കുട്ടി സംഭവം വീട്ടുകാരെ അറിയിക്കുകയായിരുന്നുവെന്നും കുട്ടിയുടെ അച്ഛൻ പറഞ്ഞു. കുട്ടിയുടെ അച്ഛൻ്റെ പരാതിയിൽ കേസെടുത്ത പോലീസ് സംഭവത്തിൽ അന്വേഷണം ആരംഭിച്ചു.
വസീം, നസീം, ഷഫീഖ്, നസീം, സാനിബ് എന്നിവരാണ് പ്രതികള്‍ എന്നാണ് പോലീസ് പറയുന്നത്. ഇവരിൽ ഒരാളെ കസ്റ്റഡിയിലെടുത്ത പോലീസ് ഇയാളെ ചോദ്യം ചെയ്തു വരികയാണ്. മറ്റു പ്രതികള്‍ സ്ഥലത്തില്ലെന്നാണ് പോലീസ് വിശദീകരിക്കുന്നത്.
അതേസമയം, പീഡനം തെളിയിക്കാനായി പെൺകുട്ടിയെ വൈദ്യപരിശോധനയ്ക്ക് വിധേയയാക്കിയെങ്കിലും കുട്ടി ലൈംഗികമായി ഉപദ്രവിക്കപ്പെട്ടില്ലെന്നു കണ്ടെത്തിയെന്നാണ് റിപ്പോര്‍ട്ട്. സംഭവത്തെത്തുടര്‍ന്ന് സ്ഥലത്ത് വര്‍ഗീയ സംഘര്‍ഷം ഒഴിവാക്കാനായി കനത്ത ജാഗ്രതയിലാണ് പോലീസ്.
കുറഞ്ഞ സമയം കൊണ്ട് കൂടുതൽ പേർക്ക് വാക്സിൻ! റെക്കോർഡ് തീര്‍ത്ത് ഈ മാലാഖ
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : up police probes complaint of father that his minor daughter was abducted and molested by five
Malayalam News from malayalam.samayam.com, TIL Network
