ചാടുന്ന വയര്‍ സ്ത്രീ പുരുഷ ഭേദമന്യേ പലരേയും അലട്ടുന്ന പ്രശ്‌നമാണ്. തടി കുറവാണെങ്കില്‍ പോലും പലര്‍ക്കും ചാടുന്ന വയറാണ് പ്രശ്‌നം. പ്രത്യേകിച്ചും ഒരു പ്രായം കഴിഞ്ഞാല്‍ വയര്‍ ചാടുന്നത് ഇരു കൂട്ടര്‍ക്കും പ്രശ്‌നം തന്നെയാണ്. സ്ത്രീകള്‍ക്കാണെങ്കില്‍ ഗര്‍ഭ,പ്രസവ ശേഷം ഇത് പ്രധാന പ്രശ്‌നമാണ്. ചാടുന്ന വയറിന് കാരണങ്ങള്‍ പലതാണ്. ഇതില്‍ ഭക്ഷണ ശീലങ്ങളും വ്യായാമക്കുറവും സ്‌ട്രെസ് പോലുള്ള ഘടകങ്ങളുമെല്ലാം പ്രധാനമാണ്. വയര്‍ ചാടുന്നതിന് ഭക്ഷണ നിയന്ത്രണവും വ്യായാമവും പരിഹാര വഴികളാണ്. ഇതിനൊപ്പം ചില ചില്ലറ വീട്ടുവൈദ്യങ്ങളും ഗുണം ചെയ്യും. ഇത്തരത്തിലെ ഒന്നിനെ കുറിച്ചറിയൂ. രണ്ടു തരം ജീരകം ഉപയോഗിച്ചുണ്ടാക്കുന്ന പ്രത്യേക തരം പാനീയമാണ് ഇത്.

ജീരകത്തിന്

ഇതിനായി വേണ്ടത് നാലു ചേരുവകള്‍. ജീരകം, പെരുഞ്ചീരകം, ചെറുനാരങ്ങ, തേന്‍ എന്നിവയാണ് ഇവ. പരമ്പരാഗത ഇന്ത്യൻ വൈദ്യശാസ്ത്രത്തിലെ ഒരു സാധാരണ ചേരുവയായ ജീരകത്തിന് വീക്കം തടയുന്ന ആൻറി ഇൻഫ്ലമേറ്ററി സവിശേഷതയും, ഡൈയൂറിറ്റിക്, കാർമിനേറ്റീവ്, ആന്റിസ്പാസ്മോഡിക് ഗുണങ്ങളുമുണ്ട്. നിങ്ങളുടെ ദിവസം ആരംഭിക്കുന്നത് ജീരക വെള്ളം കുടിച്ചുകൊണ്ടാണെങ്കിൽ, അത് മെറ്റബോളിസം വർദ്ധിപ്പിക്കാനും ദഹനം മെച്ചപ്പെടുത്താനും ശരീരഭാരം കുറയ്ക്കാനും രക്തത്തിലെ ഗ്ലൂക്കോസിന്റെ അളവ് നിയന്ത്രിക്കാനും മറ്റ് നിരവധി ആരോഗ്യപ്രശ്നങ്ങൾ തടയാനും സഹായിക്കും. ഇത് രോഗപ്രതിരോധ സംവിധാനത്തെ അണുബാധകളിൽ നിന്ന് ചെറുക്കുന്നതിന് ഉത്തേജിപ്പിക്കുകയും കോശങ്ങൾക്ക് നാശമുണ്ടാക്കുന്ന ഫ്രീ റാഡിക്കലുകളെ നിർവീര്യമാക്കുകയും ചെയ്യുന്നു.

പെരുംജീരകം

ദഹന പ്രക്രിയ സുഗമമാക്കുന്നതിലൂടെ, പെരുംജീരകം ശരീരത്തിലെ മെറ്റബോളിസത്തെ വർദ്ധിപ്പിക്കും, ഇത് കൊഴുപ്പ് കത്തുന്ന പ്രക്രിയ വർദ്ധിപ്പിക്കുന്നതിനുള്ള പ്രധാന ആവശ്യകതയാണ്. രണ്ടാമതായി, നാരുകളുടെ സമൃദ്ധമായ സ്രോതസ്സ് ആയതിനാൽ, പെരുംജീരകം വയറിന് സംതൃപ്തി നൽകുകയും വിശപ്പ് കുറയ്ക്കുകയും ചെയ്യുന്നു. അതിലൂടെ ഇത് അമിത ഭക്ഷണം കഴിക്കുന്നത് ഒഴിവാക്കാൻ നിങ്ങളെ സഹായിക്കുന്നു. കൂടാതെ, പെരുംജീരകം ഡൈയൂററ്റിക് സ്വഭാവമുള്ളതാണ്, ഇത് ശരീരത്തിൽ നിന്ന് വിവിധ തരത്തിലുള്ള വിഷവസ്തുക്കളും അധിക ദ്രാവകങ്ങളും പുറന്തള്ളാൻ നിങ്ങളെ സഹായിക്കുന്നു.

തേന്‍

തടി കുറയ്ക്കാന്‍ നല്ല ശുദ്ധമായ തേന്‍ ഉപയോഗിച്ചാലേ ഗുണമുള്ളൂ. ചെറുതേനാണ് തടി കുറയ്ക്കാന്‍ ഏറെ നല്ലത്. ഇതില്‍ കൊഴുപ്പിനെ കത്തിച്ചു കളയുന്ന എന്‍സൈമുകള്‍ അടങ്ങിയിട്ടുണ്ട്. പുഷ്പങ്ങളില്‍ നിന്നു മാത്രമേ ചെറുതേന്‍ ഉണ്ടാക്കുന്ന തേനീച്ച തേന്‍ സ്വീകരിക്കാറുള്ളൂ. പൂക്കള്‍ക്കുള്ളില്‍ അമോമാറ്റിക് മെഡിസിനല്‍ എന്നു പറയുന്ന വസ്തുവണ്ട്. തേനീച്ച തേന്‍ വലിച്ചെടുക്കുമ്പോള്‍ ഇതും വലിച്ചെടുക്കുന്നു. തേനായി മാറുമ്പോള്‍ ഈ മരുന്നും തേനില്‍ അലിയുന്നു. അങ്ങനെ ഇത് തടി കുറയ്ക്കാനുള്ള വഴിയാകുന്നു.തേന്‍ ഉപയോഗിയ്ക്കുമ്പോള്‍ ശ്രദ്ധിയ്‌ക്കേണ്ടത് മിതമായ തോതില്‍ ഉപയോഗിയ്ക്കുകയെന്നതാണ്. കൂടുതല്‍ അളവില്‍ ഉപയോഗിയ്ക്കുന്നത് ദോഷമാണ് വരുത്തുക. ഇത് രക്തത്തിലെ ഗ്ലൂക്കോസ് തോത് വര്‍ദ്ധിപ്പിയ്ക്കും.

​ചെറുനാരങ്ങ

ചെറുനാരങ്ങ കാഴ്ചയില്‍ കുഞ്ഞനാണെങ്കിലും നല്‍കുന്ന ഗുണങ്ങള്‍ പലതാണ്. ആന്റി ഓക്‌സിഡന്റുകളുടെ കലവറയാണിത്. വൈറ്റമിന്‍ സിയുടെ പ്രധാന ഉറവിടം. തടി കുറയ്ക്കാന്‍ സഹായിക്കുന്ന ഇത് പല തരത്തിലും ആരോഗ്യപരമായ ഗുണങ്ങള്‍ക്കുപയോഗിയ്ക്കാം. നാരങ്ങയിൽ കലോറിയുടെ അളവ് വളരെ കുറവാണ്,. ഇത് ദഹനത്തെ മെച്ചപ്പെടുത്തുകയും ചെയ്യുന്നു. നാരങ്ങയിൽ കലോറിയുടെ അളവ് വളരെ കുറവാണ്, ഇത് അമിതമായി ഭക്ഷണം കഴിക്കാനുള്ള പ്രേരണയേയും തടയും. കൂടാതെ മെറ്റബോളിസം നിലനിർത്താനും നാരങ്ങ സഹായിക്കുന്നു.ശരീരത്തിലെ ടോക്‌സിനുകള്‍ നീക്കാനും അപചയ പ്രക്രിയ ശക്തിപ്പെടുത്താനുമെല്ലാം ഇതേറെ സഹായിക്കുന്നു.

​ഇതിനായി

ഇതിനായി ഒരു ടേബിള്‍ സ്പൂണ്‍ വീതം ജീരകം, പെരുഞ്ചീരകം എന്നിവ രണ്ടു ഗ്ലാസ് വെള്ളത്തില്‍ ഇട്ട് തലേന്നു തന്നെ വച്ചിരിയ്ക്കുക. പിറ്റേന്ന് ഈ വെള്ളം ചെറുതീയില്‍ തിളപ്പിയ്ക്കുക. ഇതിലേയ്ക്ക് അര മുറി നാരങ്ങാ കൂടി തൊലിയോടെ ചെറു കഷ്ണങ്ങളാക്കി ഇട്ടു വേണം, തിളപ്പിയ്ക്കാന്‍. ഇത് ഒരു ഗ്ലാസ് വെള്ളമാകുന്നത് വരെ തിളപ്പിയ്ക്കണം. പിന്നീട് വാങ്ങി അല്‍പം തണുക്കുമ്പോള്‍ ഊറ്റിയെടുക്കണം. ഇതിലേയ്ക്ക് ഇളം ചൂടാകുമ്പോള്‍ ഒരു ടീസ്പൂണ്‍ തേന്‍ ചേര്‍ത്ത് വെറുംവയറ്റില്‍ കുടിയ്ക്കാം. ഇത് സ്ഥിരം ചെയ്യുന്നതു കൊണ്ട് ഗുണം ലഭിയ്ക്കും. Also read: മുഖത്ത് 7 ദിവസം അടുപ്പിച്ച് നെല്ലിക്കാനീരു പുരട്ടി നോക്കൂ