സൗന്ദര്യ സംരക്ഷണത്തിന് കാപ്പിപ്പൊടി ഉപയോഗിക്കുന്നത് ഇന്ന് വളരെ പ്രചാരത്തിലുള്ള മാർഗ്ഗമാണ്. കാപ്പി നൽകുന്ന സൗന്ദര്യ ഗുണങ്ങൾ എന്തൊക്കെയാണെന്ന് അറിയാമോ? ചർമ്മത്തിന്റെയായാലും മുടിയുടെയായാലും, ഈ സൗന്ദര്യ പ്രശ്‌നങ്ങൾക്കെല്ലാം കാപ്പിപ്പൊടി പരിഹാരമാകും.
കണ്ണുകളുടെ ചുറ്റുമുള്ള ഇരുണ്ട നിറത്തിന്
നിങ്ങളുടെ ചർമത്തിന് ചില സമയങ്ങളിൽ കാപ്പി നൽകുന്ന അത്ഭുതങ്ങൾ അപ്രതീക്ഷിതമായതായിരിക്കും. അടുക്കളയിലെ ഈ സുഗന്ധമുള്ള ചേരുവ ഉപയോഗിച്ചുകൊണ്ട് നിങ്ങളുടെ കണ്ണിനു താഴെയുള്ള അസ്വസ്ഥതകളെ പരിഹരിക്കാൻ കഴിയും എന്ന് പറഞ്ഞാൽ വിശ്വസിക്കുമോ ? സൗന്ദര്യ സംരക്ഷണത്തിനുള്ള ഒരു മികച്ച നുറുങ്ങ് വിദ്യയായി ഇത് പ്രവർത്തിക്കുന്നു. പൊടിച്ച കാപ്പി പേസ്റ്റ് രൂപത്തിലാക്കി കണ്ണിനു താഴെയുള്ള ഭാഗത്തും കണ്പോളകളിലും പുരട്ടുക. ആശ്വാസം നൽകുന്നതിനു പുറമേ, പായ്ക്ക് നിങ്ങളുടെ കണ്ണുകൾക്ക് ചുറ്റുമുള്ള ടിഷ്യൂകളുടെ വീക്കം കുറയ്ക്കും. ഇത് കണ്ണിനു താഴെയുള്ള ചർമത്തിൻ്റെ നിറം തിരികെ കൊണ്ടുവരികയും ചെയ്യും. കാപ്പിയിലെ കഫീന്റെയും ആന്റിഓക്‌സിഡന്റുകളുടെയും സംയോജനം ചർമ്മത്തിന് താഴെയുള്ള രക്തക്കുഴലുകളെ ചുരുക്കുന്നതിനും സഹാ ചെയ്യും. ഇത് ഒരു ഡൈയൂററ്റിക് ആയി പ്രവർത്തിച്ചുകൊണ്ട് തടിപ്പിന് കാരണമാകുന്ന അധിക ജലാംശത്തെ ചർമ്മത്തിൽ നിന്ന് നീക്കം ചെയ്യുന്നു.
എക്സ്ഫോളിയേറ്റിങ്ങ് സ്ക്രബ്
കാപ്പിക്ക് നമ്മുടെ ചർമ്മത്തിൽ എക്സ്ഫോളിയേറ്റിങ്ങ് ഗുണങ്ങൾ നൽകാൻ കഴിവുണ്ടെന്ന മാന്ത്രികതയെ പറ്റി നമ്മളിൽ പലർക്കും അറിയില്ല. കാപ്പിക്ക് നമ്മുടെ ചർമ്മത്തെ പുറംതള്ളാനും സെല്ലുലൈറ്റ് പ്രശ്നങ്ങളെ ഇല്ലാതാക്കാനും കഴിയുന്ന ഒരു മികച്ച സ്‌ക്രബായി പ്രവർത്തിക്കാൻ കഴിവുണ്ട്. ഇന്ന് വിപണിയിൽ ലഭ്യമായ നിരവധി ഫാൻസി എക്സ്ഫോളിയേറ്ററുകളിൽ നിന്ന് വ്യത്യസ്തമായി, ചർമ്മത്തെ പരുഷമാകാതെ ഇത് ഫലപ്രദമായി ഉപയോഗപ്പെടുത്താൻ കഴിയും. കാപ്പിക്കുരുവിൽ ഉയർന്ന അളവിൽ ക്ലോറോജെനിക് ആസിഡ് അടങ്ങിയിട്ടുണ്ട്. ഇത് ചർമത്തിലെ കൊളാജൻ ഉത്പാദനം വർദ്ധിപ്പിക്കുന്നു, അതിനാൽ തന്നെ ഇത് ഒരു ചർമ്മ സൗന്ദര്യ ഉത്തേജക ചേരുവയായി പ്രവർത്തിക്കും. കാപ്പിപ്പൊടിയിൽ വെളിച്ചെണ്ണയോ ഒലിവ് ഓയിലോ പോലുള്ളവ ചേർത്ത് കലർത്തി സ്ഥിരത ലഭിക്കുന്നതു വരെ മിക്സ് ചെയ്യാം. പ്രത്യേകിച്ചും നിങ്ങളുടെ മുഖം, സെല്ലുലൈറ്റ് സാധ്യതയുള്ള മറ്റ് പ്രദേശങ്ങൾ അല്ലെങ്കിൽ നിങ്ങളുടെ മുഴുവൻ ശരീരത്തിലും ഇത് ഒരു സ്ക്രബ് രൂപത്തിൽ സൗമ്യമായി തേച്ചുരയ്ക്കാം.
പാടുകൾ അകറ്റാൻ
ബ്ലാക്ക്ഹെഡ്സ് സാധ്യതയുള്ളവർ എണ്ണമയമുള്ള ചർമ്മത്തെ ഏറ്റവും ഭയപ്പെടുന്നുണ്ട്. നിങ്ങളുടെ മൂക്കിൻറെ ഭാഗത്തും താടിയിലും നെറ്റിയിലും ഒക്കെ പ്രത്യക്ഷമാകുന്ന അസ്വാഭാവികമായ കറുത്ത പാടുകളെ നീക്കം ചെയ്യുന്നതിനുള്ള ഒരു ദ്രുത പരിഹാരമായി കാപ്പി പ്രവർത്തിക്കും. അതോടൊപ്പം ചർമത്തിലെ അധിക എണ്ണമയം ഒഴിവാക്കാനും കാപ്പി സ്വാഭാവിക ഗുണങ്ങളെ നൽകും. ചർമത്തിലെ സുഷിരങ്ങളിൽ അടിഞ്ഞുകൂടുന്ന അധികമായ എണ്ണയും അഴുക്കും മലിനീകരണവും ഒക്കെയാണ് ബ്ലാക്ക് ഹെഡുകളെ സംഭാവന ചെയ്യുന്നത്. ആന്റി ഓക്‌സിഡന്റുകളുടെ മികച്ച ഉറവിടമായ കാപ്പി, പരിസ്ഥിതി മലിനീകരണവും ഫ്രീ റാഡിക്കലുകളും മൂലമുണ്ടാകുന്ന ഈ കേടുപാടുകൾ പരിഹരിച്ചുകൊണ്ട് ചർമത്തെ സംരക്ഷിക്കുന്നു.
ചർമ്മത്തിന് നിറം നൽകാൻ
കാപ്പി നിങ്ങളുടെ ശരീരത്തിനു മാത്രമല്ല, ക്ഷീണിച്ച നിങ്ങളുടെ മുഖ ചർമത്തിനും ഉണർവ്വും തിളക്കവും ഒക്കെ നൽകും. കാപ്പിയിലെ സജീവ ഘടകങ്ങൾ ചർമത്തിൽ സാധാരണ ഉണ്ടാകുന്ന പിഗ്മെന്റേഷൻ കുറയ്ക്കുന്നതിലൂടെ ആരോഗ്യമുള്ളതും ഊർജ്ജസ്വലവുമായ ചർമസ്ഥിതി നൽകാൻ വഴിയൊരുക്കുന്നു. അതിനാൽ തന്നെ, ചർമ്മത്തിന് തിളക്കവും ആകർഷണീയവും നൽകാനായി നിങ്ങൾക്ക് ഉറപ്പായും ഇത് ഫേഷ്യലുകളിൽ ഉപയോഗിക്കാം. ഇത് രക്തചംക്രമണം മെച്ചപ്പെടുത്തുകയും ചർമ്മത്തെ സെല്ലുലൈറ്റ് പ്രശ്നങ്ങൾ പരിഹരിക്കാൻ സഹായിക്കുകയും ചെയ്യുന്നു. ഇത് മങ്ങിയ ചർമ്മകോശങ്ങളുടെ പുനരുജ്ജീവനത്തിന് സഹായിച്ചുകൊണ്ട് ചർമ്മത്തിലേക്ക് പുതുജീവൻ നൽകും. പഴങ്ങൾ ഉപയോഗിച്ച് ഫെയ്സ് പാക്ക് തയ്യാറാക്കി ഇതിലേക്ക് പൊടിച്ച കാപ്പി ചേർത്ത് കൊടുക്കാം. ഈ ഫേസ് മാസ്ക് ചർമത്തിലെ പിഗ്മെന്റേഷൻ പ്രശ്നങ്ങളെ ഫലപ്രദമായി പരിഹരിക്കും. ഇത് എല്ലായ്പ്പോഴും ചർമ്മത്തിലെ ബാക്ടീരിയകളോടും ഫംഗസുകളോടും പോരാടാനും ഇത് സഹായം ചെയ്യും.
ശരീര ദുർഗന്ധം അകറ്റാൻ
ചില സമയങ്ങളിൽ, ശരീരത്തിലെ ദുർഗന്ധം അകറ്റാൻ സോപ്പും വെള്ളവും മാത്രം ഉപയോഗിച്ചാൽ മതിയാവില്ല. ഉദാഹരണത്തിന്, സവാള ഉപയോഗിച്ച് കൊണ്ടുള്ള ഫേസ് ഹെയർ പാക്കുകൾ പരീക്ഷിക്കുന്നവരാണ് നിങ്ങളെങ്കിൽ അതിൻറെ രൂക്ഷ ഗന്ധവും ചർമത്തിൽ അടിഞ്ഞുകൂടുന്ന അമിതമായ വിയർപ്പും ഒക്കെ ദുർഗന്ധത്തിന് കാരണമായി നിങ്ങളുടെ വ്യക്തിത്വത്തെ സ്വാധീനിക്കും. പക്ഷേ, ഈയൊരു പ്രശ്നം കാപ്പിയുടെ സഹായത്തോടെ പരിഹരിക്കാവുന്നതേയുള്ളൂ. പൊടിച്ചെടുത്ത കാപ്പി നിങ്ങളുടെ ചർമ്മത്തിൽ പുരട്ടുകയോ അല്ലെങ്കിൽ ഒരു കോഫി ബാത്ത് നടത്തുകയോ ചെയ്താൽ ശരീരത്തിലുണ്ടാവുന്ന ഇത്തരം ദുർഗന്ധത്തെ എളുപ്പത്തിൽ ചെറുക്കാൻ കഴിയും.
അഴകാർന്ന തലമുടി
കാപ്പിയുടെ ഗുണങ്ങൾ നിങ്ങളുടെ ചർമ്മത്തിൽ മാത്രം പരിമിതപ്പെടുന്നതല്ല. നിങ്ങളുടെ മുടിയിലും ഇത് അത്ഭുതകരമായ ഗുണങ്ങളെ നൽകും. കാപ്പി ഇട്ട് തിളപ്പിച്ച ലായനി നിങ്ങളുടെ മുടിയിൽ തേച്ചുപിടിപ്പിക്കുന്നത് വഴി മുടി കൂടുതൽ ആരോഗ്യമുള്ളതാക്കി മാറ്റാൽ കഴിയും. മുടിയിലെ വരൾച്ച കുറച്ചുകൊണ്ട് മൃതകോശങ്ങൾ ഇല്ലാതാക്കാനും താരൻ അകറ്റാനും ഇത് സഹായം നൽകും. കാപ്പിയിലെ ആന്റിഓക്‌സിഡന്റുകൾ മുടി കൊഴിച്ചിലിന് കാരണമാകുന്ന രാസവസ്തുക്കൾക്കെതിരെ പ്രവർത്തിക്കുന്നതിന് ശേഷിയുള്ളതാണ്. ചില വിദഗ്ദ്ധർ എസ്പ്രസ്സോ കോഫി തലമുടിയിൽ പ്രയോഗിക്കാൻ നിർദ്ദേശിക്കുന്നു. മുടിയിൽ ഇത് പ്രയോഗിച്ച് 20 മിനിറ്റിന് ശേഷം കഴുകുക. കാരണമിത് തിളക്കമാർന്ന തലമുടി നൽകുകയും താരനെ ചെറുത്തു നിർത്തുകയും ചൊറിച്ചിൽ അടക്കമുള്ള ലക്ഷണങ്ങൾ ശമിപ്പിക്കുകയും ചെയ്യുന്നു. കാപ്പിയുടെ അസിഡിറ്റി ഗുണങ്ങൾ മുടിയെ മിനുസമാർന്നതാക്കി മാറ്റുന്നതിനും നല്ലതാണ്. നിറമുള്ളതോ സംസ്കരിച്ചതോ ആയ കാപ്പി മുടിയിൽ പുരട്ടരുതെന്ന് ഓർമ്മിക്കുക.
Also read: കൊറിയൻ സുന്ദരിമാരുടെ പോലുള്ള മുഖത്തിന് ഡബിൾ ക്ലെൻസിംഗ്
മുടിയുടെ നിറം
കാപ്പി വരണ്ടതും കേടായതുമായ തലമുടിക്കുള്ള ഒരു മികച്ച പരിഹാരം മാത്രമല്ല, നിങ്ങളുടെ മുടിയുടെ നിറത്തെ സ്വാധീനിക്കാനും ഇതിന് കഴിവുണ്ട്. അകാല നരയുടെ ലക്ഷണങ്ങൾ നേരിടുന്നവർക്കുള്ള ഒരു മികച്ച പരിഹാരമാണ് പ്രകൃതിദത്തമായ കോഫി പേസ്റ്റ്. കാപ്പി മൈലാഞ്ചിപ്പൊടിയോടൊപ്പം ചേർത്തു നിങ്ങൾക്ക് ഒരു ഹെയർ പായ്ക്ക് ഉണ്ടാക്കാം. ഈ പായ്ക്ക് മുടിയിൽ പുരട്ടി ഉണങ്ങുന്നത് വരെ വയ്ക്കുക. അതിനുശേഷം വീര്യം കുറഞ്ഞ ഏതെങ്കിലും ഷാംപൂ ഉപയോഗിച്ച് കഴുകിക്കളയുക. ഇതിലെ സജീവ ഗുണങ്ങളും നിറവും നിങ്ങളുടെ മുടിക്ക് തിളക്കവും നല്ല നിറവും നൽകും.
കാൽപ്പാദങ്ങളെ സംരക്ഷിക്കാൻ
കാപ്പി നിങ്ങളുടെ പാദങ്ങളെ പുനരുജ്ജീവിപ്പിക്കുന്ന ഒരു വലിയ റിലാക്സന്റ് ഘടകമാണ്. ഇത് നിങ്ങളുടെ പാദങ്ങളിലൂടെ ശരീരത്തിന് മുഴുവൻ ഉന്മേഷം നൽകുന്നു. കാപ്പി കുതിർത്തിവച്ച ചൂടുള്ള വെള്ളത്തിൽ നിങ്ങളുടെ കാൽപാദങ്ങൾ സ്ക്രബ് ചെയ്യുന്നത് ഈ ഭാഗത്ത് ഏറ്റവും നല്ല ആശ്വാസ ഗുണങ്ങളെ നൽകും. കാപ്പിയും ഓട്സും ചേർത്ത് കാൽപാദങ്ങൾക്ക് വേണ്ടിയുള്ള മികച്ച സ്ക്രബ് തയ്യാറാക്കാനും കഴിയും. കാലുകൾ കൂടുതൽ സുഗന്ധമുള്ളതാക്കാനായി നിങ്ങൾക്ക് വേണമെങ്കിൽ അവശ്യ എണ്ണകളും ഒരു സ്പൂൺ വാനില എസൻസും ഈ പ്രതിവിധിയിലേക്ക് ചേർക്കുകയും ചെയ്യാം.
Also read: നല്ല ചർമ്മത്തിന് ചുവന്ന പരിപ്പും തേനും ചേർത്തൊരു ബോഡി സ്ക്രബ്
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : amazing beauty benefits of coffee for skin and hair
Malayalam News from malayalam.samayam.com, TIL Network
