ലൈംഗിക വീഡിയോ ചാറ്റ് പുറത്ത്; തമിഴ്നാട് ബിജെപി ജനറൽ സെക്രട്ടറി രാജിവച്ചു

കോയമ്പത്തൂർ: സ്ത്രീയുമായുള്ള ലൈംഗിക വീഡിയോ ചാറ്റ് പ്രചരിച്ചതിന് പിന്നാലെ തമിഴ്നാട് ബിജെപി ജനറൽ സെക്രട്ടറി കെടി രാഘവൻ രാജിവച്ചു. രാഘവന്‍റേതെന്ന പേരിലുള്ള വീഡിയോ യൂട്യൂബർ മദന രവിചന്ദ്രനാണ് പുറത്തുവിട്ടത്. വീഡിയോയുടെ ആധികാരികത തെളിയിക്കപ്പെട്ടിട്ടില്ലെങ്കിലും സംഭവം വിവാദമായതിന് പിന്നാലെ മുതിർന്ന നേതാവ് പദവി ഒഴിയുകയായിരുന്നു. തനിക്കെതിരെ ഉയർന്ന ആരോപണങ്ങൾ കെടി രാഘവൻ നിഷേധിച്ചിട്ടുണ്ട്.



ആരോപണങ്ങൾ താൻ നിഷേധിക്കുകയാണെന്നും സംഭവം നിയമപരമായി നേരിടുമെന്നും രാഘവൻ പ്രതികരിച്ചു. “രാവിലെ മുതൽ സോഷ്യൽ മീഡിയയിൽ പ്രചരിക്കുന്ന വീഡിയോയെക്കുറിച്ചറിഞ്ഞു. തന്നെയെയും പാർട്ടിയെയും കരിവാരിത്തേക്കാൻ ഉള്ളതാണ് വീഡിയോ. പാർട്ടി സംസ്ഥാന അധ്യക്ഷൻ അണ്ണാമലൈയെ കാണുകയും വിഷയം ചർച്ചചെയ്യുകയും ചെയ്തു. പാർട്ടി പദവി ഒഴിയുകയാണ്” കെടി രാഘവൻ ട്വീറ്റ് ചെയ്തു

‘ആ വാർത്തകളെല്ലാം മാധ്യമ സൃഷ്ടി’; കണ്ണൂര്‍ സിപിഎമ്മില്‍ പ്രശ്‌നങ്ങളില്ലെന്ന് കോടിയേരി

തമിഴ്നാട്ടിലെ ജനങ്ങൾക്ക് തന്നെ അറിയാമെന്നും കെടി രാഘവൻ കൂട്ടിച്ചേർത്തു. യാതൊന്നും പ്രതീക്ഷിക്കാതെയാണ് കഴിഞ്ഞ 30 വർഷം താൻ ജനങ്ങളെ സേവിച്ചതെന്നും അദ്ദേഹം പറയുന്നു. രാഘവന്‍റെ രാജി സ്വീകരിച്ചതായി പാർട്ടി സംസ്ഥാന അധ്യക്ഷൻ അണ്ണാമലൈ പ്രതികരിച്ചു. വിഷയം രാഘവൻ നിയമപരമായി നേരിടുമെന്നും സത്യം തെളിയിക്കുമെന്നും സംസ്ഥാന അധ്യക്ഷൻ കൂട്ടിച്ചേർത്തു.

‘ഉദ്ധവിനെ അടിച്ചേനെ’; വിവാദ പരാമർശത്തിൽ കേന്ദ്ര മന്ത്രിയെ അറസ്റ്റ് ചെയ്ത് മഹാരാഷ്ട്ര പോലീസ്

അതേസമയം മദൻ പുറത്തുവിട്ട വീഡിയോയുടെ ആധികാരികത തെളിയിക്കപ്പെട്ടിട്ടില്ല. അണ്ണാമലൈ അറിഞ്ഞുകൊണ്ട് തന്നെയാണ് താൻ വീഡിയോ പുറത്തുവിട്ടതെന്നാണ് മദൻ പറയുന്നത്. 15 ബിജെപി നേതാക്കളുടെ വീഡിയോ തന്‍റെ പക്കലുണ്ടെന്നും ഇയാൾ അവകാശപ്പെടുന്നുണ്ട്. ആരോപണങ്ങൾ അന്വേഷിക്കാൻ ബിജെപി സംസ്ഥാന നേതൃത്വം അന്വേഷണ കമ്മീഷനെ നിയോഗിച്ചിട്ടുണ്ട്.