സെക്രട്ടറിയേറ്റിലെ തീപിടുത്തം അട്ടിമറിയല്ല; അന്തിമ റിപ്പോർട്ട്

തിരുവനന്തപുരം: സെക്രട്ടറിയേറ്റിലെ തീപിടുത്തം അട്ടിമറിയല്ലെന്ന് അന്തിമ റിപ്പോർട്ട്. ഫാനിന്റെ മോട്ടോർ ചൂടായി തീപിടിച്ച് താഴെ വീഴുകയായിരുന്നുവെന്നും തുടർന്ന് കർട്ടനിലും ഫയലുകളിലും തീപിടിക്കുകയായിരുന്നുവെന്നും റിപ്പോർട്ടിൽ പറയുന്നു. ഫോറൻസിക് പരിശോധനയിൽ അസ്വാഭാവികമായി ഒന്നും കണ്ടെത്താനായിട്ടില്ല.



‘ആ വാർത്തകളെല്ലാം മാധ്യമ സൃഷ്ടി’; കണ്ണൂര്‍ സിപിഎമ്മില്‍ പ്രശ്‌നങ്ങളില്ലെന്ന് കോടിയേരി

എഡിജിപി മനോജ് എബ്രാഹാമിന്റെ നേതൃത്വത്തിലുള്ള അന്വേഷണ സംഘമാണ് റിപ്പോർട്ട് നൽകിയിരിക്കുന്നത്. കൊച്ചിയിലും ബെംഗളുരുവിലും ഫാനിന്റെ അവശിഷ്ടങ്ങൾ അയച്ച് പരിശോധിച്ചിരുന്നു. കത്തിനശിച്ചത് അപ്രധാനമായ ഫയലുകളാണ്. തീപിടുത്തത്തിൽ ഉദ്യോഗസ്ഥർക്ക് പങ്കില്ലെന്ന് റിപ്പോർട്ടിൽ പറയുന്നു. ഫാനിന്റെ മോട്ടോറും വയറുകളും പൂർണ്ണമായും കത്തിയിരുന്നു.

രാവിലെ 9.30 നാണ് ഫാൻ ഓണാക്കിയത്. അന്നേ ദിവസം ഓഫീസിലെ ഒരു ഉദ്യോഗസ്ഥന് കൊവിഡ് സ്ഥിരീകരിച്ചിരുന്നു. ഓഫീസ് അവധിയായിരുന്നു. ശുചീകരണ തൊഴിലാളികളെത്തി ഓഫീസ് സാനിറ്റൈസ് ചെയ്യുകയും ചെയ്തു. ഇവർ തിരികെ പോകുമ്പോൾ ഫാൻ ഓഫാക്കിയിരുന്നില്ലെന്നും അതാകാം തീപിടുത്തത്തിന് ഇടയാക്കിയതെന്നും റിപ്പോർട്ടിൽ പറയുന്നുണ്ട്.

ഒരു പുസ്തകത്തിൽ നിന്ന് മാറ്റിയാൽ ഇല്ലാതാവുന്നതല്ല സ്വാതന്ത്ര്യസമരസേനാനികളുടെ രക്തസാക്ഷിത്വത്തിൻറെ വില: എംഎ ബേബി

2020 ഓഗസ്റ്റ് 25 നാണ് സെക്രട്ടറിയേറ്റിലെ പൊതുഭരണ വകുപ്പിന്റെ പ്രോട്ടോക്കോൾ വിഭാഗത്തിൽ തീപിടുത്തം ഉണ്ടായത്. അതേസമയം, ഓഫീസിൽ മദ്യക്കുപ്പി കണ്ടെത്തിയ സംഭവത്തിൽ വകുപ്പുതല അന്വേഷണത്തിന് ശുപാർശ ചെയ്തിട്ടുണ്ട്. തീപിടുത്തം ഉണ്ടായിട്ട് ഒരു വർഷം തികയാനിരിക്കെയാണ് റിപ്പോർട്ട് സമർപ്പിച്ചിരിക്കുന്നത്.