Gokul Murali | Samayam Malayalam | Updated: Aug 25, 2021, 1:29 PM
പ്രദേശത്തെ ലൈംഗികത്തൊഴിലാളിയായിരുന്നു കൊല്ലപ്പെട്ട സ്ത്രീ. റിപ്പോര്‍ട്ടുകള്‍ പ്രകാരം ബുധ്വാര്‍ പേട്ടിലെ 40 കാരനാണ് അവരെ കൊലപ്പെടുത്തിയത്. പ്രതിക്ക് ഇവരുമായി വിവാഹേതര ബന്ധമുണ്ടായിരുന്നുവെന്നും റിപ്പോർട്ടുണ്ട്.
പ്രതീകാത്മക ചിത്രം
പ്രദേശത്തെ ലൈംഗികത്തൊഴിലാളിയായിരുന്നു കൊല്ലപ്പെട്ട സ്ത്രീ. റിപ്പോര്‍ട്ടുകള്‍ പ്രകാരം ബുധ്വാര്‍ പേട്ടിലെ 40 കാരനാണ് അവരെ കൊലപ്പെടുത്തിയത്. പ്രതിക്ക് ഇവരുമായി വിവാഹേതര ബന്ധമുണ്ടായിരുന്നുവെന്നും റിപ്പോർട്ടുണ്ട്.
യുവതി ഒരു വർഷം മുൻപാണ് മുംബൈയിൽ നിന്ന് ബുധ്വാർ പേട്ടിലേക്ക് താമസം മാറി എത്തിയതെന്ന് അന്വേഷണസംഘം വെളിപ്പെടുത്തി. ഇതിന് പിന്നാലെ, വിവാഹിതനായ പ്രതിയുമായി മൂന്ന് മാസം മുൻപ് അടുപ്പത്തിലാകുകയും ചെയ്തു. തുടര്‍ന്ന്, നാരായൺ പേത്തിലെ സ്ത്രീക്ക് പ്രതി ഫ്ലാറ്റ് വാടകയ്ക്ക് നൽകി.
കഴിഞ്ഞ 12ന് പ്രതി സ്ത്രീയുമായി ഫ്ലാറ്റിൽ വച്ച് വഴക്കിട്ടു. തുടര്‍ന്ന് പ്രതി ഫ്ലാറ്റിൽ വച്ച് യുവതിയെ കഴുത്ത് ഞെരിച്ച് കൊലപ്പെടുത്തുകയായിരുന്നു. കൊലയ്ക്ക് ശേഷം താമസസ്ഥലം പൂട്ടി അവിടെ നിന്നും മാറുകയും ചെയ്തു.
സംഭവത്തിനുശേഷം, പ്രതി സോലാപൂരിലെ അക്കൽകോട്ടിലുള്ള ഒരു സുഹൃത്തിന്റെ വീട്ടിൽ പോയി താമസിച്ചു. പിന്നീട്, ഒരു ടെമ്പോ വാടകയ്ക്ക് എടുത്ത് ഓഗസ്റ്റ് 14 ന് ഫ്ലാറ്റിലേക്ക് മടങ്ങി. തുടർന്ന് അയാൾ സ്ത്രീയുടെ ശരീരം വെട്ടി മുറിച്ച് മൂന്ന് സ്യൂട്ട്കേസുകളിലാക്ക് പായ്ക്ക് ചെയ്യുകയും ചെയ്തു.
ഇവരെ കാണാതായതായി ബുധ്വാർ പേത്തിലെ വേശ്യാലയ നടത്തിപ്പുകാരിൽ ഒരാൾ നൽകിയ പരാതിയിലാണ് പോലീസ് കേസെടുത്തത്.
ചോദ്യം ചെയ്യലിൽ പ്രതി കുറ്റം സമ്മതിച്ചതായി ക്രൈം ബ്രാഞ്ച് ഇൻസ്പെക്ടര്‍ മഹേന്ദ്ര ജഗ്താപ് പറഞ്ഞു. പിന്നീട്, പ്രതിയുടെ മൊഴിയുടെ അടിസ്ഥാനത്തിൽ പോലീസ് സ്യൂട്ട്കേസുകള്‍ ഉപേക്ഷിച്ച സ്ഥലത്ത് കൊണ്ടുപോയി പരിശോധിക്കുകയും ചെയ്തു.
പിന്നീട്, ക്രൈം ഡിസിപി ശ്രീനിവാസ് ഗഡ്ഗെ, എസിപി സുരേന്ദ്ര ദേശ്മുഖ് എന്നിവർ പ്രതികളുമായി സ്ഥലത്തെത്തി സ്യൂട്ട്കേസുകൾ കണ്ടെടുത്തു.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : women killed by lover and body parts stuffed in 3 suitcases and disposed of in pune
Malayalam News from malayalam.samayam.com, TIL Network
