ഒമാനിൽ പ്രതിദിന രോഗികൾ 200ൽ താഴെ; വാക്സിൻ സ്വീകരിച്ചവർ 23.36 ലക്ഷം

Sumayya P | Samayam Malayalam | Updated: Aug 25, 2021, 2:18 PM

4043 പേരാണ് ഇതുവരെ ഒമാനില്‍ കൊവിഡ് ബാധിച്ച് മരിച്ചത്. മൊത്തം കൊവിഡ് ബാധിതരുടെ 1.3 ശതമാനമാണ് മരണസംഖ്യ.

ഒമാന്‍: ഒമാനില്‍ ഒരോ ദിവസത്തേയും കൊവിഡ് രോഗികളുടെ എണ്ണം കുറയുന്നു. കഴിഞ്ഞ ഒരാഴ്ചയിലധികമായി 200 കേസുകള്‍ ആണ് റിപ്പോര്‍ട്ട് ചെയ്യുന്നത്. 120 പേർക്കാണ് ഇന്നലെ പുതുതായി രോഗം സ്ഥിരീകരിച്ചതെന്ന് അരോഗ്യവകുപ്പ് അറിയിച്ചു. ഇതോടെ രാജ്യത്ത് കൊവിഡ് സ്ഥിരീകരിച്ചവരുടെ എണ്ണം 3,01,570 ആയി. 4043 പേരാണ് ഇതുവരെ മരിച്ചത്. മൊത്തം കൊവിഡ് ബാധിച്ചവരുടെ എണ്ണം 1.3 ശതമാനം. 221 പേർക്ക് രോഗം മാറി. 2,90,631 പേരാണ് ഇതുവരെ രോഗമുക്തരായത്. മഹാമാരി ആരംഭിച്ച ശേഷമുള്ള ഏറ്റവും ഉയർന്ന രോഗമുക്തി നിരക്കാണിതെന്ന് ആരോഗ്യവകുപ്പ് റിപ്പോര്‍ട്ട് ചെയ്യുന്നു.

Also Read:

കെട്ടിടത്തിൽ കുടുങ്ങിയ ഗർഭിണിയായ പൂച്ചയെ രക്ഷിച്ചവർക്ക് അഭിനന്ദനവുമായി ദുബായ് ഭരണാധികാരി (വീഡിയോ)

കഴിഞ്ഞ ദിവസം 21 പേരെയാണ് കൊവിഡ് ബാധിച്ച് ആശുപത്രിയില്‍ പ്രവേശിച്ചത്. ഇപ്പോള്‍ 169 പേര്‍ മാത്രമാണ് ആശുപത്രിയില്‍ ചികിത്സയിലുള്ളത്. ഇതില്‍ 75 പേര്‍ ഐസിയുവില്‍ ആണ്. കൊവിഡ് വാക്സിന്‍ സ്വീകരിച്ചവരുടെ എണ്ണം 23.36 ലക്ഷമായി. 12.94 ലക്ഷം പേർ ആദ്യ ഡോസ് സ്വീകരിച്ചു. 10.42 ലക്ഷം പേർ രണ്ടു ഡോസും സ്വീകരിച്ചു. 29 ശതമാനം പേര്‍ രണ്ടു ഡോസും സ്വീകരിച്ചു. ദോഫാർ ഒഴിച്ചുള്ള ഗവർണറേറ്റുകളിൽ വാക്സിനേഷന് മികച്ച് പ്രതികരണമാണ് ലഭിക്കുന്നതെന്ന് അധികൃതര്‍ അറിയിച്ചു.

സംസ്ഥാനത്ത് കൊവിഡ് കേസുകൾ നാല്പതിനായിരം കടക്കുമോ ?

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക

ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ

Web Title : omans covid 19 numbers show steady decline

Malayalam News from malayalam.samayam.com, TIL Network