മുഖത്ത് എപ്പോഴും എണ്ണമയമാണോ? എണ്ണമയമുള്ള ചർമ്മം കൈകാര്യം ചെയ്യുക എന്നത് അത്ര എളുപ്പമല്ല. ചർമ്മ സുഷിരങ്ങളിൽ എണ്ണമയം അടിഞ്ഞ്, ഇത് മുഖക്കുരു, ബ്ലാക്ക്ഹെഡ്സ്, വൈറ്റ്ഹെഡ്സ് പോലുള്ള പ്രശ്നങ്ങൾ ഉണ്ടാക്കുകയും ചെയ്യുന്നു.
എണ്ണമയമുള്ള ചർമ്മത്തെ നേരിടാൻ
കാലാവസ്ഥയിലുണ്ടാകുന്ന ചെറിയ മാറ്റങ്ങൾ പോലും എണ്ണമയമുള്ള ചർമ്മസ്ഥിതി ഉള്ളവരുടെ കാര്യത്തിൽ വലിയ പ്രശ്നങ്ങൾക്ക് വഴിവയ്ക്കും. ചർമ്മത്തിൽ സ്വാഭാവിക എണ്ണ ഉത്പാദിപ്പിക്കുന്ന ഗ്രന്ഥികളായ സെബേഷ്യസ് ഗ്രന്ഥികൾ ഒരാൾക്ക് പ്രായത്തിനനുസരിച്ച് പക്വത പ്രാപിക്കുന്നവ കൂടിയാണ് എന്നറിയാമോ. അതുകൊണ്ടുതന്നെ ഒരാളുടെ ചർമത്തിൽ പ്രായമാകുന്തോറും ഇത് കൂടുതൽ പ്രശ്നങ്ങൾ വരുത്തിവയ്ക്കുന്നതിന് മാത്രമേ കാരണമാകുന്നുള്ളൂ. അധിക എണ്ണമയത്തെ കൈകാര്യം ചെയ്യുമ്പോൾ, എണ്ണ അടിസ്ഥാനമാക്കിയുള്ള ഉൽപ്പന്നങ്ങളിൽ നിന്നും മാറി നിൽക്കാനും അവ ഉപേക്ഷിക്കാനും വിദഗ്ധർ ശുപാർശ ചെയ്യുന്നു. എന്നാൽ കഴിയുന്നത്ര എണ്ണമയം നാം ഒഴിവാക്കാൻ ശ്രമിക്കുന്തോറും ചർമം ഇതിന് പകരമായി കൂടുതൽ എണ്ണ ഉൽപാദിപ്പിക്കുന്നു എന്നതാണ് യാഥാർത്ഥ്യം.
എണ്ണമയമുള്ള ചർമത്തെ നേരിടാൻ ഇന്ന് വിപണിയിൽ ലഭ്യമായ ചില മികച്ച ഫേസ് മാസ്കുകൾ നല്ലതാണെന്ന് പറയാം. ചർമത്തിൽ അടിഞ്ഞുകൂടുന്ന അധിക എണ്ണമയം വലിച്ചെടുത്ത് പുറന്തള്ളാൻ സഹായിക്കുമെങ്കിലും തുടർച്ചയായി ഇവ ഉപയോഗിക്കുന്നത് ഏറെ ചിലവേറിയ കാര്യമായിരിക്കും. എന്നാൽ ഇനി അതോർത്ത് വിഷമിക്കേണ്ടതില്ല. നിങ്ങളുടെ അടുക്കളയിൽ എളുപ്പത്തിൽ ലഭ്യമായ ചില വിശിഷ്ട ചേരുവകൾ ഉപയോഗിച്ചുകൊണ്ട് ഇതിനുള്ള പരിഹാരം കാണാം. കൂടുതൽ പ്രശ്നങ്ങൾ ഉണ്ടാകാതെ നിങ്ങളുടെ ചർമ്മത്തിലെ എണ്ണമായം ഫലപ്രദമായി കുറച്ചു കൊണ്ട് ചർമപ്രശ്നങ്ങളുടെ സാധ്യത കുറയ്ക്കാൻ സഹായിക്കുന്ന ചില പ്രകൃതിദത്ത ഫേസ് മാസ്കുകളെ പരിചയപ്പെടാം.
കടല മാവ് മാസ്ക്
ആവശ്യമായ ചേരുവകൾ :
> 1 ടീസ്പൂൺ കടല മാവ്
> 3 തുള്ളി നാരങ്ങ നീര്
> 1/4 ടീസ്പൂൺ മഞ്ഞൾ പൊടി
> ആവശ്യത്തിന് വെള്ളം
ഈ ചേരുവകൾ എല്ലാം നന്നായി കൂട്ടിക്കലർത്തി കലർത്തി കുറച്ചുനേരം മാറ്റി വയ്ക്കാം. ഇത് മുഖത്ത് പുരട്ടി 20 മിനിറ്റ് സൂക്ഷിച്ചതിനെ തുടർന്ന് തണുത്ത വെള്ളത്തിൽ മുഖം കഴുകുക. ആഴ്ചയിൽ രണ്ടോ മൂന്നോ തവണ ഈ മാസ്ക് പ്രയോഗിക്കുന്നത് നല്ലതാണ്. എണ്ണമയമുള്ള ചർമ്മത്തിനുള്ള ഒരു മികച്ച എക്സ്ഫോളിയേറ്ററായി ഇത് പ്രവർത്തിക്കുന്നു.
അവോക്കാഡോ ഫെയ്സ് മാസ്ക്
ആവശ്യമായ ചേരുവകൾ :
> ഒരു പഴുത്ത അവോക്കാഡോ പകുതി
> 1 ടീസ്പൂൺ തേൻ
ഒരു പഴുത്ത അവക്കാഡോ പകുതി മുറിച്ചെടുത്ത് അതിൻ്റെ മാംസ ഭാഗം മാത്രമെടുത്ത് നന്നായി ഉടച്ചെടുക്കുക. ഇതിലേക്ക് ഒരു ടീസ്പൂൺ തേൻ കൂടി കൂട്ടി ചേർത്തുകൊണ്ട് നന്നായി കലർത്തി മുഖത്ത് പുരട്ടുക. 15-20 മിനിറ്റ് മുഖത്ത് സൂക്ഷിച്ചതിനെ തുടർന്നു കഴുകിക്കളയാം. ആഴ്ചയിൽ ഒരു തവണ വീതം ഈ മാസ്ക് പ്രയോഗിക്കുക. നിങ്ങളുടെ എണ്ണമയമുള്ള ചർമ്മം മൂലമുണ്ടാകുന്ന പ്രശ്നങ്ങളെ ഒരു പരിധി വരെ കുറയ്ക്കാൻ ഈ മാസ്ക്ക് സഹായം ചെയ്യും. ചർമത്തിലെ എണ്ണമയം കുറച്ചുകൊണ്ട് ഈർപ്പം നൽകാൻ ഇത് സഹായിക്കുകയും ചെയ്യും.
Also read: ഈ സൗന്ദര്യ ഗുണങ്ങൾക്കെല്ലാം കാപ്പിപ്പൊടി മതിയെന്ന കാര്യം അറിയാമോ?
ആപ്പിൾ സിഡെർ വിനെഗർ
ആവശ്യമായ ചേരുവകൾ :
> ആപ്പിൾ സിഡെർ വിനെഗർ
> വെള്ളം
> പഞ്ഞി
എണ്ണമയമുള്ള ചർമത്തിൽ ആപ്പിൾ സൈഡർ വിനെഗർ ഉപയോഗിക്കുന്നത് ഏറ്റവുമധികം ഗുണം ചെയ്യും. ഒരു കോട്ടൺ ബോൾ എടുത്ത് ആപ്പിൾ സൈഡർ വിനെഗർ വെള്ളത്തിൽ ലയിപ്പിച്ചു ശേഷം അതിൽ മുക്കിവയ്ക്കുക. ഇത് എടുത്ത് നിങ്ങളുടെ മുഖത്ത് സൗമ്യമായി പുരട്ടി ഉണങ്ങാൻ വിടുക. തുടർന്ന് തണുത്ത വെള്ളത്തിൽ കഴുകുക. നിങ്ങൾക്ക് എണ്ണമയമുള്ളതും പ്രകോപനങ്ങൾ ഉള്ളതുമായ ചർമ്മമുണ്ടെങ്കിൽ ആപ്പിൾ സൈഡറിലെ ആൻറി ബാക്ടീരിയൽ ഗുണങ്ങൾ ഇതിനു പരിഹാരമായി പ്രവർത്തിക്കും.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : three natural face packs to get rid of oily skin
Malayalam News from malayalam.samayam.com, TIL Network
