ചിക്കൻ ഫ്രൈ ഉണ്ടാക്കിയില്ല; വ്യവസായി ഭാര്യയെ തല്ലിക്കൊന്നു

ബെംഗളൂരു: ചിക്കൻ ഫ്രൈ ഉണ്ടാക്കണമെന്ന ആവശ്യം അനുസരിക്കാത്തത്തിന്‍റെ പേരിൽ വ്യവസായി ഭാര്യയെ തല്ലിക്കൊന്നു. ബെംഗളൂരുവിലെ ചിക്കബനവരയിലാണ് ഞെട്ടിക്കുന്ന സംഭവം. ഷിറിൻ ബാനുവെന്ന 28കാരിയാണ് കൊല്ലപ്പെട്ടത്. കേസിൽ ഇവരുടെ ഭർത്താവ് മുബാറക് പാഷ(30) അറസ്റ്റിലായി.



മകളെ കാണാനില്ലെന്ന് കാട്ടി ഷിറിന്‍റെ മാതാപിതാക്കൾ പോലീസിൽ പരാതി നൽകിയതോടെയാണ് കൊലപാതക വിവരം പുറത്തറിയുന്നത്. ഓഗസ്റ്റ് 18ന് രാത്രിയ്ക്ക് ശേഷം മകളെ കാണാനില്ലെന്നായിരുന്നു പരാതിയിൽ ഉണ്ടായിരുന്നത്. യുവതിയെ കണ്ടെത്താൻ നടത്തിയ അന്വേഷണമാണ് ഭർത്താവിലേക്കും കൊലപാതകത്തിലേക്കും എത്തിയത്.

Also Read : കോണ്ടം ഇല്ല, സ്വകാര്യഭാഗത്ത് പശ തേച്ച് ലൈംഗിക ബന്ധം; ഗുജറാത്തിൽ 25കാരന് ദാരുണാന്ത്യം



പോലീസ് കുടുംബാംഗങ്ങളെ ചോദ്യം ചെയ്തപ്പോൾ അന്വേഷണവുമായി സഹകരിക്കാൻ മുബാറക് തയ്യാറായില്ല. ചോദ്യം ചെയ്യലിൽ നിന്ന് ഒഴിഞ്ഞുമാറാനായിരുന്നു ഇയാൾ ശ്രമിച്ചത്. എന്നാൽ തിങ്കളാഴ്ച്ച അഭിഭാഷകനൊപ്പം പോലീസ് സ്റ്റേഷനിലെത്തിയ മുബാറക് ഭാര്യയെ കൊലപ്പെടുത്തിയത് താനാണെന്ന് കുറ്റസമ്മതം നടത്തുകയായിരുന്നു.

പ്രായപൂർത്തിയാകാത്ത മൂന്ന് കുട്ടികൾ മുബാറക്- ബാനു ദമ്പതികൾക്കുണ്ട്. ഓഗസ്റ്റ് 18ന് രാത്രി ചിക്കൻ ഫ്രൈ ഉണ്ടാക്കണമെന്ന് താൻ ഭാര്യയോട് ആവശ്യപ്പെട്ടിരുന്നു. എന്നാൽ രാത്രി വീട്ടിലെത്തിയപ്പോൾ ഭക്ഷണത്തിനൊപ്പം ചിക്കൻ ഫ്രൈ കണ്ടില്ല. ഭാര്യയോട് ഇതേ കുറിച്ച് ചോദിച്ചപ്പോൾ നിഷേധാത്മകമായാണ് പ്രതികരിച്ചത്. തുടർന്നുണ്ടായ ദേഷ്യത്തിൽ ഒരു മരത്തടി കൊണ്ട് അടിക്കുകയായിരുന്നെന്നാണ് ഇയാൾ പോലീസിനോട് പറഞ്ഞത്.

ഭാര്യയുടെ പിറന്നാൾ പാർട്ടിയ്ക്കിടെ തർക്കം; വിരുന്നിനെത്തിയ സുഹൃത്തിനെ യുവാവ് കഴുത്തറുത്ത് കൊന്നു

കുട്ടികൾ ഈ സമയത്ത് ഉറങ്ങിക്കിടക്കുകയായിരുന്നു. കൊലപാതകത്തിന് ശേഷം മൃതദേഹം കവറിൽ കെട്ടി ബൈക്കിൽ അകലെയുള്ള ചിക്കബനവര തടാകത്തിൽ ഉപേക്ഷിക്കുകയായിരുന്നെന്നും ഇയാൾ പോലീസിനോട് പറഞ്ഞു.