കോന്നി ബ്ലോക്ക് പഞ്ചായത്തും ഇനി എൽഡിഎഫിന് ഒപ്പം; പ്രസിഡന്‍റ് തെരഞ്ഞെടുപ്പിൽ ജയം

കോന്നി: കോന്നി ബ്ലോക്ക് പഞ്ചായത്ത് പ്രസിഡന്‍റ് തെരഞ്ഞെടുപ്പിൽ എൽഡിഎഫിന് ജയം. എൽഡിഎഫിലെ ജിജി സജി യുഡിഎഫിലെ എം വി അമ്പിളിയെ പരാജയപ്പെടുത്തിയാണ് പ്രസിഡന്‍റായി തെരഞ്ഞെടുക്കപ്പെട്ടത്. ജിജി സജിക്ക് 7 വോട്ടും അമ്പിളിക്ക് 6 വോട്ടുമാണ് ലഭിച്ചത്.



നേരത്തെ യുഡിഎഫ് അംഗമായിരുന്നു ജിജി സജി. എന്നാൽ എൽഡിഎഫ് ഇവരെ കൂടെനിർത്തി പ്രസിഡന്‍റിനെതിരെ അവിശ്വാസ പ്രമേയം കൊണ്ടുവരികയായിരുന്നു. ജൂലൈ 28നായിരുന്നു ഇത്. പ്രസിഡന്‍റായിരുന്ന എം വി അമ്പിളിക്കെതിരെ എൽഡിഎഫ് കൊണ്ടുവന്ന അവിശ്വാസം വിജയിച്ചതോടെ പ്രസിഡന്‍റ് പുറത്താവുകയായിരുന്നു. വൈസ് പ്രസിഡന്‍റിനെതിരെ എൽഡിഎഫ് കൊണ്ടുവന്ന അവിശ്വാസവും വിജയിച്ചിരുന്നു.

Also Read : മാണിയുടെ വിടവ് നികത്താൻ ജോസഫിനായില്ല; താഴേത്തട്ടിൽ കമ്മിറ്റികൾ പോലുമില്ല; തോൽവി പഠിച്ച് കോൺഗ്രസ് സമിതി

പ്രസിഡന്‍റിനെ പുറത്താക്കിയതിന് പിന്നാലെ ജിജി സജിയെ എൽഡിഎഫ് പ്രസിഡന്‍റ് സ്ഥാനത്തേക്ക് നിർദേശിക്കുകയായിരുന്നു. ഇടത് അംഗങ്ങളുടെ എല്ലാവരുടെയും പിന്തുണ ലഭിച്ചതോടെ ജിജി പ്രസിഡന്‍റായി തെരഞ്ഞെടുക്കപ്പെടുകയും ചെയ്തു.

Also Read : ‘സര്‍ക്കാര്‍ വാഹനങ്ങൾക്ക് റോഡ് ടാക്സ് അടക്കേണ്ട’ സമൂഹമാധ്യമങ്ങളിലെ പ്രചരണങ്ങള്‍ക്ക് മറുപടിയുമായി എംവിഡി