Sumayya P | Lipi | Updated: 07 Jun 2021, 03:47:00 PM
72 മണിക്കൂറിനിടയിലുള്ള പിസിആര്‍ ടെസ്റ്റ് റിസല്‍ട്ട് അല്‍ ഹുസ്ന്‍ ആപ്പില്‍ ലഭ്യമായിരിക്കണമെന്നും ഇന്‍സ്റ്റഗ്രാം പോസ്റ്റിലൂടെ വ്യക്തമാക്കി.
ഹൈലൈറ്റ്:
- സ്‌കൂളുകള്‍ സന്ദര്‍ശിക്കുന്ന രക്ഷിതാക്കള്‍ എന്നിവര്‍ക്കും കൊവിഡ് നെഗറ്റീവ് സര്‍ട്ടിഫിക്കറ്റ് വേണമെന്നാണ് വ്യവസ്ഥ.
- ഇന്ന് മുതല്‍ ഈ വ്യവസ്ഥ നിലവില്‍ വരുമെന്ന് അബൂദാബി ഹെല്‍ത്ത് സര്‍വീസസ് കമ്പനി അറിയിച്ചു.
അബുദാബി: പുതിയ റെസിഡന്‍സി വിസയ്‌ക്കോ നിലവിലുള്ള വിസ പുതുക്കാനോ വേണ്ടി മെഡിക്കല്‍ സര്‍ട്ടിഫിക്കറ്റ് എടുക്കണമെങ്കില്‍ അപേക്ഷയ്‌ക്കൊപ്പം പിസിആര്‍ നെഗറ്റീവ് സര്‍ട്ടിഫിക്കറ്റ് കൂടി വേണ്ടിവരും. ഇന്ന് മുതല്‍ ഈ വ്യവസ്ഥ നിലവില്‍ വരുമെന്ന് അബൂദാബി ഹെല്‍ത്ത് സര്‍വീസസ് കമ്പനി അറിയിച്ചു.
72 മണിക്കൂറിനിടയിലുള്ള പിസിആര്‍ ടെസ്റ്റ് റിസല്‍ട്ട് അല്‍ ഹുസ്ന്‍ ആപ്പില്‍ ലഭ്യമായിരിക്കണമെന്നും ഇന്‍സ്റ്റഗ്രാം പോസ്റ്റിലൂടെ വ്യക്തമാക്കി. അല്ലാത്ത പക്ഷം മെഡിക്കല്‍ സര്‍ട്ടിഫിക്കറ്റ് ലഭിക്കില്ല.
നേരത്തേ അബുദാബിയിലെ സര്‍ക്കാര്‍ ഓഫീസുകള്‍, പൊതു ഇടങ്ങള്‍ തുടങ്ങിയ സ്ഥലങ്ങളില്‍ പ്രവേശിക്കണമെങ്കില്‍ കൊവിഡ് നെഗറ്റീവ് സര്‍ട്ടിഫിക്കറ്റ് വേണമെന്ന് വ്യവസ്ഥ ചെയ്തിരുന്നു.
Also Read: വാക്‌സിനെടുത്ത യുഎഇ നിവാസികള്‍ക്ക് 19 രാജ്യങ്ങളില്‍ ക്വാറന്റൈന്‍ ഇല്ലാതെ യാത്ര ചെയ്യാം
വാക്‌സിനെടുക്കാത്ത ഫെഡറല്‍ ഗവണ്‍മെന്റ് ജീവനക്കാര്‍ ഓരോ ആഴ്ചയിലും കൊവിഡ് നെഗറ്റീവ് സര്‍ട്ടിഫിക്കറ്റ് ഹാജരാക്കണമന്നും നിബന്ധനയുണ്ട്. ഇവര്‍ക്കു പുറമെ, ഹോട്ടലുകള്‍, റെസ്‌റ്റൊറന്റുകള്‍, വിനോദ കേന്ദ്രങ്ങള്‍, ആരോഗ്യ സ്ഥാപനങ്ങള്‍ എന്നിവിടങ്ങളിലെ ജീവനക്കാര്‍, ടൂര്‍ ഗോഡുകള്‍, ടാക്‌സി ഡ്രൈവര്‍മാര്‍ തുടങ്ങി ജനങ്ങളുമായി കൂടുതല്‍ ഇടപഴകുന്ന ആളുകളും ഇടയ്ക്കിടെ പിസിആര്‍ ടെസ്റ്റ് നടത്തി കൊവിഡ് നെഗറ്റീവാണെന്ന് ഉറപ്പുവരുത്തണം. അതേ പോലെ അധ്യാപകര്‍ ഉള്‍പ്പെടെയുള്ള സ്‌കൂള്‍ ജീവനക്കാര്‍, സ്‌കൂളുകള്‍ സന്ദര്‍ശിക്കുന്ന രക്ഷിതാക്കള്‍ എന്നിവര്‍ക്കും കൊവിഡ് നെഗറ്റീവ് സര്‍ട്ടിഫിക്കറ്റ് വേണമെന്നാണ് വ്യവസ്ഥ.
നിലവില്‍ അബൂദാബിയില്‍ പ്രവേശിക്കുന്നതിന് 48 മണിക്കൂറിനിടയില്‍ ലഭിച്ച് പിസിആര്‍ നെഗറ്റീവ് സര്‍ട്ടിഫിക്കറ്റാണ് സ്വീകരിക്കുക. 24 മണിക്കൂറിനിടയില്‍ എടുത്ത ഡിപിആര്‍ ടെസ്റ്റ് നെഗറ്റീവ് സര്‍ട്ടിഫിക്കറ്റ് മതിയെങ്കിലും ഒന്നലധികം തവണ ഇത് ഉപയോഗിച്ച് അബൂദാബിയിലേക്ക് പ്രവേശിക്കാനാവില്ല.
പാതി ശമ്പളം നാട്ടുകാര്‍ക്ക് നല്‍കി പഞ്ചായത്തംഗങ്ങള്‍
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : pcr certificate is required to take medical treatment in abu dhabi
Malayalam News from malayalam.samayam.com, TIL Network
