Sumayya P | Samayam Malayalam | Updated: 07 Jun 2021, 03:23:05 PM
യൂറോപ്യന്‍ മെഡിസിന്‍ ഏജന്‍സി അംഗീകരിച്ചതോ ലോകാരോഗ്യ സംഘടന അനുമതി നല്‍കിയതോ ആയ ഏതെങ്കിലും വാക്‌സിനായിരിക്കണമെന്നും നിബന്ധനയുണ്ട്.
വാക്‌സിനേഷന്‍ സര്‍ട്ടിഫിക്കറ്റ് വേണം
ഇവിടങ്ങളിലേക്ക് യാത്ര ചെയ്യുന്നവര്‍ വാക്‌സിനേഷന്‍ സര്‍ട്ടിഫിക്കറ്റ് കൈയില്‍ കരുതണമെന്ന വ്യവസ്ഥയുണ്ട്. യൂറോപ്യന്‍ മെഡിസിന്‍ ഏജന്‍സി അംഗീകരിച്ചതോ ലോകാരോഗ്യ സംഘടന അനുമതി നല്‍കിയതോ ആയ ഏതെങ്കിലും വാക്‌സിനായിരിക്കണമെന്നും നിബന്ധനയുണ്ട്. നിലവില്‍ യുഎയില്‍ നല്‍കുന്ന ഫൈസര്‍, സിനോഫാം, ഓക്‌സ്‌ഫോഡ് ആസ്ട്രസെനക്ക തുടങ്ങിയ വാക്‌സിനുകള്‍ ഇവയില്‍ ഉള്‍പ്പെടും. ആറ് വയസ്സിന് താഴെയുള്ള വാക്‌സിനെടുക്കാത്ത കുട്ടികള്‍ക്ക് മുതര്‍ന്നവര്‍ക്കൊപ്പം പ്രവേശനം നല്‍കും. അതേസമയം, ആറ് വയസ്സിനു മുകളിലുള്ള കുട്ടികള്‍ പിസിആര്‍ നെഗറ്റീവ് സര്‍ട്ടിഫിക്കറ്റ് ഹാജരാക്കണം. ഇവിടങ്ങളില്‍ എത്തുന്നതിന് മുമ്പ് ഹെല്‍ത്ത് കണ്‍ട്രോള്‍ ഫോറം ഓണ്‍ലൈനായി സമര്‍പ്പിക്കണമെന്നും വ്യവസ്ഥയുണ്ട്.
30 നഗരങ്ങളില്‍ ക്വാറന്റൈന്‍ വേണ്ട
ഏറെ നാളത്തെ കാത്തിരിപ്പിന് ശേഷം വേനലവധി ചെലവഴിക്കാന്‍ ആഗ്രഹിക്കുന്നവര്‍ക്കായി യൂറോപ്പിലും മിഡിലീസ്റ്റിലും ആഫ്രിക്കയിലും ഉള്‍പ്പെടെയുള്ള നഗരങ്ങളിലേക്ക് ദുബായില്‍ നിന്ന് ആഴ്ചയില്‍ 280 സര്‍വീസുകള്‍ നടത്തുമെന്നും എമിറേറ്റ്‌സ് എയര്‍ ലൈന്‍സ് അറിയിച്ചു. ഇവയില്‍ 30ഓളം നഗരങ്ങളില്‍ യുഎഇ നിവാസികള്‍ക്ക് ക്വാറന്റൈന്‍ ആവശ്യമില്ല.
യുഎഇയില്‍ നിന്നുള്ളവര്‍ക്ക് ക്വാറന്റൈന്‍ ആവശ്യമില്ലാത്ത രാജ്യങ്ങള്‍ ഇവയാണ്.
– യൂറോപ്പ്: സൈപ്രസ്, ഗ്രീസ്, ഇറ്റലി, റഷ്യ, തുര്‍ക്കി, സ്‌പെയിന്‍, ഫ്രാന്‍സ്
– മിഡിലീസ്റ്റ്: ജോര്‍ദാന്‍, ലബനാന്‍, ബഹ്‌റൈന്‍, ഈജിപ്ത്
– ഏഷ്യ: മാലിദ്വീപ്, സഷെ്ല്‍സ് ദ്വീപുകള്‍, തായ്‌ലന്റ്
– ആഫ്രിക്ക: കെനിയ, താന്‍സാനിയ, മൊറോക്കോ
– അമേരിക്ക: യുഎസ്സിലെ 11 നഗരങ്ങളിലേക്ക് എമിറേറ്റ്‌സ് സര്‍വീസുകള്‍ നടത്തുന്നുണ്ട്. ജൂലൈ 21 മുതല്‍ മിയാമായിലേക്കു കൂടി സര്‍വീസ് തുടങ്ങും.
– മെക്‌സിക്കോ: ജൂലൈ രണ്ടു മുതലാണ് മെക്‌സിക്കോ സിറ്റിയിലേക്ക് എമിറേറ്റ്‌സ് സര്‍വീസ് നടത്തുക.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : 19 countries vaccinated residents can visit without quarantine at uae
Malayalam News from malayalam.samayam.com, TIL Network
