കാശ്മീർ വിഷയത്തിൻ ഇന്ത്യയും പാക്കിസ്ഥാനും ചർച്ച നടത്തണം; ‘പാക്കിസ്ഥാൻ ഞങ്ങളുടെ രണ്ടാം വീട്: താലിബാൻ വക്താവ്

കാബൂൾ: പാക്കിസ്ഥാനെ തങ്ങൾ രണ്ടാമത്തെ വീടായാണ് കാണുന്നതെന്ന് താലിബാൻ വക്താവ് സബീഹുള്ള മുജാഹിദ്. അഫ്ഗാനുമായി അതിർത്തി പങ്കിടുന്ന പാക്കിസ്ഥാനുമായി പാരമ്പരാഗതമായി തങ്ങൾ സൗഹൃദത്തിലാണ് കഴിയുന്നതെന്ന് സബീഹുള്ള പറഞ്ഞു. ഇരു രാജ്യങ്ങളിലെ ജനങ്ങളും മതപരമായി യോജിച്ചു പോകുന്നവരാണ്. പാക്കിസ്ഥാനുമായുള്ള ബന്ധം കൂടുതൽ ബലപ്പെടുത്താനാണ് ഉദ്ദേശിക്കുന്നതെന്നും അദ്ദേഹം പറഞ്ഞു.

കാബൂൾ വിമാനത്താവളത്തിൽ ചാവേറാക്രമണം; 13 പേര്‍ കൊല്ലപ്പെട്ടു

അഫ്ഗാൻ ജനതയുടെ താൽപര്യം അനുസരിച്ച് ഇന്ത്യ അവരുടെ നയം വ്യക്തമാക്കുമെന്നാണ് വിചാരിക്കുന്നതെന്ന്. കാശ്മീ‍ര്‍ വിഷയത്തിൽ ഇന്ത്യയും പാക്കിസ്ഥാനും തമ്മിൽ വേഗത്തിൽ ച‍ര്‍ച്ച നടത്തണമെന്നും തീരുമാനമെടുക്കണെന്നും സബീഹുള്ള വ്യക്തമാക്കി.

ഇസ്ലാമിനെ അടിസ്ഥാനമാക്കി എല്ലാ അഫ്ഗാനികളേയും ഉൾക്കൊള്ളുന്ന ഭരണകൂടം രൂപീകരിക്കും. അതിനുള്ള നടപടി ക്രമങ്ങൾ പുരോഗമിക്കുകയാണെന്നും അതുവരെ കാത്തിരിക്കണമെന്നും സബീഹുള്ള കൂട്ടിച്ചേർത്തു.

‘ഞങ്ങളുടെ പോരാളികള്‍ക്ക് സ്ത്രീകളെ ബഹുമാനിക്കാനറിയില്ല’; തത്കാലം പുറത്തിങ്ങരുതെന്ന് താലിബാൻ

സ്ത്രീകളുടെ വിദ്യാഭ്യാസം, ജോലി എന്നിവയ്ക്ക് അനുയോജ്യമായ അന്തരീക്ഷം സൃഷ്ടിക്കാനാണ് ശ്രമിക്കുന്നത്. അഫ്ഗാൻ മണ്ണിൽ നിന്നുകൊണ്ട് മറ്റേതെങ്കിലും രാജ്യത്തിനെതിരെ പ്രവ‍ര്‍ത്തിക്കാൻ അനുവദിക്കില്ലെന്ന് നേരത്തെ വ്യക്തമാക്കിയിട്ടുണ്ട്. ഇക്കാര്യത്തിൽ താലിബാന്റെ നയം വ്യക്തമാണ്. ഐഎസ് സാന്നിധ്യം അഫ്ഗാനിൽ ഇല്ലെന്നും താലിബാൻ വക്താവ് അവകാശപ്പെട്ടു.