Sumayya P | Lipi | Updated: Aug 27, 2021, 7:21 AM
തെരഞ്ഞെടുക്കുന്ന പാക്കേജിന് അുസരിച്ച് താമസ സൗകര്യം, മല്‍സരങ്ങള്‍ക്കുള്ള ടിക്കറ്റുകള്‍, റൗണ്ട് ട്രിപ്പ് വിമാനയാത്ര തുടങ്ങിയവയും അംഗങ്ങള്‍ക്കായി ഒരുക്കിയിട്ടുണ്ട്.
ഹൈലൈറ്റ്:
- ഏഴ് വ്യത്യസ്ത പാക്കേജുകളില്‍ നിന്ന് പരമാവധി ഏഴ് മത്സരങ്ങള്‍ വരെ കാണാനാന്‍ സാധിക്കും
- ലോകകപ്പിന് യോഗ്യത നേടാനായില്ലെങ്കില്‍ അതിനനുസരിച്ച് പാക്കേജുകള്‍ മാറ്റാം
ഖത്തര്‍ എയര്‍വേസിന്റെ qatarairways.com/fifaearlyaccess ലിങ്ക് വഴി സൗജന്യമായി ഈ ക്ലബ്ബില്‍ അംഗങ്ങളാവാം. തിരഞ്ഞെടുക്കുന്ന പാക്കേജിന് അുസരിച്ച് മല്‍സരങ്ങള്‍ക്കുള്ള ടിക്കറ്റുകള്‍, താമസ സൗകര്യം, റൗണ്ട് ട്രിപ്പ് വിമാനയാത്ര തുടങ്ങിയവയും ക്ലബ്ബ് അംഗങ്ങള്‍ക്കായി ഒരുക്കിയിട്ടുണ്ട്. ഏഴ് വ്യത്യസ്ത പാക്കേജുകളില്‍ നിന്ന് പരമാവധി ഏഴ് മല്‍സരങ്ങള്‍ വരെ കാണാനാവും വിധമുള്ള വ്യത്യസ്ത പാക്കേജുകള്‍ തെരഞ്ഞെടുക്കാന്‍ ഇതില്‍ അവസരമുണ്ട്. ലോക കപ്പ് പ്രത്യേക പാക്കേജുകള്‍ മറ്റുള്ളവര്‍ക്കുള്ള വില്‍പ്പന ആരംഭിക്കുന്നതിന് 14 ദിവസം മുമ്പ് പ്രിവിലേജ് ക്ലബ്ബ് അംഗങ്ങള്‍ക്ക് ലഭിക്കും. തങ്ങള്‍ക്ക് സൗകര്യപ്രദമായ യാത്രാ ടിക്കറ്റുകള്‍, താമസം, മല്‍സരങ്ങള്‍ക്കുള്ള ടിക്കറ്റുകള്‍ ലഭിക്കാന്‍ ക്ലബ്ബ് അംഗങ്ങള്‍ക്ക് ഇതുവഴി സാധിക്കും.
Also Read: 
അധ്യാപനരംഗത്ത് കൂടുതൽ സ്വദേശികളെ നിയമിക്കാനുള്ള തീരുമാനവുമായി ഒമാന്‍ തൊഴിൽ മന്ത്രാലയം
യോഗ്യതാ മല്‍സരങ്ങള്‍ പൂര്‍ത്തിയാവുന്നതിന് മുമ്പ് തന്നെ തങ്ങളുടെ ഇഷ്ട ടീമുകളുടെ കളികള്‍ കാണാനുള്ള ടിക്കറ്റുകള്‍ ആദ്യം തന്നെ ബുക്ക് ചെയ്യാനാവുമെന്ന സൗകര്യവും ഇതിലുണ്ട്. ഇഷ്ട ടീമുകള്‍ക്ക് ലോകകപ്പിന് യോഗ്യത നേടാനായില്ലെങ്കില്‍ അതിനനുസരിച്ച് പാക്കേജുകള്‍ മാറ്റാനും സാധിക്കും. ആവശ്യമെങ്കില്‍ പാക്കേജിന് നല്‍കിയ തുക പൂര്‍ണമായും റീഫണ്ട് ചെയ്യാനും സൗകര്യമുണ്ട്. വിവിധ പാക്കേജുകളുടെ വിവരങ്ങള്‍ visit www.qatarairways.com/fifa2022ല്‍ ലഭിക്കും.
ആദ്യ ഘട്ടത്തില്‍ ഇന്ത്യയ്ക്കു പുറമെ, ആസ്ത്രേലിയ, ആസ്ട്രിയ, ബെല്‍ജിയം, ബള്‍ഗേറിയ, ക്രൊയേഷ്യ, സൈപ്രസ്, ചെക്ക് റിപബ്ലിക്, ഡെന്മാര്‍ക്ക്, ഫിന്‍ലന്റ്, ഫ്രാന്‍സ്, ജര്‍മനി, ഗ്രീസ്, ഹംഗറി, ഇന്തോനേഷ്യ, അയര്‍ലന്റ്, ഇറ്റലി, ജപ്പാന്‍, മലേഷ്യ, നെതര്‍ലന്റ്സ്, ന്യൂസിലന്റ്, ഫിലിപ്പീന്‍സ്, പോളണ്ട, റൊമാനിയ, സ്പെയിന്‍, സ്വീഡന്‍, തായ്ലന്റ് എന്നീ രാജ്യക്കാര്‍ക്കാണ് പാക്കേജ് ലഭ്യമാവുക.
പൊന്മുടിയിലേക്ക് യാത്രക്കാര്‍ ഒഴുകിയെത്തിയപ്പോള്‍ കോളടിച്ചത് പോലീസിന്
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : qatar airways to roll out exclusive fifa world cup qatar 2022 travel packages for privilege club members
Malayalam News from malayalam.samayam.com, TIL Network
