തൊണ്ടവേദന പലര്‍ക്കുമുണ്ടാകുന്ന പ്രശ്‌നമാണ്. ചിലര്‍ക്കിത് അടിക്കടി വരുന്ന പ്രശ്‌നവുമാണ്. തൊണ്ടയിലെ അണുബാധ തന്നെയാണ് പ്രധാനമായും ഇതിന്റെ കാരണമായി വരുന്നത്. ഇത് വേണ്ട രീതിയില്‍ ചികിത്സിച്ചില്ലെങ്കില്‍ പനി പോലുളള അവസ്ഥകളിലേയ്ക്കു വരെ പോകും. മാത്രമല്ല, കഠിനമായ വേദനയുണ്ടാക്കുന്ന ഒന്നു കൂടിയാണിത്. ഭക്ഷണം കഴിയ്ക്കാനും വെള്ളമിറക്കാനും വരെ ബുദ്ധിമുട്ടാകുകയും ചെയ്യുന്നു. ഇതിനായി വീട്ടില്‍ ചെയ്യാവുന്ന വൈദ്യങ്ങള്‍ പലതുമുണ്ട്. ഉപ്പുവെള്ളം കവിള്‍ കൊള്ളുകയാണ് ഏറ്റവും സിംപിളായി ചെയ്യാവുന്നത്. എന്നാല്‍ ഉപ്പുവെള്ളമല്ലാതെ ഇതിന് പരിഹാരം കണ്ടെത്താന്‍ സാധിയ്ക്കുന്ന ഒരു വഴിയുണ്ട്.

ഇഞ്ചി

ഉപ്പു വെള്ളത്തിന് പകരം തൊണ്ടയില്‍ പിടിയ്ക്കാന്‍, അതായത് ഗാര്‍ഗിള്‍ ചെയ്യാന്‍ സഹായിക്കുന്ന വെള്ളം നമുക്ക് വീട്ടില്‍ തയ്യാറാക്കാം. ഇതിനായി വേണ്ടത് ഇഞ്ചി, വെളുത്തുള്ള, ചെറുനാരങ്ങാ, ഉപ്പ് എന്നിവയാണ്. ഇഞ്ചി അണുബാധകള്‍ക്കെതിരെയുള്ള നല്ലൊരു മരുന്നാണ്. തൊണ്ടവേദന ഉണ്ടാക്കുന്ന വൈറസുകൾക്കെതിരെ പോരാടാൻ ഇതിൽ അടങ്ങിയിരിക്കുന്ന ആന്റി ബാക്റ്റീരിയൽ സവിശേഷതകൾ സഹായിക്കും.

​ഉപ്പ്

ഉപ്പ് നല്ലൊരു അണുനാശിനിയാണ്. തൊണ്ടവേദന, തൊണ്ടയിലെ പഴുപ്പ് തുടങ്ങിയ അസ്വസ്ഥതകൾ വേരോടെ പിഴുതുകളയാൻ ഇത്രയും ഫലപ്രദമായ മറ്റൊരു മാർഗ്ഗമില്ല. നിങ്ങൾക്ക് പല തവണയായി വായിൽകൊള്ളാൻ ആവശ്യമായ വെള്ളം ചൂടാക്കി എടുക്കുക. ഇതിലേയ്ക്ക് അര ടീസ്പൂൺ ഉപ്പ് ചേർത്ത് നന്നായി ഇളക്കുക. ഇത് കവിള്‍ കൊള്ളം. തൊണ്ടയിലേയ്ക്ക് വെള്ളം ഇറങ്ങിച്ചെന്ന് അവിടെ കഴിവതും നേരം പിടിച്ചു നിര്‍ത്തി ചെയ്യുക. ഇളം ചൂടുളള വെള്ളം മതിയാകും. ഇല്ലെങ്കില്‍ വായ പൊള്ളാന്‍ ഇടയാകും.

​വെളുത്തുള്ളി

വെളുത്തുള്ളിയും ആന്റി ബാക്ടീരിയല്‍, വൈറല്‍, ഫംഗല്‍ ഗുണങ്ങളുള്ള ഒന്നാണ്. വെളുത്തുള്ളിയിൽ അടങ്ങിയിരിക്കുന്ന അല്ലിസിന്‍ എന്ന ആന്റിബയോട്ടിക് തൊണ്ടവേദന അകറ്റാൻ വളരെയധികം സഹായകരമാണ്. മാത്രമല്ല, ശരീരത്തിന്റെ പ്രതിരോധ ശേഷി വർധിപ്പിക്കാനും വെളുത്തുള്ളി കഴിക്കുന്നതിലൂടെ സാധിക്കും.നാരങ്ങയും രോഗപ്രതിരോധവും അണുബാധയും പരിഹരിയ്ക്കാന്‍ ഏറെ നല്ലതു തന്നെയാണ്.

​ഈ പ്രത്യേക വെള്ളം തയ്യാറാക്കാന്‍

ഈ പ്രത്യേക വെള്ളം തയ്യാറാക്കാന്‍ നാലഞ്ച് അല്ലി വെളുത്തുള്ളി തൊലി കളഞ്ഞ് ചതച്ചത്, ഇഞ്ചി എന്നിവ വെള്ളത്തിലിട്ട് തിളപ്പിയ്ക്കുക. കുറഞ്ഞ തീയില്‍ തിളപ്പിച്ച് സത്ത് വെള്ളത്തിലേയ്ക്ക് ഇറങ്ങണം. പിന്നീട് ഇത് വാങ്ങ് നാരങ്ങയുടെ നീര് ഇതിലേയ്ക്ക് പിഴിഞ്ഞൊഴിയ്ക്കാം. ഇതിലേയ്ക്ക് അല്‍പം ഉപ്പും ചേര്‍ത്ത് വായില്‍ ഒഴിയ്ക്കാന്‍ പാകത്തിന് ചൂടാകുമ്പോള്‍ കവിള്‍ കൊള്ളാം. ഇത് തൊണ്ടവേദന എളുപ്പത്തില്‍ സുഖപ്പെടുത്തുന്നു. Also read: രാത്രിയിൽ ഭക്ഷണം കഴിച്ചാൽ തടി കൂടുമെന്ന് പറയുന്നത് പിന്നിൽ?