കൊല്ലത്ത് പരാതിക്കാരിയോട് ചുംബനം ചോദിച്ച പോലീസുകാരന് സസ്പെൻഷൻ

കൊല്ലം: പരാതിക്കാരിയോട് മോശമായി പെരുമാറിയ പോലീസ് ഉദ്യോഗസ്ഥന് സസ്പെൻഷൻ. കൊല്ലം കൊട്ടാരക്കര പോലീസ് സ്റ്റേഷനിലെ സീനിയർ സിവിൽ പോലീസ് ഓഫീസർ ബിജു ജോണിനെതിരെ (43) ആണ് നടപടി സ്വീകരിച്ചത്.



കലയപുരം സ്വദേശിനിയായ വീട്ടമ്മയാണ് ബിജുവിനെതിരെ കൊട്ടാരക്കര ഡിവൈഎസ്‌പി ആർ സുരേഷിന് പരാതി നൽകിയത്. പരാതി ലഭിച്ചതിന് പിന്നാലെ കൊട്ടാരക്കര പോലീസ് എഫ്ഐആർ രജിസ്റ്റർ ചെയ്ത് അന്വേഷണം ആരംഭിച്ചു. യുവതിയുടെ പരാതിയിൽ വിശദമായ അന്വേഷണം നടത്തിയെന്നും വസ്തുതകൾ ബോധ്യപ്പെട്ടതിനാലാണ് നടപടിയുണ്ടായത്.

‘മൃതദേഹങ്ങൾ നദികളിൽ ഒഴുകുന്ന അവസ്ഥ കേരളത്തിലുണ്ടായിട്ടില്ല’; വിമർശനങ്ങൾക്ക് മറുപടിയുമായി മുഖ്യമന്ത്രി

വീടിന് സമീപത്ത് സാമൂഹ്യവിരുദ്ധരുടെ ശല്യം രൂക്ഷമാണെന്ന പരാതി നൽകാനാണ് യുവതി കൊട്ടാരക്കര പോലീസ് സ്റ്റേഷനിൽ നാല് ദിവസം മുൻപ് എത്തിയത്. മദ്യലഹരിയിൽ ഒരു സംഘമാളുകൾ വീടിന് സമീപത്ത് ബഹളം ഉണ്ടാക്കുന്നുവെന്നായിരുന്നു പരാതിയിൽ പറഞ്ഞിരുന്നത്. പരാതിയിൽ പറഞ്ഞിരുന്നവരെ സ്റ്റേഷനിലേക്ക് വിളിച്ചുവരുത്തി താക്കീത് ചെയ്ത് വിട്ടയച്ച ശേഷമാണ് സിവിൽ പോലീസ് ഓഫീസറായ ബിജു ജോൺ യുവതിയുടെ മൊബൈൽ ഫോൺ നമ്പറിലേക്ക് തുടർച്ചയായി ഫോൺ ചെയ്യാൻ ആരംഭിച്ചത്.

തുടർച്ചയായി ഫോൺ ചെയ്ത് അശ്ലീല ഭാഷയിൽ സംസാരിക്കുകയും ചുംബനം ചോദിക്കുകയും ചെയ്തുവെന്ന് കൊട്ടാരക്കര

ഡിവൈഎസ്‌പി ആർ സുരേഷിന് കൈമാറിയ പരാതിയിൽ യുവതി വ്യക്തമാക്കുന്നുണ്ട്. പരാതി നൽകാൻ എത്തുന്ന സ്ത്രീകളോട് പോലീസ് മോശമായി പെരുമാറുകയും ഫോൺ ചെയ്യുകയും ചെയ്യുന്ന സംഭവങ്ങൾ കേരളത്തിൽ നിരവധിയാണ്. മറ്റൊരു കേസിൽ ഓണദിവസം മദ്യപിച്ച് സ്വന്തം നാട്ടിൽ പ്രശ്‌നമുണ്ടാക്കിയ നെല്ലിക്കുന്നം സ്വദേശിയായ രതീഷ് എന്ന പോലീസ് ഉദ്യോഗസ്ഥനെതിരെയും എഫ്ഐആർ രജിസ്റ്റർ ചെയ്‌തിട്ടുണ്ട്. ഈ കേസിൽ പോലീസ് അന്വേഷണം തുടരുകയാണ്. വൈകാതെ നടപടി ഉണ്ടാകുമെന്നാണ് പുറത്തുവരുന്ന് റിപ്പോർട്ട്.

അതേസമയം, യൂറോപ്പിൽ ജോലി വാഗ്ദാനം ചെയ്ത് ലക്ഷങ്ങള്‍ തട്ടിയ കേസിൽ പാസ്റ്റര്‍ അറസ്റ്റിലായി. മൂവാറ്റുപുഴയിൽ സ്വകാര്യസ്ഥാപനം നടത്തുന്ന ഇടുക്കി സ്വദേശിയാണ് കഴിഞ്ഞ ദിവസം അറസ്റ്റിലായത്. ഇടുക്കി രാജാക്കാട് വാഴേപ്പറമ്പിൽ വീട്ടിൽ ഷാജിയാണ് അറസ്റ്റിലായത്.

‘കൃഷികൊണ്ട് ജീവിക്കാനാകുന്നില്ല, കഞ്ചാവ് വളർത്താൻ അനുവദിക്കണം’; അനുമതി തേടി കർഷകൻ

മൂവാറ്റുപുഴയിൽ അഡോണ നഴ്സിങ് ഹോം എന്ന സ്ഥാപനം നടത്തി വരികയായിരുന്നു ഇയാള്‍. പോളണ്ടിലെ സൂപ്പര്‍ മാര്‍ക്കറ്റിൽ വിവിധ തസ്തികകളിലേയ്ക്ക് ജോലി വാഗ്ദാനം ചെയ്ത്15 പേരിൽ നിന്നായി 15 ലക്ഷത്തോളം രൂപയാണ് ഇയാള്‍ വാങ്ങിയത്. എന്നാൽ പണം നല്‍കിയവരെ പിന്നീട് ഷാജി ജോലി സംബന്ധമായ കാര്യങ്ങളൊന്നും അറിയിച്ചില്ലെന്നാണ് മാതൃഭൂമി റിപ്പോര്‍ട്ടിൽ പറയുന്നത്. തുടര്‍ന്ന് ഇവര്‍ മൂവാറ്റുപുഴ പോലീസിൽ പരാതി നല്‍കുകയായിരുന്നു. ഇക്കാര്യം മനസ്സിലാക്കിയ പ്രതി ഒളിവിൽ പോകുകയായിരുന്നു. തുടര്‍ന്ന് എസ്എച്ച്ഓ സിജെ മാര്‍ട്ടിൻ, എസ്ഐ വികെ ശശികുമാര്‍, എഎസ്ഐ സുനിൽ സാമുവൽ കയകുമാര്‍, സിപിഓ ബിബിൽ മോഹൻ എന്നിവര്‍ ചേര്‍ന്ന് ഇയാളെ അറസ്റ്റ് ചെയ്യുകയായിരുന്നു. ജില്ലാ പോലീസ് മേധാവിയായ കെ കാര്‍ത്തിക്കിനു ലഭിച്ച രഹസ്യവിവരത്തെ തുടര്‍ന്നായിരുന്നു പ്രതിയെ പേഴയ്ക്കാപ്പിള്ളിയിൽ നിന്ന് അറസ്റ്റ് ചെയ്തത്.