മുടി സംബന്ധമായ പ്രശ്നങ്ങളുണ്ടോ? എങ്കിൽ ഈ ഇഞ്ചി ഹെയർ മാസ്ക് പരീക്ഷിക്കാം

മുടിയുടെ പരിപാലനം എത്ര കടുപ്പമേറിയ കാര്യമാണ് എന്ന് പ്രത്യേകം പറഞ്ഞു തരേണ്ടതില്ലല്ലോ. ആരോഗ്യമുള്ള അഴകാർന്ന മുടിയിഴകൾ ലഭിക്കണമെങ്കിൽ നമ്മുടെ മുടിക്ക് ആവശ്യമായ പോഷണവും പരിചരണവും ഒക്കെ എപ്പോഴും മുടങ്ങാതെ നൽകേണ്ടതുണ്ട്. മുടിയുടെ പരിപാലനവുമായി ബന്ധപ്പെട്ട് ആഴ്ചയിൽ രണ്ടും മൂന്നും തവണയൊക്കെ ഹെയർ മാസ്കുകൾ പരീക്ഷിക്കുന്നവർ നമുക്കിടയിലുണ്ട്. കേശ പരിപാലനത്തിന് കാര്യത്തിൽ എല്ലായ്പോഴും ഉപയോഗത്തിന് നല്ലത് പ്രകൃതിദത്ത ഉൽപ്പന്നങ്ങളെ കൂട്ടുപിടിക്കുക തന്നെയാണ്. അതാകുമ്പോൾ ഇത് നിങ്ങളുടെ തലമുടിയുടെ കാര്യത്തിൽ യാതൊരു രീതിയിലും പ്രശ്നങ്ങളോ ദോഷങ്ങളോ ഉണ്ടാകും എന്ന പേടി വേണ്ട.



മുടിയുടെ സംരക്ഷണത്തിന് ഇഞ്ചി



മുടിയുടെ കാര്യത്തിൽ നിങ്ങളുടെ അടുക്കളയിൽ കണ്ടെത്താനാകുന്ന മിക്കവാറും ചേരുവകളെല്ലാം നിങ്ങൾ പരീക്ഷിച്ചിട്ടുണ്ടാകും. അവോക്കാഡോ, തൈര്, സവാള, മുട്ട, തുടങ്ങി പലതും ഒരു തവണയെങ്കിലും പരീക്ഷിച്ചു നോക്കി ഫലമറിഞ്ഞിട്ടില്ലാവർ കുറവായിരിക്കും. എന്നാൽ ഒരുതവണയെങ്കിലും ഇഞ്ചി ഉപയോഗിച്ചുകൊണ്ടുള്ള ഹെയർ മാസ്ക് പരീക്ഷിച്ചിട്ടുണ്ടോ? അതെ, വെറുതേ തമാശ പറയുകയല്ല. ഇഞ്ചി നിങ്ങളുടെ തലമുടിയുടെ ആരോഗ്യത്തെ പരിപോഷിപ്പിക്കുന്ന ഒരു മികച്ച ഘടകമായി ഉപയോഗിക്കാൻ കഴിയും. വാരാന്ത്യങ്ങളിൽ നിങ്ങൾക്ക് പരീക്ഷിക്കാൻ കഴിയുന്ന അനവധി പോഷകഗുണങ്ങൾ നൽകുന്ന ഈയൊരു ചേരുവ ഉപയോഗിച്ച് ചെയ്യുന്ന ഒരു മികച്ച ഇഞ്ചി ഹെയർ മാസ്ക്കിനെ കുറിച്ച് അറിയാം.

പ്രധാനമായും മൂന്നു ചേരുവകളാണ് ഈ ഹെയർ മാസ്ക് തയ്യാറാക്കാൻ ആവശ്യമായത്.

>

3 ടേബിൾസ്പൂൺ ഇഞ്ചി നീര്

> 1 ടേബിൾസ്പൂൺ ഒലിവ് ഓയിൽ

> 3 ടേബിൾസ്പൂൺ ഗ്രീൻ ടീ

നരച്ച മുടി കറുപ്പിക്കാൻ ഈ പ്രകൃതിദത്ത മാർഗ്ഗങ്ങൾ തിരഞ്ഞെടുത്തോളൂ

ഇഞ്ചി: ഇഞ്ചിയുടെ ഉപയോഗം നിങ്ങളുടെ തലയോട്ടിയില്ലക്കുള്ള രക്തചംക്രമണം മെച്ചപ്പെടുത്താൻ സഹായിക്കുന്നു. രക്തചക്രമണം തലയോട്ടിയിലേക്ക് വേഗത്തിൽ എത്തിച്ചേരാനും മുടിയുടെ വളർച്ചയെ പ്രോത്സാഹിപ്പിക്കാനും ഇതിലെ ഗുണങ്ങൾ സഹായിക്കും. ഇഞ്ചിയിൽ അടങ്ങിയിരിക്കുന്ന ഫാറ്റി ആസിഡുകൾ മുടിക്ക് ആവശ്യമായ പോഷണം നൽകുന്നതിന് വളരെ പ്രയോജനകരമാണ്. ഇത് രോമകൂപങ്ങളെ ഉത്തേജിപ്പിക്കുകയും മുടിക്ക് തിളക്കവും ആകർഷണീയതയും പകർന്നു നൽകുകയും ചെയ്യുന്നു.

ഗ്രീൻ ടീ: നിങ്ങളുടെ തലമുടിയിൽ ഗ്രീൻ ടീ ഉപയോഗിക്കുന്നത് മുടിയുടെ ആരോഗ്യത്തിനുള്ള ഏറ്റവും മികച്ച തെരഞ്ഞെടുപ്പാണ്. ഇത് വരണ്ട തലയോട്ടി, താരൻ എന്നിവയ്ക്കെതിരായ പോരാട്ടത്തിൽ സഹായം ചെയ്യുന്നു. ഗ്രീൻ ടീ യിൽ കാണപ്പെടുന്ന കാറ്റെച്ചിനുകൾ മുടി കൊഴിച്ചിലിനെ ചെറുക്കാനും ഉള്ളിൽ നിന്ന് നിങ്ങളുടെ മുടി വേരുകളെ ശക്തിപ്പെടുത്താനും നല്ലതാണ് എന്ന് കണക്കാക്കപ്പെടുന്നു. ഗ്രീൻ ടീ യുടെയും ഇഞ്ചിയുടെയും മിശ്രിതം നിങ്ങളുടെ മുടിക്ക് ആരോഗ്യവും പോഷണവും നൽകുന്നതിൽ പ്രധാന പങ്കുവഹിക്കുന്നുണ്ട്.

ഒലിവ് ഓയിൽ: മുടിയുടെ വരണ്ട പ്രകൃതം നീക്കം ചെയ്ത് മോയിസ്ചറൈസിംഗ് ഗുണങ്ങൾ നൽകാൻ കഴിവുള്ള ഒരു കണ്ടീഷണറായി പ്രവർത്തിക്കുന്ന ഒന്നാണ് ഒലിവ് ഓയിൽ. മുടി ജഡ പിടിക്കുന്നതും കെട്ടുപിണയുന്നതും ചുരുണ്ടു പോകുന്നതുമെല്ലാം ഒഴിവാക്കാൻ ഇതിൻറെ ഉപയോഗം നല്ലതാണ്. ഇതിലടങ്ങിയിരിക്കുന്ന ആൻറി ബാക്ടീരിയൽ ആൻറി ഫംഗൽ ഘടകങ്ങൾ താരൻ തല ചൊറിച്ചിൽ വരണ്ട ശിരോചർമ്മം എന്നീ പ്രശ്നങ്ങളെ അകറ്റി നിർത്താൻ പൂർണ്ണമായും ഫലം ചെയ്യും.

ചെയ്യേണ്ട രീതി :



1. ഒരു ഇഞ്ചി തൊലി കളഞ്ഞ് എടുത്തു നന്നായി ഇടിച്ചുപിഴിഞ്ഞ് മേൽപ്പറഞ്ഞ അളവിൽ മൂന്ന് ടേബിൾ സ്പൂൺ നീര് എടുക്കുക. ഇതിലേക്ക് ഒരു ടേബിൾ സ്പൂൺ ഒലിവ് ഓയിൽ ചേർത്ത് രണ്ടും കൂട്ടികലർത്തുക. രണ്ടിൻ്റെയും കൂടിച്ചേരൽ മെച്ചപ്പെട്ടതാക്കാനായി ഇഞ്ചി നീരിൽ ചേർക്കുന്നതിന് മുമ്പ് നിങ്ങൾക്ക് ഒലിവ് ഓയിൽ വേണമെങ്കിൽ ചെറുതായി ചൂടാക്കാം.

2. അടുത്തതായി ഒരല്പം വെള്ളം ചൂടാക്കാൻ അടുപ്പത്ത് വെച്ച് ഇതിൽ ഒരു ഗ്രീൻ ടീ ബാഗ് ചേർക്കുക. നിങ്ങൾ ഇതിനകം തയ്യാറാക്കിയ ഇഞ്ചി നീര്, ഒലിവ് ഓയിൽ എന്നിവയുടെ മിശ്രിതത്തിലേക്ക് ഇതിൽനിന്ന് മൂന്ന് ടേബിൾസ്പൂൺ ഈ ഗ്രീൻ ടീ ചേർക്കുക. നിങ്ങളുടെ തലമുടിയെ പരിപാലിക്കാൻ ശേഷിയുള്ള ഹെയർ മാസ്ക് തയ്യാറായി കഴിഞ്ഞു.

എങ്ങനെ ഉപയോഗിക്കാം?



ഈ മിശ്രിതം നിങ്ങളുടെ തലയോട്ടിയിൽ പുരട്ടി വിരൽതുമ്പ് ഉപയോഗിച്ച് നന്നായി നന്നായി മസാജ് ചെയ്ത് ഏകദേശം 20 മിനിറ്റ് സൂക്ഷിക്കുക. 20 മിനിറ്റ് കഴിഞ്ഞാൽ, വെള്ളം മാത്രം ഉപയോഗിച്ചുകൊണ്ടോ ചെറുചൂടുള്ള വെള്ളത്തിൽ വീര്യം കുറഞ്ഞ ഏതെങ്കിലും ഷാംപൂ ഉപയോഗിച്ചോ കഴുകിക്കളയാം. മുടി ഷാംപൂ ചെയ്യാൻ തിരഞ്ഞെടുക്കുകയാണെങ്കിൽ ഒരു കണ്ടീഷണർ ഉപയോഗിക്കാൻ മറക്കരുത്. ഈ ഇഞ്ചി ഹെയർ മാസ്ക് എല്ലാ വാരാന്ത്യത്തിലും പരീക്ഷിക്കാൻ നല്ലതാണ്. അഞ്ച് ആഴ്ച തുടർച്ചയായി പരീക്ഷിക്കുമ്പോൾ തന്നെ മുടിയിൽ ഉണ്ടാകുന്ന നല്ല വ്യത്യാസങ്ങൾ നിങ്ങൾക്ക് തിരിച്ചറിയാം.