കർണാടകയിൽ വിദ്യാർത്ഥികൾക്ക് ഇളവ്; ആര്‍ടിപിസിആര്‍ ഫലം നെഗറ്റീവാണെങ്കിൽ ക്വാറന്റീൻ വേണ്ട

കേരള അതിര്‍ത്തി കടന്നെത്തുന്നവര്‍ക്ക് ഏർപ്പെടുത്തിയ ക്വാറന്റീനുകള്‍ക്ക് ഇളവുമായി കര്‍ണാടക. ചില വിദ്യാര്‍ത്ഥികള്‍ക്കാണ് ഇളവ് ഏര്‍പ്പെടുത്തിയിരിക്കുന്നത്. പ്രധാനമായും മെഡിക്കൽ, പാരാമെഡിക്കൽ, നഴ്സിങ്ങ്, എൻജിനിയറിങ്ങ് വിദ്യാര്‍ത്ഥികൾക്കാണ് ഇളവ്.



Also Read : അവസാന യുഎസ് വിമാനവും കാബൂൾ വിട്ടു; ചരിത്ര നിമിഷമെന്ന് താലിബാൻ, വെടിയുതിർത്ത് ആഘോഷം



ഈ വിദ്യാര്‍ത്ഥികള്‍ക്ക് ആര്‍ടിപിസിആര്‍ പരിശോധനയിൽ നെഗറ്റീവ് സർട്ടിഫിക്കറ്റ് മാത്രമാണ് ആവശ്യമായി വരുന്നത്. അതേസമയം, മറ്റ് വിദ്യാര്‍ത്ഥികള്‍ക്കും ജോലിക്കാര്‍ക്കും ഒരാഴ്ചത്തെ ക്വാറന്റീൻ വേണം ഇത് സ്ഥാപനം ഒരുക്കണമെന്നും നിര്‍ദ്ദേശങ്ങളില്‍ പറയുന്നു.

കേരളത്തിൽ നിന്നും കര്‍ണാടകത്തിലേക്ക് 72 മണിക്കൂറിനുള്ളിൽ എടുത്ത ആര്‍ടിപിസിആര്‍ നെഗറ്റീവ് സര്‍ട്ടിഫിക്കറ്റ് ആവശ്യമാണ്.

Also Read : വാക്സിനും ‘തടുക്കാനാവില്ല’; കൊറോണയുടെ അപകടകരമായ വകഭേദം, സി.1.2 ഏഴ് രാജ്യങ്ങളിൽ സ്ഥിരീകരിച്ചു



അതേസമയം, ഒരു ദിവസത്തെ പരീക്ഷയ്ക്കും മറ്റുമായി വരുന്നവര്‍ക്ക് എന്താണെന്നത് സംബന്ധിച്ച് തീരുമാനം വരേണ്ടതായുണ്ട്. കേരളത്തിൽ കൊവിഡ് കേസുകള്‍ വര്‍ദ്ധിക്കുന്നതിന്റെ പശ്ചാത്തലത്തിലാണ് ഇത്തരത്തിൽ കടുത്ത നിയന്ത്രണങ്ങളുമായി കര്‍ണാടക രംഗത്തുവന്നിരിക്കുന്നത്.

കര്‍ണാടകത്തിൽ നിയന്ത്രണങ്ങള്‍ കുറച്ച് സ്കൂളുകള്‍ അടക്കമുള്ളവ തുറക്കുവാന്‍ തുടങ്ങുന്നതോടെയാണ് ടിപിആര്‍ ഉയര്‍ന്ന കേരളത്തിൽ നിന്നും നിയന്ത്രണം കടുപ്പിച്ചത്. കര്‍ണാടകത്തിൽ രണ്ട് ശതമാനത്തിൽ താഴെ ടിപിആറുള്ള പ്രദേശങ്ങളില്‍ ആറാം ക്ലാസ് മുതല്‍ തുറക്കുവാന്‍ ഒരുങ്ങുകയാണ്.

Also Read : ഭാര്യ അതിഥിയോടൊപ്പം കിടക്ക പങ്കിടും, ഭർത്താവ് പുറത്തു കിടക്കും; വെള്ളമില്ലാതെ കുളിക്കുന്ന വിചിത്ര ഗോത്രം



കഴിഞ്ഞ 23 ാം തീയതി മുതൽ ഒന്‍പതാം ക്ലാസ് മുതൽ പ്രീ യൂണിവേഴ്സിറ്റി വരെ തുറന്നിരുന്നു. കൂടുതൽ ക്ലാസുകള്‍ തുറക്കാന്‍ ഒരുങ്ങിയിരുന്നു. ആ സാഹചര്യത്തിലാണ് കേരളത്തിൽ നിന്നു വരുന്നവര്‍ക്ക് ക്വാറന്റീൻ നിയന്ത്രണങ്ങള്‍ ഏര്‍പ്പെടുത്തിയത്. ഓണാവധി കഴിഞ്ഞ് മടങ്ങിയെത്തുന്ന മലയാളികള്‍ക്ക് കൊവിഡ് കേസുകള്‍ റിപ്പോര്‍ട്ട് ചെയ്തതോടെയാണ് കര്‍ണാടക സര്‍ക്കാര്‍ നിയന്ത്രണങ്ങള്‍ കടുപ്പിച്ചത്.

കഴിഞ്ഞ ദിവസമാണ് കേരളത്തിൽ നിന്നും എത്തുന്നവര്‍ക്ക് ക്വാറന്റീൻ നിര്‍ബന്ധമാക്കിയത്. കേരളത്തിൽ നിന്ന്‌ ആർടിപിസിആർ നെഗറ്റീവ്‌ സർട്ടിഫിക്കറ്റുമായി എത്തുന്നവരും ക്വാറന്റൈനിൽ ഇരിക്കേണ്ടിവരും. ഏഴ് ദിവസത്തെ ഇൻസ്റ്റിറ്റ്യൂഷണൽ ക്വാറന്റീൻ വേണമെന്നാണ് കര്‍ണാടക സര്‍ക്കാര്‍ ഇന്നലെ പുറത്തിറക്കിയ ഉത്തരവിൽ പറയുന്നത്.

Also Read : കോൺഗ്രസ് പഴയ കോൺഗ്രസല്ല, എന്തും വിളിച്ചു പറയാനാകില്ല; നേതാക്കൾക്ക് പൂട്ടിട്ട് ഹൈക്കമാൻഡ്



വിമാനത്താവളത്തിലും റെയിൽവേ സ്‌റ്റേഷനുകളിലും ഇതിനായി സംവിധാനമൊരുക്കും. അതിർത്തിയിലും പരിശോധന കർശനമാക്കും. കേരള അതിർത്തിയിൽ കൂടുതൽ പൊലീസിനെ നിയോഗിക്കുമെന്നും കർണാടക അറിയിച്ചു. നേരത്തെ അതിർത്തികളിൽ പരിശോധന കർശനമാക്കിയ നടപടിക്ക് കടുത്ത വിമർശനങ്ങൾ ഉയർന്നിരുന്നു.

അതേസമയം, കേരളത്തിൽ ഓണത്തിന് ശേഷം കൊവിഡ് കേസുകൾ വർദ്ധിച്ചു. രണ്ടാം തരംഗത്തിന് ശേഷം വീണ്ടും മുപ്പതിനായിരത്തിന് മുകളിൽ കേസുകളാണ് റിപ്പോർട്ട് ചെയ്തിരുന്നത്. നിലവിൽ രാജ്യത്ത് തന്നെ ഭൂരിഭാഗം കേസുകളും റിപ്പോർട്ട് ചെയ്യുന്നത് കേരളത്തിലാണെന്ന് ആശങ്ക ഉയർത്തുന്നതാണ്.