‘പാൽക്കച്ചവടം നടത്തിയാൽ മതി’; മാംസ – മദ്യ വ്യാപാരം നിരോധിച്ച് യോഗി

മഥുര: ഉത്തർപ്രദേശിലെ മഥുരയിൽ മദ്യത്തിനും മാംസത്തിനും സമ്പൂർണ വിലക്കേർപ്പെടുത്തി. മുഖ്യമന്ത്രി യോഗി ആദിത്യനാഥ് നിരോധനം സംബന്ധിച്ച ഉത്തരവ് നിലപാട് വ്യക്തമാക്കി. ഈ മേഖലയിൽ തൊഴിൽ ചെയ്തിരുന്നവർ മറ്റ് മേഖലകളിൽ ജോലി ചെയ്യാൻ തയ്യാറാകണം. മഥുരയുടെ പാമ്പര്യം വീണ്ടെടുക്കാൻ ഇവർ പാൽക്കച്ചവടം നടത്തുന്നതാകും നല്ലതെന്നും യുപി മുഖ്യമന്ത്രി പറഞ്ഞു.



‘ഇന്ത്യ സുപ്രധാന രാജ്യം, വാണിജ്യ ബന്ധം തുടരാൻ ആഗ്രഹിക്കുന്നു’; നിലപാട് മാറ്റി താലിബാൻ

മദ്യത്തിനും മാംസത്തിനുമുള്ള നിരോധനവുമായി ബന്ധപ്പെട്ടുള്ള നിർദേശം നൽകിയിട്ടുണ്ടെന്ന് മുഖ്യമന്ത്രി പറഞ്ഞു. വലിയ തോതിൽ പാൽ ഉത്പാദിപ്പിക്കപ്പെടുന്ന പാരമ്പര്യമാണ് മഥുരയ്ക്ക് ഉണ്ടായിരുന്നത്. മഥുരയുടെ മഹത്വം പുനരുജ്ജീവിപ്പിക്കുന്നതിനായിട്ടാണ് മദ്യവും മാംസവ്യാപാരവും നിരോധിക്കുന്നത്. ഈ മേഖലയിൽ പ്രവർത്തിച്ചിരുന്നവർ പാൽ കച്ചവടത്തിലേക്ക് തിരിയണമെന്നും കൃഷ്ണോത്സവ പരിപാടിയിൽ സംസാരിച്ച് മുഖ്യമന്ത്രി യോഗി ആദിത്യനാഥ് വ്യക്തമാക്കി.

കൃഷ്ണനെ ഉപവസിച്ചാൽ കൊവിഡ്-19 വ്യാപനം കുറയാൻ സഹായിക്കുമെന്നും യു പി മുഖ്യമന്ത്രി പറഞ്ഞു. വൈറസിനെ ഇല്ലാതാക്കാൻ അദ്ദേഹം പ്രത്യേക പ്രാർഥന നടത്തുകയും ചെയ്തു. കൃഷ്ണൻ്റെ ജന്മസ്ഥലമായി കണക്കാക്കപ്പെടുന്ന മഥുരയിൽ ബ്രിജ് ഭൂമിയുടെ വികസന പ്രവർത്തനങ്ങൾ ഉണ്ടാകും. ഈ പ്രവർത്തനങ്ങൾക്കായി ഫണ്ട് ക്ഷാമം ഉണ്ടാകില്ല. ആധുനിക സാങ്കേതിക വിദ്യയെ സാംസ്കാരിക ആധ്യാത്‌മിക പാരമ്പര്യവുമായി കൂട്ടിച്ചേർത്താകും പ്രദേശത്തിൻ്റെ വികസന പ്രവർത്തനങ്ങൾ നടപ്പാക്കുകയെന്നും അദ്ദേഹം കൂട്ടിച്ചേർത്തു.

ലൈംഗിക താത്‌പര്യമില്ലാതെ കുട്ടിയുടെ കവിളിൽ തലോടുന്നത് പോക്സോ കേസല്ല; ബോംബെ കോടതി

രാജ്യത്തിന് പുതിയ ദിശ നൽകിയ നേതാവാണ് പ്രധാനമന്ത്രി നരേന്ദ്ര മോദിയെന്ന് യോഗി ആദ്യത്യനാഥ് പറഞ്ഞു. അതിനാൽ തന്നെ ഏറെ കാലമായി അവഗണിക്കപ്പെട്ട അവസ്ഥയിലായിരുന്ന സ്ഥലങ്ങൾ ഇപ്പോൾ പുനരുജ്ജിവിക്കപ്പെടുന്നുണ്ടെന്നും അദ്ദേഹം വ്യക്തമാക്കി. കാബിനറ്റ് മന്ത്രിമാരായ ലക്ഷ്മി നരേൻ ചൗധരി, ശ്രീകാന്ത് ശർമ്മ എന്നിവരും ചടങ്ങിൽ പങ്കെടുത്തു.

പേരുമാറ്റൽ നീക്കവുമായി യോഗി സർക്കാർ കഴിഞ്ഞ ദിവസം വീണ്ടും രംഗത്തുവന്നിരുന്നു. സുൽത്താൻ പുർ നഗരത്തിൻ്റെ പേരു മാറ്റി കുശ് ഭവൻപുർ എന്നാക്കാനാണ് യുപി സർക്കാരിൻ്റെ നീക്കം. പുരാണത്തിൽ രാമൻ്റെ പുത്രൻ്റെ പേരാണ് കുശൻ എന്ന പ്രത്യേകതയുമുണ്ട്. പേരുമാറ്റ സംബന്ധിച്ച് വിശദമായ നിർദേശം സംസ്ഥാന സർക്കാരിന് കൈമാറിയെന്നും മന്ത്രിസഭ അംഗീകാരത്തിനായി കാത്തിരിക്കുകയാണെന്നും റവന്യൂ വകുപ്പിലെ മുതിർന്ന ഉദ്യോഗസ്ഥൻ പറഞ്ഞു. നേരത്തേ, ഫൈസാബാദിനെ അയോദ്ധ്യയെന്നും അലഹാബാദിനെ പ്രയാഗ്രാജെന്നും മാറ്റിയിരുന്നു.

വാക്സിനും ‘തടുക്കാനാവില്ല’; കൊറോണയുടെ അപകടകരമായ വകഭേദം, സി.1.2 ഏഴ് രാജ്യങ്ങളിൽ സ്ഥിരീകരിച്ചു

നിയമസഭാ തെരഞ്ഞെടുപ്പ് നടക്കാനിരിക്കെ വോട്ട് ബാങ്ക് ശക്തിപ്പെടുത്താനുള്ള നീക്കത്തിലാണ് യോഗി സർക്കാർ. കൊവിഡ് വ്യാപനം നിയന്ത്രിക്കാൻ സർക്കാരിനായില്ലെന്ന് സംസ്ഥാന ബിജെപിയിൽ നിന്നും വിമർശനം ഉയർന്നിരുന്നു. ആരോപണം ശക്തമായതോടെ യോഗി ഡൽഹിയിലെത്തി പ്രധാനമന്ത്രി മോദിയെ കണ്ടിരുന്നു. ആരോപണങ്ങൾ തള്ളിയ പ്രധാനമന്ത്രി കൊവിഡ് മഹാമാരി കൈകാര്യം ചെയ്യുന്നതിൽ യോഗിക്ക് മുഴുവൻ മാർക്കും നൽകുകയും ചെയ്തു. യുപിയുടെ വികസനത്തിന് അത്യസാധാരണമാം വിധം മഹാമാരി കൈകാര്യം ചെയ്തതിൽ യോഗി നടത്തിയ ഇടപെടലുകളെ മോദി വാനോളം പുകഴ്ത്തിയിരുന്നു. യുപി മുഖ്യമന്ത്രി യോഗി ആദിത്യനാഥിനെ കൊവിഡ് സാഹചര്യം കൈകാര്യം ചെയ്തതിൽ പരാജയപ്പെട്ടെന്ന ആരോപണം ശക്തമായി തുടരുന്നതിനിടെയാണ് കൂടിക്കാഴ്ച നടന്നത്.