നാട്ടിലേക്കു പോകുന്ന പ്രവാസികള്‍ ഉള്‍പ്പെടെയുള്ളവര്‍ക്ക് വലിയ ആശ്വാസമാകുന്ന നടപടിയായാണ് ഇപ്പോള്‍ പുറത്തുവന്നിരിക്കുന്നത്.
അധിക നിരക്ക് ഈടാക്കരുതെന്ന് നിര്‍ദ്ദേശം
നിലവില്‍ 60 മുതല്‍ 150 ദിര്‍ഹം വരെയാണ് പരിശോധനയ്ക്ക് വിവിധ സ്ഥാപനങ്ങള്‍ ഈടാക്കുന്നത്. പരിശോധനാ ഫലം വേഗത്തില്‍ ലഭ്യമാക്കാന്‍ കൂടുതല്‍ നിരക്ക് ഈടാക്കുന്ന രീതിയിലും ചിലയിടങ്ങളില്‍ നിലവിലുണ്ട്. ഇത് അനുവദിക്കില്ലെന്നും എല്ലാ സ്ഥാപനങ്ങളും ഒരേ നിരക്ക് മാത്രമേ ഈടാക്കാവൂ എന്നും അധികൃതര്‍ അറിയിച്ചു. നാട്ടിലേക്കു പോകുന്ന പ്രവാസികള്‍ ഉള്‍പ്പെടെയുള്ളവര്‍ക്ക് വലിയ ആശ്വാസമാകുന്ന നടപടിയായാണ് ഇത് വിലയിരുത്തപ്പെടുന്നത്.
വിദ്യാര്‍ഥികള്‍ക്ക് സിഹ കേന്ദ്രങ്ങളില്‍ ടെസ്റ്റ് സൗജന്യം
അതേസമയം, യുഎഇയിലെ വിദ്യാര്‍ഥികള്‍ക്ക് പിസിആര്‍ പരിശോധന സൗജന്യമാണെന്നും ആരോഗ്യ മന്ത്രാലയം അറിയിച്ചു. വാക്‌സിന്‍ എടുത്തിട്ടില്ലാത്ത വിദ്യാര്‍ഥികള്‍ നിശ്ചിത ഇടവേളകളില്‍ പിസിആര്‍ പരിശോധന നടത്തി കൊവിഡ് നെഗറ്റീവ് ആണെന്ന് ഉറപ്പുവരുത്തണമെന്ന് നേരത്തേ വിദ്യാഭ്യാസ മന്ത്രാലയം നിര്‍ദ്ദേശം നല്‍കിയിരുന്നു. വിദ്യാര്‍ഥികള്‍ക്ക് മുന്‍കൂട്ടി അപ്പോയിന്റ്‌മെന്റ് എടുക്കാതെ തന്നെ അബുദാബി ഹെല്‍ത്ത് സര്‍വീസസ് കമ്പനി അഥവാ സിഹയുടെ തെരഞ്ഞെടുക്കപ്പെട്ട കേന്ദ്രങ്ങളില്‍ ചെന്ന് സൗജന്യ പരിശോധന നടത്താം. ശനി മുതല്‍ വ്യാഴം വരെയുള്ള ദിവസങ്ങളില്‍ രാവിലെ എട്ടു മണി മുതല്‍ രാത്രി എട്ടു മണി വരെയാണ് പരിശോധാ സമയം. വെള്ളിയാഴ്ച രാവിലെ 10 മണി മുതല്‍ രാത്രി എട്ട് മണി വരെയും സേവനം ലഭിക്കും.
വിദ്യാര്‍ഥികള്‍ക്ക് സൗജന്യ ടെസ്റ്റ് നടത്താവുന്ന സിഹ കേന്ദ്രങ്ങള്‍:
അബുദാബി: സായിദ് സ്പോര്‍ട്സ് സിറ്റി, അല്‍ ബഹിയ, റബ്ദാന്‍, അല്‍ ഷംക, അല്‍ മന്‍ഹല്‍.
അല്‍ഐന്‍: അഷാറജ്, അല്‍ സറൂജ്, അല്‍ ഹിലി, അല്‍ അമീറ.
അല്‍ ദഫ്റ: മദീനത്ത് സായിദ്, അല്‍ മിര്‍ഫ, ലിവ, അല്‍ സില, ദല്‍മ, ഗയാത്തി.
ദുബായ്: അല്‍ ഖവാനീജ്, മിനാ റാഷിദ്, സിറ്റി വാക്.
ഷാര്‍ജ, അജ്മാന്‍, ഉമ്മുല്‍ഖുവൈന്‍, റാസല്‍ഖൈമ എന്നിവിടങ്ങളിലെ നാഷനല്‍ സ്‌ക്രീനിംഗ് സെന്ററുകളിലും സൗജന്യ പരിശോധനാ സൗകര്യം ലഭ്യമാണ്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : uae announces lower price for pcr tests across all emirates
Malayalam News from malayalam.samayam.com, TIL Network
