കേന്ദ്ര കായിക മന്ത്രിയുടെ പിഴയ്ക്കാത്ത സ്കിപ്പിംഗ് കഴിവുകൾ കഴിഞ്ഞ ദിവസം നടന്ന ഫിറ്റ് ഇന്ത്യ ആപ്പ് പുറത്തിറക്കുന്ന ചടങ്ങിൽ നാമെല്ലാം കണ്ടതാണ്. എന്തുകൊണ്ടാണ് ഫിറ്റ്നസ് പ്രേമികൾക്കിടയിൽ സ്കിപ്പിംഗ് ഇത്ര പ്രാധാന്യം അർഹിക്കുന്നത്?
സ്കിപ്പിംഗ് ചെയ്യുന്നതിന്റെ ഗുണങ്ങൾ
ഹൈലൈറ്റ്:
- അധിക കലോറി എരിച്ച് കളറിയാൻ സഹായിക്കുന്ന മികച്ച വ്യായാമം
- സ്കിപ്പിംഗ് ചെയ്യുന്നതിന്റെ മറ്റ് ഗുണങ്ങളും ചെയ്യുമ്പോൾ ശ്രദ്ധിക്കേണ്ട ചില കാര്യങ്ങളും
സ്കിപ്പിംഗ് ചെയ്യുന്നതിന്റെ പ്രാധാന്യം
ഫിറ്റ്നസിൻ്റെ കാര്യത്തിൽ സ്കിപ്പിംഗ് എന്ന വ്യായാമം എത്ര പ്രധാനപ്പെട്ടതാണെന്ന് അദ്ദേഹം ചൂണ്ടിക്കാട്ടുകയുണ്ടായി. ഒരോ ദിവസവും വെറും അരമണിക്കൂർ ഇത് ചെയ്യുന്നത് ആരോഗ്യത്തിന് ഏറ്റവും നല്ലതാണ് എന്ന് അദ്ദേഹം പറയുന്നു. കൊറോണ ദിനങ്ങൾ കാരണം ജിമ്മിൽ പോയി വർക്കൗട്ടുകൾ ചെയ്യാൻ കഴിയുന്നില്ല എന്ന പരാതിയാണ് പലർക്കും പറയാനുള്ളത്. ജിമ്മിൽ പോയില്ലെങ്കിൽ വീട്ടിൽ തന്നെയിരുന്ന് കുറച്ചു വ്യായാമമെങ്കിലും ചെയ്യാൻ പറഞ്ഞാൽ ഭൂരിഭാഗം പേർക്കും ഇതിന് മടിയാണ്. മറ്റു വ്യായാമങ്ങളെ പോലെ അല്ലെങ്കിലും വളരെ എളുപ്പത്തിലും വളരെ സൗകര്യപ്രദമായി ഏതൊരാൾക്കും വീട്ടിൽ തന്നെ ചെയ്യാൻ കഴിയുന്ന ഹോം വ്യായാമങ്ങളിലൊന്നാണ് സ്കിപ്പിങ്ങ്. ഒരു മികച്ച കാർഡിയോ, എയറോബിക് വ്യായാമമായ ഇത് നിങ്ങളുടെ കാലുകളെ ടോൺ ചെയ്യാനും നിങ്ങളുടെ കോർ ബലം ശക്തിപ്പെടുത്താനും നിങ്ങളുടെ ശ്വാസകോശ ശേഷി മെച്ചപ്പെടുത്താനുമെല്ലാം സഹായം ചെയ്യുന്നു. സ്കിപ്പിങ് മാത്രം ചെയ്തതുകൊണ്ട് നിങ്ങളുടെ ശരീരഭാരം കുറയ്ക്കുക സാധ്യമല്ല. എന്നാൽ ഇത് ഇക്കാര്യത്തിൽ നിങ്ങൾക്ക് മറ്റ് നിരവധി ഗുണങ്ങളെ നൽകും. നിങ്ങളുടെ ഉപാപചയ പ്രവർത്തനത്തെ ഉത്തേജിപ്പിക്കുകയും ശരീര ഭാരം കുറയ്ക്കുന്നതിന് സഹായം ചെയ്യുകയും ചെയ്യുമിത്.
സ്കിപ്പിങ് ചെയ്യുമ്പോൾ എത്ര കലോറി എരിയുന്നു?
അതിശയകരമെന്നു പറയട്ടെ, സ്കിപ്പിങ് ചെയ്യുമ്പോൾ നമ്മുടെ ശരീരത്തിൽ നിന്ന് ഒരു മിനിറ്റിനുള്ളിൽ കുറഞ്ഞത് 10 കലോറി വരെ കത്തിച്ചുകളയുകയും നിങ്ങളുടെ കാലുകൾ, ഇടുപ്പ്, തോളുകൾ, വയറ്, കൈകൾ എന്നിവ ശക്തിപ്പെടുത്തുകയും ചെയ്യും. പ്രതിദിനം നമ്മൾ ചെയ്യുന്ന ശരാശരി 10 മിനിറ്റ് സെഷനുകളിൽ നിങ്ങൾക്ക് 200 കലോറി വരെ എരിച്ചു കളയാൻ കഴിയും. യഥാർത്ഥത്തിൽ വേഗത്തിലുള്ള നടത്തം, ഓട്ടം എന്നിവയെക്കാൾ കൂടുതൽ ഫലം ചെയ്യുന്നതാണ് സ്കിപ്പിംഗ് വ്യായാമം.
ഉണ്ണിമുകുന്ദന്റെ വർക്കൗട്ട് വീഡിയോ കണ്ടോ? കാലുകൾ ബലമുള്ളതാക്കാൻ നിങ്ങൾക്കും ചെയ്യാം ചില വ്യായാമങ്ങൾ
സ്കിപ്പിംഗ് ചെയ്യുന്നതിൻ്റെ പ്രയോജനങ്ങൾ
ശരീരഭാരം കുറയ്ക്കുന്നത് മുതൽ ക്യാൻസർ സാധ്യത കുറയ്ക്കുന്നതു വരെയുള്ള നിരവധി ഗുണങ്ങൾ സ്കിപ്പിങ്ങിനുണ്ട്. സ്കിപ്പിംഗ് ഒരു മികച്ച കലോറി ബർണറാണ്.
1: ഹൃദയത്തിന്റെ ആരോഗ്യം മെച്ചപ്പെടുത്തുന്നു
ഹൃദയമിടിപ്പ് വർദ്ധിപ്പിക്കുന്നതിനാൽ സ്കിപ്പിംഗ് ഒരു മികച്ച കാർഡിയോ വ്യായാമമാക്കി കണക്കാക്കപ്പെടുന്നു. ഇത് ഹൃദയാരോഗ്യത്തെ മെച്ചപ്പെടുത്തുന്നു. ഇത് ഹൃദ്രോഗം, ഹൃദയാഘാതം എന്നിവയുടെ സാധ്യത ഗണ്യമായി കുറയ്ക്കും.
2: ഏകാഗ്രതയും ഏകോപനവും വർദ്ധിപ്പിക്കുന്നു
ഓരോ കാർഡിയോ വ്യായാമവും നിങ്ങളുടെ ലക്ഷ്യത്തിൽ ശ്രദ്ധ കേന്ദ്രീകരിക്കാൻ സഹായം ചെയ്യുന്നതാണ്. അതിൽ പ്രധാനമാണ് സ്കിപ്പിങ് വ്യായാമവും. അതുകൊണ്ടുതന്നെ നിങ്ങളുടെ ശരീരത്തെ ശാന്തമാക്കാനും ഏകാഗ്രത വർദ്ധിപ്പിക്കാനും കഴിയും. നിരന്തരം പതിവായി സ്കിപ്പിങ് ചെയ്യുന്നത് വഴി നിങ്ങളുടെ ഏകോപനവും സഹിഷ്ണുതയും മെച്ചപ്പെടുകയും ചെയ്യും.
3. ശാരീരിക ക്ഷമത വർദ്ധിപ്പിക്കുകയും ക്ഷീണം അകറ്റുകയും ചെയ്യുന്നു
തുടർച്ചയായി സ്കിപ്പിംഗ് വ്യായാമം ചെയ്യുന്നതിലൂടെ നിങ്ങളുടെ തളർച്ചയും ക്ഷീണവും ഒക്കെ ഒഴിവാക്കാൻ സഹായിക്കും. നിങ്ങളുടെ സ്റ്റാമിന മെച്ചപ്പെടുത്താൻ ഇത് നല്ലതാണ്. കൂടുതൽ തവണ നിങ്ങൾ സ്കിപ്പിങ് ചെയ്യുമ്പോൾ നിങ്ങളുടെ സ്റ്റാമിന കൂടുതൽ വർദ്ധിക്കും എന്നാണ് പറയുക. സ്ഥിരമായി സ്കിപ്പിംഗ് പ്രാക്ടീസ് ചെയ്യുന്നത് ക്ഷീണവും തളർച്ചയും ഒക്കെ ശരീരത്തിൽ നിന്ന് അകറ്റിനിർത്താൻ സഹായിക്കും.
4. ശരീരത്തിന്റെ വഴക്കം വർദ്ധിപ്പിക്കുന്നു
സ്കിപ്പിങ്ങ് നിങ്ങളുടെ ശരീരത്തെ ശാന്തവും വഴക്കമുള്ളതുമാക്കി തീർക്കുന്നു. പേശികൾക്ക് ബലവും ശക്തിയും നൽകി അവയെ വിശ്രമിക്കാൻ അനുവദിക്കുകയും ചെയ്യുന്നു ഇത്. അതുകൊണ്ടാണ് തന്നെയാണ് ബോക്സിങ് അടക്കമുള്ള അത്ലറ്റിക്ക് വർക്കൗട്ട് സെഷനുകളിൽ ഇത് പ്രധാനമായും ഉൾപ്പെടുത്തിയിരിക്കുന്നത്.
5: ശ്വാസകോശ പ്രവർത്തനം മെച്ചപ്പെടുത്തും
സ്കിപ്പിംഗ് ചെയ്യുന്നത് നിങ്ങളുടെ ശ്വാസകോശത്തിലേക്ക് രക്തചംക്രമണവും ശ്വസനവും മെച്ചപ്പെടുത്തുന്നതിന് സഹായകമാണ്. ഓരോ തവണയും കൂടുതൽ തീവ്രതയോടെ ഇത് ചെയ്യുന്നതു വഴി കൂടുതൽ ശ്വാസം എടുക്കേണ്ടി വരികയും ഇത് ആത്യന്തികമായി നിങ്ങളുടെ ശ്വാസകോശത്തിൻ്റെ ശേഷി വർദ്ധിപ്പിക്കുകയും ചെയ്യുന്നു.
6: മാനസികാരോഗ്യം വർദ്ധിപ്പിക്കുന്നു
മിതമായ തീവ്രതയിൽ പതിവായി സ്കിപ്പിങ് ചെയ്യുന്നത് ഉത്കണ്ഠയും വിഷാദവും അടക്കമുള്ള ലക്ഷങ്ങളെ ഫലപ്രദമായി കുറയ്ക്കും എന്ന് ഗവേഷണങ്ങൾ പറയുന്നു. ഈ വ്യായാമം നിങ്ങളുടെ ശരീരത്തിലേക്കും തലച്ചോറിലേക്കും ഉള്ള രക്തചംക്രമണം വർദ്ധിപ്പിക്കും. ഇത് മാനസികാരോഗ്യം മെച്ചപ്പെടുത്താനും വിഷാദത്തിനെതിരെ പ്രവർത്തിക്കാനും ഏറ്റവും നല്ലതാണ്
7: വയറിലെ കൊഴുപ്പ് കുറയ്ക്കുന്നു
വയറിലെ കൊഴുപ്പ് അമിത വണ്ണത്തിലെ ഒരു പ്രധാന തടസ്സമാണ്. സ്കിപ്പിംഗ് ചെയ്യുന്നത് ഈയൊരു പ്രശ്നത്തിനുള്ള മികച്ച പരിഹാരമായി പ്രവർത്തിക്കും. ഉയർന്ന തീവ്രതയുള്ള ഇടവേള പരിശീലനങ്ങൾ (HIIT) വ്യായാമങ്ങൾ ഭക്ഷണം നിയന്ത്രണങ്ങളോടൊപ്പം ദിനചര്യയിൽ ഉൾപ്പെടുത്തിയാൽ വയറിലെ കൊഴുപ്പ് കുറയ്ക്കാനും നിങ്ങളുടെ വയറിലെ പേശികളെ ശക്തിപ്പെടുത്താനും സഹായം ചെയ്യും.
8: നിങ്ങളുടെ അസ്ഥികളെ ശക്തിപ്പെടുത്തും
സ്കിപ്പിംഗ് ചെയ്യുന്നത് നിങ്ങളുടെ എല്ലുകൾക്ക് ബലം നൽകുകയും അസ്ഥികളുടെ സാന്ദ്രത വർദ്ധിപ്പിക്കുകയും ചെയ്യും. ഇത് ഓസ്റ്റിയോപൊറോസിസ് രോഗസാധ്യത കുറയ്ക്കും എന്ന് പറയപ്പെടുന്നു.
9: ചർമ്മസ്‌ഥിതി മെച്ചപ്പെടുത്താൻ
വ്യായാമത്തിലൂടെ ഒരാളുടെ ചർമത്തിന് കൂടുതൽ ആകർഷണീയതയും തിളക്കവും ലഭിക്കും. സ്കിപ്പിംഗ് പോലുള്ള വ്യായാമങ്ങൾ എപ്പോഴും ആരോഗ്യമുള്ളതും തിളങ്ങുന്നതുമായ ചർമ്മം നൽകും.
ഫിറ്റ്നസ് സ്വന്തമാക്കാൻ ആദ്യം ഒഴിവാക്കണം ഈ ശീലങ്ങൾ
ശരീരഭാരം കുറയ്ക്കാൻ സ്കിപ്പിംഗ് നൽകും പ്രയോജനങ്ങൾ
ശരീരഭാരം കുറയ്ക്കാൻ നിരവധി മാർഗങ്ങളുണ്ട്, സ്കിപ്പിംഗ് അതിനുള്ള ഫലപ്രദമായ മാർഗ്ഗങ്ങളിലൊന്നാണ്. എന്നിരുന്നാലും, തന്നെയും ശരീരഭാരം കുറയ്ക്കാനായി സ്കിപ്പിംഗ് മാത്രം ആശ്രയിച്ചാൽ പോരാ. ഇതിന് ആസൂത്രിതമായ ഭക്ഷണക്രമം, ശരീരഭാരം കുറയ്ക്കൽ ലക്ഷ്യങ്ങൾ, പ്രതിബദ്ധത, ഉയർന്ന പ്രവർത്തന നില എന്നിവ ആവശ്യമാണ്. വ്യായാമം ആരംഭിക്കുന്നതിന് മുമ്പ് പ്രായം, മുൻകാല രോഗങ്ങൾ/ ശസ്ത്രക്രിയകൾ പോലുള്ള മറ്റ് ചില ഘടകങ്ങളും നിങ്ങൾ പരിഗണിക്കേണ്ടതുണ്ട്, കാരണം ഇത് നിങ്ങളുടെ ശരീരഭാരം കുറയ്ക്കുന്നതിനെ ബാധിക്കുന്ന ഘടകങ്ങളാണ്.
ശരീരഭാരം കുറയ്ക്കുന്നതിൽ സ്കിപ്പിംഗിൻ്റെ ഫലപ്രാപ്തി
സ്കിപ്പിംഗ് നിങ്ങളുടെ ശരീരത്തിലെ എല്ലാ പേശികളെയും സജീവമാക്കുന്നു. നിങ്ങൾ എത്രത്തോളം വർക്കൗട്ട് ചെയ്യുന്നുവോ അത്രയും കലോറി ഊർജ്ജം കുറയുന്നു. ഒരു തുടക്കക്കാരനെന്ന നിലയിൽ, നിങ്ങൾക്ക് കുറഞ്ഞ തീവ്രതയിൽ നിശ്ചിത കൗണ്ടിൽ ഇത് ചെയ്യാൻ ആരംഭിക്കാം. കൂടുതൽ തവണ ചെയ്യുന്തോറും നിങ്ങൾക്ക് നിയന്ത്രണവും ഏകോപനവും ലഭിക്കും. തുടർന്ന് നിങ്ങൾക്ക് ആവശ്യമുള്ളത്ര തീവ്രത വർദ്ധിപ്പിക്കാൻ കഴിയും. നിങ്ങൾക്ക് ഇഷ്ടമുള്ള ഏത് സമയത്തും ചെയ്യാൻ കഴിയുന്നതാണ് സ്കിപ്പിംഗ്. ഇത് ചെയ്യുന്നതിനായി വിലകൂടിയ ഉപകരണങ്ങളൊന്നും ആവശ്യമില്ല. ശരിയായ ഭക്ഷണക്രമത്തിൽ സമീകൃതാഹാരത്തിൻ്റെ സഹായത്തോടെ ഇത് ചെയ്യുന്നത് നിങ്ങളുടെ ശരീരഭാരം ഫലപ്രദമായി കുറയ്ക്കും.
സ്കിപ്പിങ്ങ് ചെയ്യുമ്പോൾ വേണ്ട ചില മുൻകരുതലുകൾ
>
സ്കിപ്പിംഗ് ചെയ്യുന്നതിന് മുമ്പ് കുറഞ്ഞത് 10 മിനിറ്റെങ്കിലും വാമപ്പ് വ്യായാമങ്ങൾ ചെയ്യുക.
>
പരിക്ക് ഒഴിവാക്കാനായി ഈർപ്പം ആഗിരണം ചെയ്യുന്ന സോക്സ് ധരിക്കുക.
>
വ്യായാമത്തിന് മുമ്പും ശേഷവും ഇലക്ട്രോലൈറ്റ് ദ്രാവകങ്ങൾ കുടിക്കുക.
>
സ്ത്രീകൾ സ്കിപ്പിംഗ് ചെയ്യുമ്പോൾ വ്യായാമ സമയത്ത് സ്തനങ്ങളെ പിന്തുണയ്ക്കാനായി ഒരു സ്പോർട്സ് ബ്രാ ധരിക്കുക
>
നിങ്ങൾ ദിവസവും 30 മിനിറ്റ് മുതൽ ഒരു മണിക്കൂർ വരെ സ്കിപ്പിംഗ് ചെയ്യുകയാണെങ്കിൽ നിങ്ങൾക്ക് ഏകദേശം 200-300 കലോറി വരെ നഷ്ടപ്പെടുത്താൻ കഴിയും. എന്നാൽ തുടക്കക്കാർക്ക് ഇത് 30 മിനിറ്റ് നേരത്തേക്ക് ചെയ്യാൻ കഴിയില്ല, നിങ്ങളുടെ ദൈർഘ്യം വർദ്ധിപ്പിക്കാൻ നിങ്ങൾക്ക് കുറച്ച് സമയം ആവശ്യമായി വന്നേക്കാം
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : 9 surprising health benefits of skipping rope
Malayalam News from malayalam.samayam.com, TIL Network
