മൂ​ന്നു​ ദി​വ​സ​ത്തെ ഔ​ദ്യോ​ഗി​ക സ​ന്ദ​ർ​ശ​ന​ത്തി​ന്​ ഇ​ന്ത്യ​ൻ വി​ദേ​ശ​കാ​ര്യ സ​ഹ​മ​ന്ത്രി വി ​മു​ര​ളീ​ധ​ര​ൻ ബ​ഹ്​​റൈ​നി​ൽ

ബഹ്റൈൻ: മൂന്ന് ദിവസത്തെ ഔദ്യോഗിക സന്ദർശനത്തിന് ഇന്ത്യൻ വിദേശകാര്യ സഹമന്ത്രി വി. മുരളീധരൻ ബഹ്റെെനില്‍ എത്തി. ബഹ്റൈൻ വിദേശകാര്യ മന്ത്രാലയത്തിലെ കോൺസുലാർ, അഡ്മിനിസ്ട്രേറ്റിവ് കാര്യങ്ങൾക്കുള്ള അണ്ടർ സെക്രട്ടറി തൗഫീഖ് അഹ്മദ് അൽ മൻസൂർ എന്നിവര്‍ ചേര്‍ന്നാണ് വി. മുരളീധരനെ സ്വീകരിച്ചത്. ബഹ്റെെനും ഇന്ത്യയും തമ്മിലുള്ള സഹകരണം ശക്തിപ്പെടുത്തുന്നതിന്‍റെ ഭാഗമായാണ് ഇന്ത്യൻ വിദേശകാര്യ സഹമന്ത്രി വി. മുരളീധരൻ ബഹ്റൈനില്‍ എത്തിയിട്ടുള്ളത്.



വിദേശകാര്യ സഹമന്ത്രി വി. മുരളീധരന്‍റെ സന്ദര്‍ശനത്തെ വലിയ പ്രതീക്ഷയോടെയാണ് പ്രവാസികള്‍ നോക്കുന്നത്. യാത്ര പ്രശ്നം. കൊവിഡ് പ്രതിസന്ധി തുടങ്ങിയ നിരവധി വിഷയങ്ങളില്‍ കേന്ദ്ര സര്‍ക്കാര്‍ ഇടപെടും എന്നാണ് പ്രവാസികളുടെ പ്രതീക്ഷ. എയർ ബബ്ൾ പ്രകാരമുള്ള വിമാന സർവിസ് വർധിപ്പിക്കണമെന്ന ആവശ്യത്തിന് പരിഹാരം ആയിട്ടുണ്ട്. സെപ്റ്റംബർ 15 മുതൽ പ്രതിദിന സർവിസ് ഒന്നിൽ നിന്ന് രണ്ടായി ഉയർത്താനാണ് തീരുമാനം. എന്നാല്‍ കേരളത്തില്‍ നിന്നും വിമാന സര്‍വീസ് ഇല്ലാത്തത് പ്രവാസി മലയാളികൾക്ക് തിരിച്ചടിയായിട്ടുണ്ട്. ഇക്കാര്യത്തിന് പരിഹാരം കണ്ടെത്തണം.

Also Read: ഡ​ൽ​ഹി-​മ​സ്​​ക​ത്ത്​ നി​ര​ക്ക്​ 500 റി​യാല്‍; ഒമാനിലേക്ക്​ ബജറ്റ് വിമാന സർവിസിന് അ​നു​വാ​ദം ന​ൽ​ക​ണ​മെന്ന ആവശ്യം ഉയരുന്നു

കൂടാതെ വിദേശത്ത് നിന്ന് കൊവിഡ് ബാധിച്ച് മരിച്ചവരുടെ കുടുംബങ്ങളെ കേന്ദ്ര സര്‍ക്കാറിന്‍റെ സഹായ പദ്ധതിയില്‍ ഉള്‍പ്പെടുത്തണം എന്ന ആവശ്യവും പ്രവാസികള്‍ മുന്നോട്ടുവെക്കുന്നുണ്ട്. ഇക്കാര്യത്തിലും മന്ത്രിയുടെ ഇടപെടൽ ഉണ്ടാകണം. ആവശ്യത്തിന് രേഖകള്‍ ഇല്ലാതെ ബ ഹ്റൈനിൽ കഴിയുന്ന നിരവധി പ്രവാസികളുണ്ട്. ഇവര്‍ക്ക് കൊവിഡ് വാക്സിന്‍ ലഭ്യമാക്കാൻ ഇന്ത്യൻ എംബസി നടപടിയെടുത്തിരുന്നു. ഇത്തരം ആളുകള്‍ക്ക് മതിയായ രേഖകള്‍ ശരിയാക്കാനുള്ള സൗകര്യം ചെയ്തു കൊടുക്കണം എന്നതാണ് മറ്റൊരു ആവശ്യം.

വിദേശകാര്യ സഹമന്ത്രി എന്ന നിലയിലുള്ള വി. മുരളീധരന്‍റെ ആദ്യ സന്ദര്‍ശനമാണിത്. ബഹ്റൈനിലെ മന്ത്രിമാർ, മുതിർന്ന ഉദ്യോഗസ്ഥർ എന്നിവരുമായി അദ്ദേഹം കൂടിക്കാഴ്ച നടത്തും. വിദ്യാഭ്യാസം, ബിസിനസ്, സാമൂഹിക സേവനം, ആരോഗ്യം തുടങ്ങിയ മേഖലയില്‍ പ്രവര്‍ത്തിക്കുന്ന ഇന്ത്യക്കാരുമായി കൂടിക്കാഴ്ച നടത്തും. ബഹ്റൈനും ഇന്ത്യയും തമ്മിൽ ശക്തമായ രാഷ്ട്രീയ, സാമ്പത്തിക, സാംസ്കാരിക ബന്ധമാണ് നിലനിൽക്കുന്നത്. കൊവിഡ് കാലത്ത് രണ്ട് രാജ്യങ്ങളും കൂടി സഹകരിച്ച് പ്രവര്‍ത്തിച്ചു. ഇനിയും കൂടുതല്‍ സഹകരണം ആണ് ഇന്ത്യ ലക്ഷ്യം വെക്കുന്നത്. കഴിഞ്ഞ വർഷം നവംബറിൽ ഇന്ത്യൻ വിദേശകാര്യ മന്ത്രി എസ്. ജയശങ്കർ ബഹ്റൈൻ സന്ദർശിച്ചിരുന്നു. നിരവധി വിഷയങ്ങളില്‍ രണ്ട് രാജ്യങ്ങളും ധാരണയിലെത്തി. ഇന്ത്യ-ബഹ്റൈൻ മൂന്നാമത് ഹൈ ജോയൻറ് കമീഷൻ യോഗത്തിൽ പങ്കെടുക്കാനായിരുന്നു അന്ന് വിദേശകാര്യ മന്ത്രി എസ്. ജയശങ്കർ ബഹ്റൈനില്‍ എത്തിയിരുന്നത്.

അതേസമയം, കൊവിഡ് മാനദണ്ഡങ്ങൾ പാലിച്ച് രാജ്യത്തെ മുഴുവൻ വിദ്യാഭ്യാസ സ്ഥാപനങ്ങളും തുറക്കാന്‍ ബഹ്റൈന്‍ മന്ത്രിസഭ യോഗം തീരുമാനിച്ചു. സ്കൂൾ തുറക്കുന്നതുമായി ബന്ധപ്പെട്ട് സ്ക്കൂളില്‍ ഒരുക്കിയിട്ടുള്ള എല്ലാ കര്യങ്ങളും വിദ്യാഭ്യാസ മന്ത്രി സഭയില്‍ വിശദീകരിച്ചു. ണ്ട് ഡോസ് വാക്സിന്‍ സ്വകീരിച്ചവര്‍ 40 വയസ്സിന് മുകളിലുള്ളവര്‍ ആണെങ്കില്‍ അവര്‍ക്ക് ബൂസ്റ്റർ ഡോസ് സ്വീകരിക്കാന്‍ മുന്നോട്ടുവന്നതിനെ മന്ത്രിസഭ അഭിനന്ദിച്ചു. ഇനിയും പ്രതിരോധ പ്രവർത്തനങ്ങളിൽ ജനങ്ങളുടെ സഹകരണം അത്യാവശ്യമാണെന്ന് യോഗം വിലയിരുത്തി