തെലങ്കാനയില്‍ മിന്നല്‍പ്രളയം; നവവധു ഉള്‍പ്പെടെ 7 പേർ മരിച്ചു; വാഹനങ്ങൾ ഒഴുകിപോയി: വീഡിയോ

ഹൈദരാബാദ്: തെലങ്കാനയിൽ കനത്ത മഴയെത്തുടർന്നുണ്ടായ മിന്നൽ പ്രളയത്തിൽ ഏഴു പേർ മരിച്ചു. നവവധു ഉൾപ്പെടെയുള്ളവർക്കാണ് ദുരന്തത്തിൽ ജീവൻ നഷ്ടപ്പെട്ടതെന്ന് ഇംഗ്ലീഷ് വാർത്താ ചാനലായ എൻഡിടിവി റിപ്പോർട്ട് ചെയ്തു. തെലങ്കാനയിലെ പല ജില്ലകളിലും കനത്ത മഴയാണ് പെയ്തത്.



വിക്രാബാദിൽ വിവാഹാനന്തര ചടങ്ങില്‍ പങ്കെടുത്തു മടങ്ങിയ നവവധു പ്രവാളിക , വരന്‍ നവാസ് റെഡ്ഡി എന്നിവരുള്‍പ്പെടെ ആറ് പേര്‍ സഞ്ചരിച്ചിരുന്ന കാര്‍ ഒഴുക്കില്‍ പെട്ടാണ് അപകടം ഉണ്ടായത്. പ്രവാളിക, ഭര്‍ത്താവിന്‍റെ സഹോദരി ശ്വേത, ശ്വേതയുടെ മകന്‍ എട്ടു വയസുള്ള ത്രിനാഥ് റെഡ്ഡി എന്നിവര്‍ ഒഴുക്കിൽപ്പെടുകയായിരുന്നു. ഇതിൽ കുട്ടിയെ ഇതുവരെ കണ്ടെത്താന്‍ കഴിഞ്ഞിട്ടില്ല.

Also Read : അവരെ കാലുവാരിയ ഒരു കോണ്‍ഗ്രസുകാരനും പാര്‍ട്ടിയിലുണ്ടാകില്ല; പിണറായിയുടെ ചെരുപ്പ് നക്കും എന്ന് പറയുന്നത് ദൗര്‍ഭാഗ്യകരം: കെ മുരളീധരൻ



വാറങ്കലിൽ പെയ്ത കനത്ത മഴയ്ക്ക് പിന്നാലെയാണ് സോഫ്റ്റ് വെയർ എൻജിനീയറുടെ മൃതദേഹം കണ്ടെത്തിയത്. ഞായറാഴ്ച രാത്രി ഓടയിൽ നിന്നാണ് ഇയാളുടെ മൃതദേഹം കണ്ടെത്തിയത്. ശിവനഗർ സ്വദേശിയായ വെരോം ക്രാന്തി കുമാറാണ് ഇതെന്ന് തിരിച്ചറിഞ്ഞിട്ടുണ്ട്. ഇയാളുടെ ലാപ്ടോപ്പും സമീപത്ത് നിന്ന് കണ്ടെത്തി.

ശങ്കരപ്പള്ളിയില്‍ നിന്ന് എഴുപതുകാരന്‍ കാറിനൊപ്പം ഒഴുകിപ്പോയതായും റിപ്പോർട്ടുണ്ട്. മറ്റൊരു സംഭവം റിപ്പോർട്ട് ചെയ്തിരിക്കുന്നത് അദിലാബാദില്‍ നിന്ന് മുപ്പതുകാരനായ ഒരു തൊഴിലാളി ഒഴുക്കിൽപ്പെട്ടതായും റിപ്പോര്‍ട്ടുണ്ട്.

Also Read : “കോൺഗ്രസ് സംഘടന തകര്‍ച്ചയ്ക്ക് കാരണം കെ സി വേണുഗോപാൽ, പാലോട് രവി കുമ്പിടി”; പുറത്താക്കലിനു പിന്നാലെ രാജി പ്രഖ്യാപിച്ച് പ്രശാന്ത്



യദാദ്രി ഭോംഗിര്‍ ജില്ലയില്‍ സ്കൂട്ടറിൽ പോവുകയായിരുന്ന രണ്ട് പെൺകുട്ടികളും ഒഴുക്കിൽപ്പെട്ടു. രാജണ്ണ- സിർസില ജില്ലയിൽ ഒഴുക്കിൽപ്പെട്ട് കുടുങ്ങിപ്പോയ സ്റ്റേറ്റ് ട്രാൻസ്പോർട്ട് ബസിൽ നിന്ന് 12 യാത്രക്കാരെ രക്ഷിച്ചു. തെലങ്കാനയിലെ വിവിധ നഗരങ്ങളിൽ കനത്ത മഴയാണ് ലഭിച്ചത്.

Also Read : ‘മുങ്ങുകയല്ല, കോൺഗ്രസ് സ്വയം മുക്കുകയാണ്’; ആ ‘കപ്പലിൽ’ ആരു നിൽക്കുമെന്ന് ഷിബു ബേബി ജോൺ



ഹൈദരാബാദ്, ആദിലാബാദ്, നിസാമാബാദ്, കരിംനഗർസ വാറങ്കൽ, ഖമാമം തുടങ്ങിയ ഇടങ്ങളിൽ അതി ശക്തമായ മഴയ്ക്ക് സാധ്യതയുണ്ടെന്ന് കാലാവസ്ഥാ വകുപ്പ് മുന്നറിയിപ്പ് പുറപ്പെടുവിച്ചിട്ടുണ്ട്. മഴയുടെയും മിന്നൽ പ്രളയത്തിന്‍റെയും പശ്ചാത്തലത്തിൽ ചീഫ് സെക്രട്ടറി പോലീസ് മേധാവിയുമായും മറ്റും ഉന്നത ഉദ്യോഗസ്ഥരുമായും യോഗം ചേർന്ന് സ്ഥിതിഗതികള്‍ വിലയിരുത്തി. ജില്ലാ കളക്ടർമാർക്കും പോലീസ് ഉദ്യോഗസ്ഥർക്കും കർശന നിർദേശം നൽകിയിട്ടുണ്ട്.