കുടുംബവഴക്ക്: ആസിഡ് ആക്രമണത്തിൽ ഭാര്യ മരിച്ചു; ഭർത്താവ് അറസ്റ്റിൽ

സേലം: കുടുംബവഴക്കിനെ തുടർന്ന് ഭർത്താവിൻ്റെ ആസിഡ് ആക്രമണത്തിൽ ഗുരുതരമായി പൊള്ളലേറ്റ് ആശുപത്രിയിൽ പ്രവേശിപ്പിച്ച സ്ത്രീ മരിച്ചു. സേലം സ്വദേശിയായ യേശുദാസാണ് ഭാര്യ രേവതിയെ (47) കൊലപ്പെടുത്തിയത്. സംഭവത്തിൽ വിശദമായ അന്വേഷണം തുടരുകയാണെന്ന് പോലീസ് പറഞ്ഞു.



പീഡിപ്പിച്ചത് പ്രായപൂർത്തിയാകാത്ത അഞ്ച് പെൺകുട്ടികളെ; ഫോണില്‍ 50 ദൃശ്യങ്ങൾ, 48കാരൻ അറസ്റ്റിൽ

ഭർത്താവ് യേശുദാസിനെതിരെ തിങ്കളാഴ്ച രേവതി സേലം ടൗൺ വുമൺ പോലീസിൽ പരാതി നൽകിയിരുന്നു. അമ്മയുമായി എത്തിയാണ് യുവതി പരാതി നൽകിയത്. പതിവായി വീട്ടിൽ ബഹളമുണ്ടാക്കുന്ന ഭർത്താവിനൊപ്പം കഴിയാൻ സാധിക്കില്ലെന്ന് വ്യക്തമാക്കിയാണ് പരാതി നൽകിയത്. പരാതിയിൽ അന്വേഷണം നടത്താൻ പോലീസ് എത്തിയതിന് പിന്നാലെയാണ് ആസിഡ് ആക്രമണം ഉണ്ടായത്.

സ്വന്തം സ്വദേശമായ നാമക്കലിലേക്ക് പോകാൻ തയ്യാറായി ബസ് സ്റ്റോപ്പിൽ കാത്ത് നിൽക്കുന്നതിനിടെ ആസിഡുമായി എത്തിയ ഭർത്താവ് യേശുദാസ് രേവതിയുടെ മുഖത്ത് ആസിഡ് ഒഴിക്കുകയായിരുന്നു. ഗുരുതരമായി പൊള്ളലേറ്റ രേവതിയെ സമീപവാസികൾ ചേർന്നാണ് ആശുപത്രിയിൽ എത്തിച്ചത്. രേവതിക്ക് 70 ശതമാനത്തിലധികം പൊള്ളലേറ്റതായി ഡോക്ടർമാർ പറഞ്ഞു. യുവതിയുടെ അമ്മയ്ക്കും പൊള്ളലേറ്റു.

ആസിഡ് ആക്രമണത്തിന് പിന്നാലെ സ്ഥലത്ത് നിന്നും രക്ഷപ്പെട്ട യേശുദാസിനെ ചൊവ്വാഴ്ച രാവിലെ പോലീസ് അറസ്റ്റ് ചെയ്തു. യുവതി നൽകിയ പോലീസ് പരാതിയാണ് ഇയാളെ പ്രകോപിച്ചതെന്നാണ് വിലയിരുത്തൽ. യേശുദാസ് – രേവതി ദമ്പതികൾക്ക് മൂന്ന് മക്കളുണ്ട്. സംഭവത്തിൽ പോലീസ് അന്വേഷണം തുടരുകയാണ്.

പ്രായപൂർത്തിയാകാത്ത പെൺകുട്ടികളെ ലൈംഗികമായി പീഡിപ്പിച്ച മധ്യവയസ്കൻ കഴിഞ്ഞ ദിവസം ചെന്നൈയിൽ അറസ്റ്റിലായിരുന്നു. ചെന്നൈ സ്വദേശിയും വ്യാപാരിയുമായ പെരുമാൾ (48) എന്നയാളാണ് അറസ്റ്റിലായത്. ഇയാൾ അഞ്ച് പെൺകുട്ടികളെ തുടർച്ചയായി ലൈംഗികമായി പീഡിപ്പിച്ചിരുന്നതായും പീഡന ദൃശ്യങ്ങൾ മൊബൈൽ ഫോണിൽ പകർത്തിയിരുന്നതായും പോലീസ് വ്യക്തമാക്കി.

കാമുകന്റെ കടം വീട്ടണം; 20കാരി സ്വന്തം വീട്ടിൽ നിന്നും ആഭരണങ്ങള്‍ മോഷ്ടിച്ചു; കേസ് കൊടുത്ത് രണ്ടാനച്ഛൻ

നിരോധിത പുകയില ഉത്പന്നങ്ങൾ വിൽക്കുന്നതിനിടെയാണ് പലചരക്ക് വ്യാപാരിയായ പെരുമാൾ പിടിയിലായത്. പുകയിലെ ഉത്പന്നങ്ങൾ വിൽക്കുന്നുണ്ടെന്ന വിവരത്തെ തുടർന്ന് ഇയാളുടെ കടയിൽ നടത്തിയ പരിശോധനയിൽ ഒരു ചാക്ക് പുകയില ഉത്പന്നങ്ങൾ കണ്ടെത്തു. പുകയിലെ ഉത്പന്നങ്ങൾ ലഭ്യമായതും വിൽപ്പന നടത്തിയതുമായി ബന്ധപ്പെട്ട കൂടുതൽ വിവരങ്ങളറിയുന്നതിനായി പോലീസ് ഇയാൾ മൊബൈൽ ഫോൺ പരിശോധിച്ചതോടെയാണ് ലൈംഗിക പീഡന ദൃശ്യങ്ങൾ കണ്ടെത്തിയത്.

കുട്ടികളുടെ നഗ്ന ദൃശ്യങ്ങളും ചിത്രങ്ങളുമായിരുന്നു ഫോൺ ഗ്യാലറിയിൽ ഉണ്ടായിരുന്നത്. ആശ്ലീല സൈറ്റുകളിൽ നിന്നോ വാട്ട്സാപ്പ് ഗ്രൂപ്പുകളിൽ നിന്നോ ദൃശ്യങ്ങൾ ഡൗൺലോഡ് ചെയ്തതാകാം എന്ന നിഗമനത്തിലായിരുന്നു പോലീസ്. എന്നാൽ എല്ലാ വീഡിയോ ദൃശ്യങ്ങളിൽ സമാനത കണ്ടെത്തിയതോടെ പോലീസ് വിശദമായ പരിശോധന നടത്തി. അമ്പതോളം വീഡിയോ ദൃശ്യങ്ങൾ ഫോണിൽ ഉണ്ടായിരുന്നു. എല്ലാ ദൃശ്യങ്ങളിലുമുള്ളത് പെരുമാൾ തന്നെയാണെന്ന് വ്യക്തമായതോടെ കസ്റ്റഡിയിലെടുത്ത് ചോദ്യം ചെയ്തതോടെയാണ് ഇയാൾ വിവരങ്ങൾ വ്യക്തമാക്കിയത്.

ഓൺലൈൻ പരിശോധനയ്ക്കിടെ പതിനഞ്ചോളം വനിതാ ഡോക്ടര്‍മാരെ നഗ്നത കാണിച്ചു; യുവാവ് അറസ്റ്റിൽ

താനുമായി ബന്ധം പുലർത്തിയിരുന്ന യുവതിയുടെ മകളെയും ഇവരുടെ സഹോദരിയുടെ മകളെയും ലൈംഗികമായി പീഡിപ്പിച്ചിട്ടുണ്ടെന്ന് പ്രതി പോലീസിനോട് പറഞ്ഞു. ഈ കുട്ടികളുമായി സൗഹൃദം പുലർത്തിയിരുന്ന മറ്റ് മൂന്ന് പെൺകുട്ടികളും പീഡിപ്പിക്കപ്പെട്ടതായി ഇയാൾ പറഞ്ഞു. സഹോദരിമാരായ യുവതികളുടെ ഒത്താശയോടെയാണ് പീഡനം നടന്നതെന്ന് പോലീസ് പറഞ്ഞു. നാല് മുതൽ 13വയസ് വരെ പ്രായമുള്ള കുട്ടികളാണ് കുട്ടികളാണ് ലൈംഗിക പീഡനത്തിന് ഇരയായതെന്ന് ഡെപ്യൂട്ടി കമ്മീഷണർ കാർത്തികേയൻ പറഞ്ഞു.