ഓൺലൈൻ പരിശോധനയ്ക്കിടെ പതിനഞ്ചോളം വനിതാ ഡോക്ടര്‍മാരെ നഗ്നത കാണിച്ചു; യുവാവ് അറസ്റ്റിൽ

ആലപ്പുഴ: ഓൺലൈൻ പരിശോധനയ്ക്കിടെ വനിതാ ഡോക്ടര്‍മാരെ നഗ്നത കാണിച്ചതിന് യുവാവ് അറസ്റ്റിൽ. സംസ്ഥാന സര്‍ക്കാരിന്റെ ടെലി മെഡിസിൻ പദ്ധതിയായ ഇ സഞ്ജീവനി പോര്‍ട്ടലിൽ നുഴഞ്ഞ് കയറിയാണ് പ്രതിയുടെ പ്രവൃത്തിയുണ്ടായത്.



Also Read : “കോൺഗ്രസ് സംഘടന തകര്‍ച്ചയ്ക്ക് കാരണം കെ സി വേണുഗോപാൽ, പാലോട് രവി കുമ്പിടി”; പുറത്താക്കലിനു പിന്നാലെ രാജി പ്രഖ്യാപിച്ച് പ്രശാന്ത്



തൃശൂർ മണലൂർ എട്ടാം വാർഡിൽ കെ ആർ സഞ്ജയ് ആണ് ആലപ്പുഴ സൈബർ ക്രൈം പൊലീസ് അറസ്റ്റ് ചെയ്തത്. 25 കാരനായ യുവാവ് വനിതാ ഡോക്ടർമാരെ അസഭ്യം പറയുകയും ഭീഷണിപ്പെടുത്തുകയും ചെയ്തതായി പരാതിയിൽ പറയുന്നു. പോലീസ് തൃശൂരിൽ നിന്നുമാണ് ഇയാളെ പിടികൂടിയത്.

കൊവിഡ് രോഗബാധിതനെന്ന വ്യാജേനയാണ് ഇയാള്‍ ഇ സഞ്ജീവനി പോര്‍ട്ടലിൽ രജിസ്റ്റര്‍ ചെയ്യുന്നത്. പിന്നീട്, ഇയാൾ ഓൺലൈനിലെത്തുന്ന ഡോക്ടർമാരെ സ്ഥിരം ശല്യപ്പെടുത്തിയതായും പൊലീസ് പറഞ്ഞു.

Also Read : രാജ്യത്ത് 30,941 രോഗബാധിതർ കൂടി, 350 മരണം; രാജ്യത്തെ രോഗമുക്തി നിരക്ക് 97.53 ശതമാനമാണ്

ഇത്തരത്തിൽ, നഗ്നത പ്രദർശനവുമായി ബന്ധപ്പെട്ട്, വിവിധ ജില്ലകളിലെ ഡോക്ടർമാരാണ് പോലീസിൽ പരാതി നൽകിയത്. ആലപ്പുഴയിൽ ലഭിച്ച പാതിയിൽ കഴിഞ്ഞ മൂന്നു ദിവസമായി നടത്തിയ അന്വേഷണത്തിന് ഒടുവിലാണ് പ്രതി അറസ്റ്റിലായത്.

ഇയാള്‍ ഇ സഞ്ജീവനി പോർട്ടലിൽ കയറാൻ ഉപയോഗിച്ച ലാപ്ടോപ്പും മൊബൈൽഫോണും പൊലീസ് പിടിച്ചെടുത്തിട്ടുണ്ട്. പരാതി നൽകിയ ഡോക്ടർ പ്രതിയെ തിരിച്ചറിയുകയും ചെയ്തു.

Also Read : കർണാടകയിൽ വിദ്യാർത്ഥികൾക്ക് ഇളവ്; ആര്‍ടിപിസിആര്‍ ഫലം നെഗറ്റീവാണെങ്കിൽ ക്വാറന്റീൻ വേണ്ട



ആലപ്പുഴയ്ക്ക് പുറമെ, തിരുവനന്തപുരം, കോഴിക്കോട് ജില്ലകളിൽ നിന്നും പ്രതിക്കെതിരെ പരാതി ലഭിച്ചതായി പൊലീസ് വ്യക്തമാക്കി. പ്രതിയെ ആലപ്പുഴ ചീഫ് ജുഡീഷ്യൽ മജിസ്ട്രേറ്റ് കോടതിയുടെ ചുമതല വഹിക്കുന്ന ചേർത്തല ഒന്നാം ക്ലാസ് മജിസ്ട്രേറ്റ് കോടതി റിമാൻഡ് ചെയ്തു.

പ്രതി കഴിഞ്ഞ ഒരാഴ്ചയ്ക്കിടെ കേരളത്തിലെ വിവിധ ജില്ലകളിലെ പതിനഞ്ചോളം വനിതാ ഡോക്ടർമാർക്ക് മുന്നിലാണ് നഗ്നത പ്രദർശനം നടത്തിയത്. വ്യാജ വിവരങ്ങൾ നൽകി പോർട്ടലിൽ പ്രവേശിക്കുന്ന ഇയാൾ വനിതാ ഡോക്ടർമാർ ഉള്ളപ്പോഴാണ് നഗ്നത പ്രദർശനം നടത്തിയത്.

Also Read : ഭാര്യ അതിഥിയോടൊപ്പം കിടക്ക പങ്കിടും, ഭർത്താവ് പുറത്തു കിടക്കും; വെള്ളമില്ലാതെ കുളിക്കുന്ന വിചിത്ര ഗോത്രം

ദുരനുഭവം നേരിട്ട ഡോക്ടർമാർ ഇ സഞ്ജീവനി സംസ്ഥാന നോഡൽ ഓഫീസർക്ക് പരാതി നൽകി. ഇതേത്തുടർന്ന്, എൻഎച്ച്എം ഡയറക്ടറും സംസ്ഥാന തലത്തിൽ പൊലീസിന് പരാതി നൽകിയിട്ടുണ്ട്.