ഭാര്യ പീഡിപ്പിക്കുന്നു! രക്ഷപ്പെടാൻ പോലീസ് സ്റ്റേഷൻ കത്തിച്ചാൽ കുഴപ്പമുണ്ടോ?

പല കാരണങ്ങളാൽ ഭാര്യയിൽ നിന്നും പീഡനം ഏറ്റു വാങ്ങേണ്ടി വന്നാൽ നിങ്ങൾ എന്ത് ചെയ്യും? ആദ്യം പരിഹരിക്കാൻ ശ്രമിക്കും. എന്നിട്ട് ശരിയായില്ലെങ്കിൽ ഒരുപക്ഷെ വിവാഹമോചനത്തെപ്പറ്റി ചിന്തിക്കും. ഏതായാലും ഗുജറാത്തിലെ രാജ്കോട്ടിലുള്ള ദേവോ ചാവ്ഡ ചെയ്തതുപോലെ ഒന്നും ഒരിക്കലും ചെയ്യരുത്. ഭാര്യയിൽ നിന്നും രക്ഷപെടാൻ ദേവോ ചാവ്ഡ ചെയ്തതെന്തെന്നോ? പോലീസ് സ്റ്റേഷന് തീ വയ്ക്കാൻ ശ്രമിച്ചു.



രാജ്കോട്ടിലെ ജാംനഗർ റോഡിലെ ബജ്‌റംഗ് വാദി പോലീസ് സ്റ്റേഷന് എത്തിവശത്താണ് ദേവോ ചാവ്ഡയും ഭാര്യയും താമസിച്ചിരുന്നത്. അടിക്കടി ഭാര്യയുമായി പിണക്കവും അടിപിടിയും സ്ഥിരമായതോടെയാണ് ഒരു ദിവസം പോലീസ് സ്റ്റേഷൻ കത്തിക്കാൻ തീരുമാനിച്ചത്. ഭാര്യയോട് പിണങ്ങിയതിന് പോലീസ് സ്റ്റേഷൻ കത്തിച്ചിട്ട് എന്ത് കാര്യം എന്ന് ചിന്തിക്കല്ലേ? പോലീസ് സ്റ്റേഷൻ കത്തിച്ചാൽ സ്വാഭാവികമായും പോലീസ് അറസ്റ്റ് ചെയ്യുമല്ലോ? അപ്പോൾ പിന്നെ ആ കുറ്റത്തിന് ജയിലിൽ പോവേണ്ടി വരും. അങ്ങനെ ഭാര്യയിൽ നിന്നും രക്ഷപ്പെടാം എന്നാണ് ദേവോ ചാവ്ഡ കണക്ക് കൂട്ടിയത്.

വ്യായാമം ചെയ്യാമോ? ആരോഗ്യമുള്ളവരാകാമോ? ഒരു മാസത്തെ ശമ്പളം ബോണസ്

പ്രതീക്ഷിച്ചതുപോലെ സർക്കാർ വസ്തുവകകൾ നശിപ്പിച്ചതിന്റെ പേരിൽ പോലീസ് ദേവോ ചാവ്ഡയെ അറസ്റ്റ് ചെയ്യുകയും ഐപിസി സെക്ഷൻ 436 പ്രകാരം കേസെടുക്കുകയും ചെയ്തതായി ന്യൂസ്18 റിപ്പോർട്ട് ചെയ്യുന്നു. പോലീസ് ഔട്ട്പോസ്റ്റ് ആണ് ഇയാൾ അഗ്നിക്കിരയാക്കാൻ ശ്രമിച്ചത്. തീ കൊളുത്തിയ ശേഷം പോലീസുകാർക്ക് പിടിക്കാൻ പാകത്തിന് മുൻപിൽ തന്നെ നിൽക്കുകയായിരുന്നു ദേവോ ചാവ്ഡ.

ക്ഷണിച്ചിട്ടും വിവാഹത്തിൽ പങ്കെടുക്കാത്തവർക്ക് 17,700 രൂപയുടെ ബില്ലയച്ച് നവവധു

“ദേവ്ജി എന്ന ദേവോ ചാവ്ദയും ഭാര്യയും കുടുംബ തർക്കങ്ങളും സാമ്പത്തിക പരിമിതികളും കാരണം കുറച്ചുകാലമായി വൻ കലഹത്തിലായിരുന്നു. ഇതേ തുടർന്നാണ് ദേവോ പോലീസ് സ്റ്റേഷൻ കത്തിക്കാൻ തീരുമാനിച്ചത്. അദ്ദേഹം പിന്നീട് തന്റെ കുറ്റം സമ്മതിച്ചു” ഗാന്ധിഗ്രാം പോലീസ് സ്റ്റേഷനിലെ ഇൻസ്പെക്ടർ ഖുമാൻ സിംഗ് വാല ന്യൂസ് 18നോട് പറഞ്ഞു.