ദുബായ് എക്‌സ്‌പോയുടെ ഭാഗമായി പുതുതായി പണിത ഈ മെട്രോറൂട്ട് 2020 ഈ മാസത്തോടെ പൂര്‍ണമായി പ്രവര്‍ത്തനക്ഷമമാവുമെന്ന് ആര്‍ടിഎ അറിയിച്ചു.
സ്റ്റേഷന്റെ വിസ്തൃതി 28700 ചതുരശ്ര മീറ്റര്‍
232 മീറ്റര്‍ ഉയരവും 28700 ചതുരശ്ര മീറ്റര്‍ വിസ്തൃതിയുമുള്ള സ്റ്റേഷന് മണിക്കൂറില്‍ 11,555 യാത്രക്കാരെ ഉള്‍ക്കൊള്ളാനുള്ള ശേഷിയുണ്ടെന്ന് ആര്‍ടിഎ അറിയിച്ചു. ദിവസം 2.5 ലക്ഷം യാത്രക്കാര്‍ ഈ സ്റ്റേഷന് വഴി കടന്നുപോവുമെന്നാണ് അധികൃതരുടെ കണക്കുകൂട്ടല്‍. രണ്ട് ട്രെയിന്‍ പ്ലാറ്റ്ഫോമുകളുള്ള സ്റ്റേഷനോട് ചേര്‍ന്ന് നാല് ബസ് സ്റ്റോപ്പുകള്‍, 20 ചെറുവാഹനങ്ങള്‍ക്ക് യാത്രക്കാരെ കയറ്റുകയും ഇറക്കുകയും ചെയ്യാവുന്ന ടാക്സി സ്റ്റാന്‍ഡ്, ഭിന്നശേഷിക്കാര്‍ക്കായി 20 പാര്‍ക്കിംഗ് സ്ലോട്ടുകളള്‍, യാത്രക്കാരുടെ വാഹനങ്ങള്‍ നിര്‍ത്തിയിടാനുള്ള 400 സൗജന്യ പാര്‍ക്കിംഗ് സ്ലോട്ടുകള്‍ എന്നിവയും ഒരുക്കിയിട്ടുണ്ട്. അതോടൊപ്പം യാത്രക്കാര്‍ക്ക് ഷോപ്പിംഗ് സൗകര്യം ഒരുക്കുന്നതിനായി 18 വ്യാപാര സ്ഥാപനങ്ങളും സ്റ്റേഷനോട് ചേര്‍ന്ന് പ്രവര്‍ത്തിക്കുന്നുണ്ട്.
ദുബായ് എക്സ്പോ 2020 റൂട്ട് ഈ മാസം തുറക്കും
ദുബായ് എക്‌സ്‌പോയുടെ ഭാഗമായി പുതുതായി പണി കഴിപ്പിച്ച റൂട്ട് 2020 ഈ മാസത്തോടെ പൂര്‍ണമായി പ്രവര്‍ത്തനക്ഷമമാവുമെന്ന് ആര്‍ടിഎ അറിയിച്ചു. ഈ വര്‍ഷം ജനുവരി ഒന്നിന് റൂട്ട് 2020യില്‍ ഭാഗികമായി മെട്രോ സര്‍വീസ് തുടങ്ങിയിരുന്നു. ആദ്യഘട്ടത്തില്‍ നാല് മെട്രോ സ്റ്റേഷനുകളാണ് റൂട്ട് 2020യില്‍ പ്രവര്‍ത്തനം തുടങ്ങിയത്. മെട്രോയുടെ റെഡ് ലൈനില്‍ ജബല്‍ അലി സ്റ്റേഷന് (ഇന്റര്‍ചേഞ്ച് സ്റ്റേഷന്), ദി ഗാര്‍ഡന്‍സ്, ഡിസ്‌കവറി ഗാര്‍ഡന്‍സ്, അല്‍ ഫുര്‍ജാന്‍ എന്നിയാണ് നാലു സ്റ്റേഷനുകള്‍. ഈ റൂട്ടില്‍ കൂടുതല്‍ ആളുകള്‍ താമസിക്കുന്ന സ്ഥലങ്ങളെന്ന നിലയ്ക്കാണ് ഈ നാലിടങ്ങളില്‍ ആദ്യഘട്ടം തന്നെ സ്റ്റേഷനുകള്‍ സ്ഥാപിച്ചത്. ശേഷിക്കുന്ന ജുമൈറ ഗോള്‍ഫ് എസ്റ്റേറ്റ്, എക്സ്പോ സൈറ്റ് തുടങ്ങി മറ്റ് മെട്രോ സ്റ്റേഷനുകള്‍ എക്സ്പോ 2020യോട് അനുബന്ധിച്ച് പ്രവര്‍ത്തനം തുടങ്ങും.
ഒരു ദിവസം ഒന്നേകാല്‍ ലക്ഷം യാത്രക്കാര്‍
ഒരു ഭാഗത്തേക്ക് 23,000 എന്ന തോതില്‍ മണിക്കൂറില്‍ 46,000 പേര്‍ക്ക് യാത്ര ചെയ്യാനുള്ള ശേഷി റൂട്ട് 2020ക്ക് ഉണ്ടെന്ന് ആര്‍ടിഎ ചെയര്‍മാന്‍ മത്താര്‍ മുഹമ്മദ് അല്‍ തായര്‍ അറിയിച്ചു. 2021ല്‍ 50 മെട്രോ ട്രെയിനുകളിലായി പ്രതിദിനം 1.25 ലക്ഷം യാത്രക്കാര്‍ ഈ റൂട്ടില്‍ സഞ്ചരിക്കുമെന്നാണ് കണക്കാക്കപ്പെടുന്നത്. 2030ഓടെ 2.75 ലക്ഷമായി പ്രതിദിന യാത്രക്കാരുടെ എണ്ണം വര്‍ധിക്കുമെന്നും പ്രതീക്ഷിക്കപ്പെടുന്നു. പ്രവൃത്തി ദിവസങ്ങളില്‍ എക്സ്പോ സന്ദര്‍ശകരായ 35,000 പേരും വാരാന്ത്യ ദിനങ്ങളില്‍ 47,000 പേരും ഈ റൂട്ടില്‍ യാത്ര ചെയ്യുമെന്ന് പ്രതീക്ഷിക്കുന്നതായും അദ്ദേഹം വ്യക്തമാക്കി. 11 ബില്യന്‍ ദിര്‍ഹമാണ് ദുബായ് മെട്രോയുടെ 15 കിലോമീറ്റര്‍ നീളത്തിലുള്ള പുതിയ റൂട്ട് 2020 പാതയുടെ പദ്ധതിചെലവ്. ഇതില്‍ 11.8 കിലോമീറ്റര്‍ ഭൂമിക്കു മുകളിലൂടെയും 3.2 കിലോമീറ്റര്‍ ഭൂമിക്ക് അടിയിലൂടെയുമാണ് കടന്നുപോവുന്നത്. ഇതോടെ ദുബായ് മെട്രോയുടെ ആകെ ദൂരം 90 കിലോമീറ്ററായി ഉയരും.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : new dubai metro station to open on september1 in jumeirah golf estates
Malayalam News from malayalam.samayam.com, TIL Network
