കൊവിഡ് കേസുകള്‍ കുറയുന്നു; കോളേജുകളും സ്കുളുകളും തുറന്ന് സംസ്ഥാനങ്ങള്‍

ന്യൂഡൽഹി: കൊവിഡ് കേസുകള്‍ കുറഞ്ഞ സംസ്ഥാനങ്ങളില്‍ ജീവിതം പഴയ നിലയിലേക്ക് എത്തുന്നു. അതിന്റെ ഭാഗമായി വിവിധ സംസ്ഥാനങ്ങളില്‍ സ്കൂളുകള്‍ അടക്കം തുറക്കുവാൻ ഒരുങ്ങുകയാണ്.



ഡൽഹി, തമിഴ്നാട്, മധ്യപ്രദേശ്, അസം, രാജസ്ഥാൻ, മധ്യപ്രദേശ്, മേഖാലയ, ഗുജറാത്ത് എന്നീ സംസ്ഥാനങ്ങളിലാണ് സ്കൂളുകള്‍ തുറക്കുന്നതിന് അനുമതി നൽകിയിരിക്കുന്നത്. ഈ സംസ്ഥാനങ്ങളിൽ പലതിലും നേരത്തെ തന്നെ പല ക്ലാസുകളും ആരംഭിച്ചിരുന്നു. ഉത്തർപ്രദേശിലും പ്രൈമറി സ്കൂളുകള്‍ തുറക്കാൻ അനുമതിച്ചിട്ടുണ്ട്.

Also Read : പുനസംഘടന പക്ഷപാതപരം, സംഘടനാ തെരഞ്ഞെടുപ്പ് നടത്തണം; താരിഖ് അൻവറിനെതിരെ ഗ്രൂപ്പുകള്‍



പല സ്കൂളുകളിലും വിവിധ ക്ലാസുകള്‍ക്കാണ് അനുമതിയുള്ളത്. ഡൽഹി, തമിഴ്നാട് 9 മുതൽ 12 വരെ ക്ലാസുകള്‍ ഇന്ന് മുതൽ തുടങ്ങി. മധ്യപ്രദേശിൽ ആറാം ക്ലാസ് മുതൽ 12ാം ക്ലാസ് വരെയുള്ള സ്കൂളുകളും ഇന്ന് ആരംഭിച്ചിട്ടുണ്ട്. മേഖാലയയിലെ സ്കൂളുകളും ഇന്ന് തുറന്നിട്ടുണ്ട്. തമിഴ്നാട്ടിൽ കോളേജുകളും യൂണിവേഴ്സിറ്റി ഇന്ന് മുതൽ പ്രവര്‍ത്തനം തുടങ്ങിയിട്ടുണ്ട്.

ഉത്തര്‍പ്രദേശിൽ ഒൻപതാം ക്ലാസ് മുതൽ 12 വരെ ഓഗസ്റ്റ് 16നും ആറാം ക്ലാസ് മുതൽ എട്ട് വരെയുള്ള ഓഗസ്റ്റ് 23 വരെ തുറന്നിരുന്നു. മദ്രസകളും തുറന്ന് പ്രവര്‍ത്തിക്കുന്നുണ്ട്.

17 മാസങ്ങള്‍ക്ക് ശേഷമാണ് സ്കൂള്‍ തുറക്കുന്നത് എന്നതാണ് പ്രത്യേകത. കൊവിഡ് പ്രോട്ടോക്കോള്‍ പാലിച്ചാണ് ക്ലാസുകള്‍ നടക്കുന്നത്. 50 ശതമാനം വിദ്യാര്‍ത്ഥികളുമായി ക്ലാസുകള്‍ ആരഭിച്ചത്.

Also Read : രാജ്യത്ത് 41,965 രോഗബാധിതർ കൂടി, 350 മരണം; വീണ്ടും വാക്സിനേഷൻ റെക്കോ‍ർ‍ഡിൽ രാജ്യം



രണ്ട് ഡോസ് വാക്സിൻ സ്വീകരിച്ചിട്ടുണ്ടെന്ന് സര്‍ക്കാര്‍ ഉറപ്പാക്കിയിട്ടുണ്ട്. ഉത്തർപ്രദേശ് ഉൾപ്പെടെയുള്ള ചില സംസ്ഥാനങ്ങളിൽ നിലവിൽ രാവിലെയും ഉച്ചയ്ക്കുമായി 2 ഷിഫ്റ്റുകളായാണു പ്രവർത്തനം. വിദ്യാർഥികളുമായി ആഴ്ചയിൽ 6 ദിവസം ക്ലാസുകൾ നടത്താനാണു തീരുമാനം. ഇതിനൊപ്പം തന്നെ ഓൺലൈൻ ക്ലാസുകളും തുടരും.

അതേ സമയം, വിദ്യാഭ്യാസ സ്ഥാപനങ്ങൾ തുറക്കാൻ ഉള്ള തെലങ്കാന സർക്കാർ തീരുമാനം കഴിഞ്ഞ ദിവസം തെലങ്കാന ഹൈക്കോടതി തടഞ്ഞിരുന്നു.

സ്കൂളുകള്‍ക്ക് പുറമെ, വിവിധ ടൂറിസം അടക്കമുള്ള മറ്റ് വകുപ്പുകളും പലസ്ഥലങ്ങളിലും ആരംഭിച്ചിട്ടുണ്ട്. മേഘാലയയിലെ ടൂറിസം രംഗവും പുനപ്രവര്‍ത്തിച്ച് തുടങ്ങി. അതിന് പുറമെ, സുപ്രീം കോടതി നേരിട്ടുള്ള വാദം കേള്‍ക്കാൻ തുടങ്ങി.

Also Read : കൊവിഡ്-19: തീവ്രവ്യാപനം പത്താം തീയതിയോടെ കുറയും, ഈ ആഴ്ച 40,000 വരെ കേസുകള്‍ എത്തിയേക്കാം; റിപ്പോര്‍ട്ട്



ഗുജറാത്തിൽ ആറാം ക്ലാസ് മുതൽ എട്ടാം ക്ലാസ് വരെയുള്ള വിദ്യാര്‍ത്ഥികള്‍ക്കും സ്കൂളുകളിൽ പോകാമെന്ന് ഉത്തരവിറക്കിയത്. സെപ്റ്റംബര്‍ രണ്ട് മുതലാണ് ഇതിന് അനുമതി ലഭിച്ചിരിക്കുന്നത്.

ഉത്തര്‍പ്രദേശ് തെരഞ്ഞെടുപ്പിന്റെ പശ്ചാത്തലത്തിൽ മായാവതിയുടെ തെരഞ്ഞെടുപ്പ് പ്രചരണങ്ങള്‍ക്ക് സെപ്റ്റംബര്‍ ഏഴിന് ആരംഭിക്കുമെന്നും പ്രഖ്യാപിച്ചിട്ടുണ്ട്. അതേസമയം, കേരളത്തില്‍ കൊവിഡ് കേസുകള്‍ വര്‍ദ്ധിച്ച് വരികയാണ്.