ജ്യൂസിൽ ലഹരി നൽകി നീലച്ചിത്രം പകർത്തി; പരാതിയുമായി മുൻ മിസ് ഇന്ത്യ

ബോളിവുഡിനെെ ഞെട്ടിച്ച രാജ് കുന്ദ്രയുടെ നീലച്ചിത്ര വിവാദത്തിന് പിന്നാലെ മറ്റൊരു വാര്‍ത്ത കൂടി. മുൻ മിസ് ഇന്ത്യ യൂണിവേഴ്സും മോഡലുമായ പാരി പാസ്വാനെ ജ്യൂസിൽ ലഹരി മരുന്ന് നൽകിയ ശേഷം നീലച്ചിത്രം ചിത്രീകരിച്ചുവെന്നാണ് പരാതി വന്നിരിക്കുന്നത്.

മുംബൈ ആസ്ഥാനമായുള്ള പ്രൊഡക്ഷൻ ഹൗസിനെതിരെയാണ് ഇവര്‍ പരാതി നൽകിയിരിക്കുന്നത്. എന്നാൽ, കമ്പനിയുടെ പേര് ഇവര്‍ വെളിപ്പെടുത്തിയിട്ടില്ല.

Also Read : പുനസംഘടന പക്ഷപാതപരം, സംഘടനാ തെരഞ്ഞെടുപ്പ് നടത്തണം; താരിഖ് അൻവറിനെതിരെ ഗ്രൂപ്പുകള്‍



ജോലി തേടി മുംബൈയിൽ എത്തിയതായിരുന്നു. അപ്പോഴാണ് കേസിനാസ്പദമായ സംഭവമുണ്ടായത്. ലഹരി മരുന്ന് കലര്‍ത്തിയ ജ്യൂസ് നൽകുകയായിരുന്നു. അതിന് ശേഷം നീല ചിത്രം പകര്‍ത്തുകയായിരുന്നു. പിന്നീട്, ഇതിനെക്കുറിച്ച് അറിഞ്ഞപ്പോള്‍ വിഷയം പോലീസിൽ അറിയിക്കുകയായിരുന്നു.

മുംബൈയില്‍ വെച്ച് കൂള്‍ ഡ്രിംഗ്‌സില്‍ മയക്കുമരുന്ന് കലര്‍ത്തിയ ശേഷം തന്റെ നഗ്ന വീഡിയോ നിര്‍മിച്ചുവെന്നും ഇതേ കുറിച്ച് അറിഞ്ഞപ്പോള്‍ താന്‍ മുംബൈ പൊലീസില്‍ പരാതി നല്‍കി. കേസ് അവര്‍ അന്വേഷിച്ച് വരികയാണ് എന്നണ് സംഭവത്തെ കുറിച്ച് പാരി പസ്വാന്‍ പറയുന്നത്. അതേ സമയം ഫിലിം പ്രൊഡക്ഷന്‍ ഹൗസിന്റെ പേര് ഇതുവരെ പുറത്ത് വിട്ടിട്ടില്ല.

പ്രൊഡക്ഷൻ കമ്പനിക്ക് പുറമെ ഭര്‍ത്താവിനെതിരെയും ഇവര്‍ പരാതി നൽകിയിട്ടുണ്ടെന്ന് ടൈംസ് നൗ റിപ്പോര്‍ട്ട് ചെയ്യുന്നു.

“ഞാൻ എന്റെ ഭർത്താവിനും മറ്റുള്ളവർക്കുമെതിരെ കത്രാസ് പോലീസ് സ്റ്റേഷനിൽ കേസ് രജിസ്റ്റർ ചെയ്തിട്ടുണ്ട്. മുംബൈയിൽ പെൺകുട്ടികളെ വഞ്ചിക്കുകയും വീഡിയോകൾ തെറ്റായി ചിത്രീകരിക്കുകയും വൈറലാവുകയും ചെയ്യുന്ന ഒരു സംഘമുണ്ട്. ആ കേസിൽ ഞാൻ ഒരു ഇരയാണ്. ഇതിനെക്കുറിച്ച് പഠിച്ചതിന് ശേഷവും, മാൽവാനി പോലീസ് സ്റ്റേഷനിൽ നീതിക്കായി ഞാൻ സംഘാംഗങ്ങൾക്കെതിരെ എഫ്ഐആർ ഫയൽ ചെയ്തിട്ടുണ്ട്.

സ്ത്രീധന പീഡനത്തെ ചൊല്ലി ഭര്‍ത്താവ് നീരജിനെതിരെയും കുടുംബാംഗങ്ങള്‍ക്കെതിരെയും പ്രശ്നങ്ങളെ തുടര്‍ന്ന് വാര്‍ത്തകളില്‍ ഇടംപിടിച്ചിരുന്നു. പാരി നൽകിയ കേസിൽ നീരജിനെ അറസ്റ്റ് ചെയ്തിരുന്നു.

Also Read : കൊവിഡ്-19: തീവ്രവ്യാപനം പത്താം തീയതിയോടെ കുറയും, ഈ ആഴ്ച 40,000 വരെ കേസുകള്‍ എത്തിയേക്കാം; റിപ്പോര്‍ട്ട്

അതേസമയം, നീരജിന്റെ കുടുംബം മോഡലിനെതിരെയും ആരോപണങ്ങൾ ഉന്നയിച്ചിരുന്നു. മുംബൈ പ്രൊഡക്ഷൻ ഹൗസിന്റെ പിന്തുണയുള്ള ഒരു നീലച്ചിത്രങ്ങളില്‍ നടി അഭിനയിച്ചിട്ടുണ്ടെന്നും അവർ ‘നിരപരാധികളെ’ കുടുക്കുകയാണെന്നും അവർ അവകാശപ്പെട്ടു. മുമ്പ് രണ്ട് യുവാക്കളെ വിവാഹം കഴിച്ചതായും പാരി അവർക്കെതിരെ കേസെടുത്തിട്ടുണ്ടെന്നും അവർ ആരോപിച്ചു.

ജാര്‍ഖണ്ഡിൽ നിന്നുള്ള ഒരു മോഡലാണ് പാരി. 2019 ലെ വി വി എൻ മിസ് യൂണിവേഴ്സ് ആയിരുന്നു പാരി പസ്വാൻ. മുംബൈ പോലീസിലാണ് ഇവര്‍ പരാതി നൽകിയത്.